Yaꞌkub 4:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Na sasat ni junyaꞌ tuu itu tud basag, sugaꞌ mas basag gi aseꞌ-tabang Tuhan njataꞌ tabi. Sat na jaꞌ, subay diyoꞌ pangatayan tabi. Batan yuk suwat njawom kitab, “Kinuntra meꞌ Tuhan sagannap ma abbuhan, sugaꞌ tabangan na sagannap ma diyoꞌ pangatayan da.”

Yaꞌkub 4:6 Iomraidhean Croise

Matiyu 13:12

Batan soysoy ina pitsayaꞌ niyaku sampay nganna bitsala ku, mastiꞌ sinampunan na pin pangahati na paeka. Sugaꞌ soysoy ina yaꞌ doman pitsayaꞌ niyaku, san luu pangahati na dangkitiꞌ, song hallom llakkahan du.

Matiyu 23:12

Batan soysoy ina magpadiyoꞌ, pinalangkaw du sina. Sugaꞌ soysoy ina malangkaw dī na, pinadiyoꞌ du sina.”

Lukas 1:52

Maka llabbos meꞌ na sagannap sultan ma karomanan na llabbos. Sugaꞌ soysoy diyoꞌ pangatayan na, mastiꞌ inangkat jaꞌ meꞌ na.

Lukas 14:11

Indanan bi. Soysoy ina malangkaw dī na, song hallom, pinadiyoꞌ du sina. Sugaꞌ soysoy ina magpadiyoꞌ, pinalangkaw du sina.”

Lukas 18:14

Pag-anu yuk si Isa lagi, “Na pag poleꞌ da ilay, baan ta kam banahan, ni antaraꞌ sila sikaduwa, iya ilay initung intong meꞌ Tuhan yana tukang ninga sukay looy. Boꞌ Parisi looy ilay, niyaꞌ. Batan soysoy ina malangkaw dī na, song hallom, pinadiyoꞌ du sina. Sugaꞌ soysoy ina magpadiyoꞌ, pinalangkaw du sina.”

Yaꞌkub 4:10

Maka magpadiyoꞌ na kam pa Tuhan, boꞌ bi inangkat meꞌ na.

1 Pitel 5:5

Na kuwan kaam ma masi baddung, subay kam lillaꞌ ni siga matatoa ni baanan bi. Maka kitabi sikamimon subay magpadiyoꞌ saliꞌ-saliꞌ ni pagkahi tabi, batan yuk njawom kitab, “Kinuntra meꞌ Tuhan sagannap ma abbuhan, sugaꞌ tabangan na sagannap ma diyoꞌ pangatayan da.”