Yaꞌkub 4:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Man bi nnaa tatto-tatto, gam na kam magtangisan ka magkarukkaan sabapan dusa bi. Man bi nnaa gāk, gam na kam sasso ni dusa bi.

Yaꞌkub 4:9 Iomraidhean Croise

Matiyu 21:41

Tampung da, “Mastiꞌ pinapatoy jaꞌ silay meꞌ na ga jama jahat looy siꞌ, boꞌ pina-ntan na meꞌ na kabbun na ni jama sarī ma kuhi ngandean bahagiꞌ na.”

Matiyu 5:4

Njawom supaat sina sagannap ma magkasusahan ni bay dusa da batan pinagamgaman du sina sila meꞌ Tuhan.

Lukas 16:25

“Sugaꞌ tampung Nabi Ibrahim, ‘Nges, intomun doꞌ jaman nu llum ni junyaꞌ. Lay jaꞌ ko masannang dī nu ngissahan jinisan pakaradjaan ayad halloman nu ni junyaꞌ. Boꞌ si Lasarus itu, ilooy du bay takissa na katiksaan. Pag batnaa, iya doꞌ baw magparasahan ayad. Kuwan kau, nnaa na jaꞌ ko njawom tiksaꞌ.

Lukas 6:21

Njawom supaat kaam ma lingantu, batan pinaasso du sina kam bbos-bbos. Njawom supaat kaam ma nangis ni batnaa, batan gāk du sina kam bbos-bbos.

Lukas 6:25

Damikiyan, kaam ma maabak meꞌ bi maasso dī bi sadjaꞌ, siya-siya du sina kam. Batan bbos-bbos kalingantuhan du sina kam. Maka siya-siya du sina kam ma tatto-tatto ngisbat jaꞌ kagakan ni hāl junyaꞌ, batan bbos-bbos ina, magkarukkaan du kam sampay nangis.