1کُرِنتھِیوں 1:10 - کِتاب مُقدّس سرائیکی ترجمہ

¹⁰ بِھراؤ! مَیں آپنڑے خُداوند یسُوع المسیح دے ناں کنُوں تُہاڈی مِنت کریندا ہاں جو تُساں ہِک ڈُوجھے نال اِتفاق رکھو، تے تُہاڈے ءچ پارٹی بازی نہ ہووے، بلکہ تُساں سارے ہِک دل تے ہِک سوچ تھی تے ہِک مُٹھ راہو۔

1کُرِنتھِیوں 1:10 Iomraidhean Croise

متّی 9:16

پُرانڑے کپڑے اُتے نویں کپڑے دی ٹاکی کوئی نئیں لیندا، کیوں جو نواں کپڑا سُنگڑ تے پُرانڑے کپڑے ءچوں کُجھ چھیک گِھنسی تے او زیادہ پھٹ ویسی۔

مرقس 2:21

پُرانڑے کپڑے اُتے نویں کپڑے دی ٹاکی کوئی نئیں لیندا، نہ تاں نواں کپڑا سُنگڑ تے پُرانڑے کپڑے ءچوں کُجھ چھیک گِھنسی تے او زیادہ پھٹ ویسی۔

مرقس 3:24

تے جے کہیں بادشاہی ءچ پُھٹ پے ونجے تاں او قائم نئیں رہ سگدی۔

یُوحنّا 10:19

اِنہاں گالھیں دے سببّوں یہُودیاں ءچ وَل پُھٹ پے گئی۔

یُوحنّا 17:23

مَیں اُنہاں ءچ تے تُوں میڈے ءچ تاں جو او کامِل طور تے ہِک تھی ونجنڑ تے دُنیا جاݨ گِھنے جو تُوں ای میکُوں بھیجیا تے جِینویں تُوں میڈے نال محبت رکھی، اُنہاں نال وی محبت رکھی ہے۔

یُوحنّا 7:43

بس لوکاں ءچ اُوندے سببّوں اِختلاف تھیّا۔

یُوحنّا 9:16

وَل فریسیاں ءچوں کُجھ آکھنڑ لگے، ”ایہ بندہ خُدا دی طرفوں نئیں کیوں جو او سبت دے ڈینہہ کُوں نئیں منیندا۔“ پر کُجھ آکھنڑ لگے جو ”کوئی گُنہگار بندہ ایجھے معجزے کِینویں ڈِکھا سگدے؟“ بس اُنہاں ءچ پُھٹ پے گئی۔

اعمال 4:32

اِیمانداراں دی جماعت ہِک دل تے یک جان ہئی تے کہیں وی آپنڑے مال کُوں آپنڑا نہ آکھیا بلکہ اُنہاں دی ہر چیز سانجھی ہئی۔

رومیوں 1:13

بِھراؤ، مَیں نئیں چاہندا جو تُساں اِیں گالھ کنُوں ناواقف راہو جو مَیں کئی پھیری تُہاڈے کولھ آوݨ دا اِرادہ کیتا، تاں جو جِینویں ڈُوجھیاں غیر قوماں ءچ میڈی خدمت پھل گِھن آئی، تُساں ءچ وی گِھن آوے، پر مَیں اَج تئیں رُکیا ریہا۔

رومیوں 12:1

بس بِھراؤ! مَیں خُدا دیاں رحمتاں دا واسطہ ڈے تے تُہاڈی مِنت کریندا ہاں جو آپنڑے جِسم ہِک ایجھی قُربانی دے طور تے پیش کرو جیہڑی زندہ، پاک تے خُدا دی پسندیدہ ہے۔ اِیہو تُہاڈی مناسب عبادت ہے۔

رومیوں 12:16

ہِک ڈُوجھے نال اِتفاق نال راہو۔ اُچے اُچے خیال نہ بدھو، بلکہ پست لوکاں نال میل جول رکھو۔ آپنڑے آپ کُوں ڈُوجھیاں کنُوں عقل مند نہ سمجھو۔

رومیوں 15:30

بِھراؤ! مَیں تُہاکُوں ساڈے خُداوند یسُوع المسیح دا واسطہ ڈے تے، تے رُوح القُدس دی محبت یاد ڈیوا تے مِنت کریندا ہاں جو میڈے نال رَل تے خُدا کنُوں میڈے کیتے دُعا ءچ لگے راہو،

رومیوں 16:17

ہُنڑ بِھراؤ! مَیں تُہاڈی مِنت کریندا ہاں جو اُنہاں لوکاں تُوں خبردار راہو جیہڑے پارٹی بازی کرویندن تے اُوں تعلیم دے خلاف جیہڑی تُہاکُوں مِلی ہے، تعلیم ڈے تے تُھڈا کھواوݨ دا سبب ہِن۔ اُنہاں تُوں دُور راہو۔

1کُرِنتھِیوں 1:11

میڈے بِھراؤ! خلوئے دے گھر آلیاں میکُوں خبر ڈِتی ہے جو تُہاڈے ءچ جھیڑے تھیندے پئے ہِن۔

1کُرِنتھِیوں 11:18

پہلی گالھ ایہ ہے جو مَیں سُنڑے جو جِیں ویلے تُساں کلیسیا دے طور تے جمع تھیندے ہیوے تاں تُہاڈے ءچ تفرقے تھیندے ہِن۔ تے میکُوں کہیں حد تئیں اِیں گالھ دا یقین وی ہے۔

1کُرِنتھِیوں 12:25

تاں جو بدن ءچ تفرقہ نہ ہووے بلکہ اَنگ ہِک ڈُوجھے دی برابر فِکر رکھنڑ۔

1کُرِنتھِیوں 3:3

تُساں اجنڑ تئیں جِسمانی لوکاں وانگُوں زندگی گُزریندے پئے ہیوے۔ کیوں جو تُہاڈے ءچ حسد تے جھیڑے ہِن تاں کیا تُساں دُنیاوی نئیں؟ کیا تُساں اِنسانی طور طریقے اُتے نئیں چلدے پئے؟

1کُرِنتھِیوں 4:16

بس مَیں تُہاڈی مِنت کریندا ہاں جو میڈے نمونے اُتے ٹُرو۔

2کُرِنتھِیوں 10:1

ہُنڑ مَیں پولُس جیندے بارے ءچ کُجھ لوک آدھے ہِن جو تُہاڈے سامنڑے تاں عاجز ہاں پر غیر حاضری ءچ دلیر ہاں، مسیح دی عاجزی تے نرمی یاد ڈیویندے ہوئے خود تُہاکُوں درخاست کریندا ہاں۔

2کُرِنتھِیوں 13:11

غرض بِھراؤ! خوش راہو، کامِل بنڑدے ونجو، حوصلہ رکھو، ہِک سوچ رکھو، میل مِلاپ رکھو، وَل خُدا جیہڑا محبت تے سلامتی دا سرچشمہ ہے تُہاڈے نال راہسی۔

2کُرِنتھِیوں 13:9

کیوں جو اساں خوش ہیں جڈاں تُساں زور آور ہیوے بھانویں اساں کمزور ہیں۔ تے ساڈی دُعا ہے جو تُساں کامل تھی ونجو۔

2کُرِنتھِیوں 5:20

اِیں واسطے اساں مسیح دے ایلچی ہیں جِینویں جو خُدا ساڈے ذریعے لوکاں کُوں سمجھیندے۔ تے اساں مسیح دی طرفوں تُہاڈی مِنت کریندے ہیں جو ”خُدا نال صُلح کر گِھنو۔“

2کُرِنتھِیوں 6:1

اساں جیہڑے خُدا دے کم ءچ شریک ہیں تُہاڈی مِنت کریندے ہیں جو خُدا دے اُوں فضل کُوں جیہڑا تُہاڈے اُتے تھئے بے فائدہ نہ تھیوݨ ڈیؤں۔

گلتِیوں 4:12

بِھراؤ! مَیں تُہاڈی مِنت کریندا ہاں جو میڈے وانگُوں بنڑو جِینویں پہلے مَیں تُہاڈے وانگُوں بنڑیا ہم۔ تُساں میڈا کُجھ نُقصان نئیں کیتا۔

فِلِپّیوں 1:27

کُجھ وی تھی ونجے، اِتنا ضرور کرو جو تُہاڈا چال چلنڑ مسیح دی خوشخبری دے لائق ہووے تاں جو بھانویں مَیں تُہاکُوں ڈیکھنڑ آواں یا نہ آواں، ضرور تُہاڈے بارے ءچ سُنڑاں جو تُساں ہِک رُوح ءچ قائم ہیوے تے ہِک جان تھی تے خوشخبری دے اِیمان کیتے بہُوں محنت کریندے پئے ہیوے۔

فِلِپّیوں 3:16

بہرحال جِتھاں تئیں اساں پُج گئے ہیں، اُوندے مطابق زندگی گُزاروں۔

1تھِسّلُنیکیوں 5:13

اُنہاں دی خدمت دی وجہ تُوں محبت نال اُنہاں دی بہُوں عزت کرو۔ تے آپس ءچ میل مِلاپ رکھو۔

2تھِسّلُنیکیوں 2:1

بِھراؤ! اساں آپنڑے خُداوند یسُوع مسیح دی ڈُوجھی آمد تے اُوندے کولھ جمع تھیوݨ دے بارے ءچ تُہاکُوں ایہ درخاست کریندے ہیں،

1 تِیمُتھِیُس 5:21

مَیں خُدا، مسیح یسُوع تے چُنڑے ہوئے فرشتیاں کُوں گواہ بنڑا تے تیکُوں تاکید کریندا ہاں جو اِنہاں گالھیں اُتے بغیر تعصب تے بغیر طرفداری دے عمل کر۔

2 تِیمُتھِیُس 4:1

مَیں خُدا تے یسُوع مسیح کُوں جیہڑا زندیاں تے مُردیاں دی عدالت کریسی، گواہ بنڑا تے مسیح دے ظہور تے بادشاہی دی یاد ڈیوا تے تیکُوں تاکید کریندا ہاں،

1 پطرس 2:11

عزیزو، مَیں تُہاڈی مِنت کریندا ہاں جو تُساں جیہڑے اِیں دُنیا ءچ پردیسیاں تے مسافراں وانگُوں ہیوے، اُنہاں بُریاں خواہشاں کنُوں دُور راہو جیہڑیاں تُہاڈے نال لڑائی کریندیاں راہندیاں ہِن۔

1 پطرس 5:10

تُہاڈے تھوڑی دیر تئیں ڈُکھ چاوݨ تُوں بعد، خُدا جیہڑا سارے فضل دا مالک ہے تے جئیں مسیح دے ذریعے تُہاکُوں آپنڑے ابدی جلال ءچ شریک تھیوݨ کیتے سڈے، اُوہو خود تُہاکُوں کامِل، مضبوط، قائم تے زورآور کریسی۔