1کُرِنتھِیوں 1:12 - کِتاب مُقدّس سرائیکی ترجمہ

¹² میڈا مطلب ایہ ہے جو تُہاڈے ءچوں کوئی آپنڑے آپ کُوں ”پولُس دا شاگرد“ آدھے، کوئی ”اپُلّوس دا“ کوئی ”کیفا دا“ تے کوئی ”مسیح دا۔“

1کُرِنتھِیوں 1:12 Iomraidhean Croise

متّی 23:8

پر تُساں ربّی نہ اکھواؤ کیوں جو تُہاڈا اُستاد ہِکو ہے یعنی مسیح، تے تُساں سبھ بِھرا ہیوے۔

یُوحنّا 1:42

او اُونکُوں یسُوع دے کولھ گِھن آیا۔ یسُوع اُوندے اُتے نِگاہ کیتی تے آکھیا، ”تُوں یُوحنّا دا پوتر شمعون ہیں۔ ہُنڑ کنُوں تیڈا ناں کیفا ہوسی۔“ (کیفا دا ترجمہ پطرس ہے جِیندا مطلب پتھر ہے۔)

اعمال 18:24

اِیں دوران اپُلّوس ناں دا ہِک یہُودی جیہڑا اِسکندرِیہ دا راہنڑ آلا ہا، اِفِسُس آ پُجیا۔ او تقریر کرݨ ءچ ماہر تے خُدا دے کلام دا ڈاڈھا علم رکھیندا ہا۔

اعمال 19:1

جِیں ویلے اپُلّوس کُرِنتُھس ءچ ہا تاں پولُس پہاڑی علاقہ ءچوں لنگھدے ہوئے اِفِسُس پُجیا۔ اُتھاں اُونکُوں کُجھ شاگرد مِلے۔

1کُرِنتھِیوں 1:11

میڈے بِھراؤ! خلوئے دے گھر آلیاں میکُوں خبر ڈِتی ہے جو تُہاڈے ءچ جھیڑے تھیندے پئے ہِن۔

1کُرِنتھِیوں 15:5

تے پطرس کُوں تے ولا بارہاں شاگرداں کُوں ڈِکھالی ڈِتا۔

1کُرِنتھِیوں 15:50

بِھراؤ! میڈا مطلب ایہ ہے جو خون تے گوشت خُدا دی بادشاہی دے وارث نئیں تھی سگدے تے نہ جیہڑا فانی ہے، غیرفانی دا وارث تھی سگدے۔

1کُرِنتھِیوں 16:12

اپُلّوس بِھرا کُوں مَیں بہُوں زور ڈے تے آکھے جو او وی مسیحی بِھرانواں دے نال تُہاڈے کولھ آوے پر اِیں ویلے او راضی نہ تھیّا۔ جے بعد ءچ مناسب موقع مِلیا تاں او ضرور آسی۔

1کُرِنتھِیوں 4:6

بِھراؤ! مَیں تُہاڈی خاطر اِنہاں گالھیں ءچ آپنڑا تے اپُلّوس دا ذِکر مثال دے طور تے پیش کیتے تاں جو تُساں ساڈے ذریعے سِکھو جو ”لِکھے ہوئے کنُوں اگھاں نہ ودھو۔“ تے تُہاڈے ءچوں کوئی کہیں ہِک دی حمایت ءچ ڈُوجھے دے خلاف نہ پُھنڈے۔

1کُرِنتھِیوں 7:29

بِھراؤ! مَیں ایہ آدھا ہاں جو وقت گھٹ ہے، اِیں واسطے اگُوں کنُوں ذال آلے اِینویں ہووݨ جِینویں او بغیر ذال دے ہِن۔

1کُرِنتھِیوں 9:5

کیا ساکُوں ایہ حق نئیں جو کہیں اِیماندار عورت کُوں پرنا گِھنوں تے اُونکُوں آپنڑے نال گِھدی پِھرُوں، جِینویں بئے رسُول، خُداوند دے بِھرا تے کیفا کریندے ہِن؟

2کُرِنتھِیوں 10:7

تُساں ظاہری چیزاں اُتے غور کریندے ہیوے۔ جے کہیں کُوں آپنڑے آپ اُتے ایہ بھروسا ہے جو او مسیح دا ہے تاں اُونکُوں ایہ وی سوچ گِھننڑاں چاہیدے جو جِینویں او مسیح دا ہے اُونویں ای اساں وی ہیں۔

2کُرِنتھِیوں 9:6

یاد رکھو جو جیہڑا تھوڑا رہیندے او تھوڑا کپیسی تے جیہڑا زیادہ رہیندے او زیادہ کپیسی۔

گلتِیوں 2:9

تے جِیں ویلے یعقُوب، پطرس تے یُوحنّا جیہڑے کلیسیا دے سربراہ سمجھے ویندے ہَن، ایہ ڈِٹھا جو خُدا میکُوں وی خاص توفیق ڈِتی ہے تاں اُنہاں میکُوں تے برنباس کُوں سجا ہتھ ڈے تے آپنڑی شراکت ءچ قبول کر گِھدا۔ تے اِیں گالھ اُتے اِتفاق کیتا جو اساں غیر قوماں ءچ خدمت کرُوں تے او یہُودیاں ءچ۔

گلتِیوں 3:17

میڈا مطلب ایہ ہے جو او عہد جیندی تصدیق خُدا پہلے ای کر ڈِتی ہئی، اُونکُوں شریعت جیہڑی چار سو ترِیح سال بعد آئی، ختم نئیں کر سگدی تے نہ اُوں وعدے کُوں منسوخ کر سگدی ہے۔