Yaꞌkub 4:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Na ni kapasal pagsaggaan ka pagjawapan ni siga baanan bi, oy ilay bistahan bi poonan na? Saꞌ ba sabap luu napsu bi maat ma magsaggaꞌ ka pamiki bi ma mahap?

Yaꞌkub 4:1 Iomraidhean Croise

Matiyu 15:19

Batan luu du lakka man jawom atay jama pamiki maat ma moo jama mapatoy maka magjina, buwat kasabuhan danda-lalla, nangkaw, ngandustaꞌ maka mitna.

Yahiya 8:44

Kaam ina, Ibilis mmaꞌ bi. Dari ilooy karomanan bi pinabuwat, siga pabuwatan ma nulut ni kahandak na. Ibilis ina ndang tukang mapatoy labba man tagnaꞌ. Bong inawnan hāl kabanahan, yaꞌ ya doman palamud sabap yaꞌ luu niiya kabanahan. Bong ya mitsala, dustaꞌ jaꞌ, batan ndang pangandustaꞌ ya. Lagiꞌ na, ndang iya poonan dustaꞌ.

Suwat si Pol pa mman Baanan Sukuꞌ si Isa ndooy ni Rom 7:23

luu na pin napsu ku naggaꞌ. Dari sibuꞌ du ku ka ata pinagbayaan meꞌ napsu ku buwat dusa sabap nabiat ku nganduwan iya.

Suwat si Pol pa mman Baanan Sukuꞌ si Isa ndooy ni Rom 7:5

Maruhuꞌ, jaman tabi yaꞌ gi mmeꞌ ni si Isa, bay jaꞌ kitabi nganduwan napsu tabi buwat jinisan ma tagga ni saraꞌ. Batan mangkin na luu pabuwatan ma tasayu tabi tinagga meꞌ saraꞌ, mangkin na tomoꞌ dawom tabi ngalangga. Boꞌ ilooy du bay takoleꞌ tabi bay ngalangga saraꞌ, yana katiksaan nyawa.

Suwat si Pol pa mman Baanan Sukuꞌ si Isa ndooy ni Rom 8:7

Boꞌ sagannap ma maabak meꞌ da nganduwan napsu da ina, manta Tuhan sabap yaꞌ sila kuhi ngasip ni siga panohoan na. Boꞌ ni sabana na, jama meꞌ sila ina, yaꞌ takaya da ngasip Tuhan.

Galatiya 5:17

Napsu ta ina wā nguntra kahandak Rū Sutsiꞌ. Rū Sutsiꞌ pun wā du nguntra napsu ta. Magsaggaꞌ jaꞌ sila. Sangkon mamooy-mamooy ina paruli ta, luu na pin ilooy disu naggaꞌ.

Kolossa 3:5

Sangkon, timanan bi na mimon kalaatan meꞌ sapantun jina ka mimon jinisan kasabuhan sampay pamiki maat. Maka daa na kam magnapsu mulakab ni altaꞌ. Batan bong ina inaa tabiat bi, sibuꞌ du kam ka numba altaꞌ.

2 Timuti 2:23

Maka daa ko palamud ni pagjawapan ma yaꞌ luu kapuspusan na meꞌ ilooy ma pinaabak meꞌ jama awam ni kabanahan. Tasayu nu du sina, inaa na poonan jama sasaꞌ-manasaꞌ.

Taytus 3:3

Ndang subay yaꞌ langkaw atay tabi batan jaman tabi ilay yaꞌ gi bay pitsayaꞌ ni si Isa, kitabi pun awam du ni kabanahan. Yaꞌ du tabi bay ngasip ni kahandak Tuhan. Bay du kitabi lingu. Bay jaꞌ kitabi maabak meꞌ tabi koleꞌ parasahan ayad para ni dī tabi. Sibuꞌ du kitabi ka bay pinahata meꞌ jinisan napsu ma maat. Llaw pa dangallaw, maat jaꞌ pamiki tabi ni pagkahi tabi manusiyaꞌ. Tud yaꞌ bay kuhi lakka man jawom atay tabi meꞌ tabi bay sikadangkiꞌ-kadangkiꞌ ka sikalammis-kalammis.

Taytus 3:9

Sugaꞌ kasohean jama yaꞌ doman ngahasi bitsala ku. Iya karomanan da magjaw-jawap jaꞌ hāl ma yaꞌ luu pus na. Tigiꞌ sila maglangkaw-langkawan ni hāl usuwan kabboꞌ-bboan maka magsaggaꞌ pasal jinisan aturan agama Yahudi. Sangkon daa na ko palamud. Tud yaꞌ sina luu sōng na, gam pin kalāt gi ni waktu.

Yaꞌkub 1:14

Arapun ilooy ya moo sasat ni manusiyaꞌ yana napsu da mismu moo-moo sila buwat kalaatan.

Yaꞌkub 4:3

Pun sakali lay na kam maku, boꞌ kam yaꞌ bay kabuwanan, pin ilay meꞌ looy sabap yaꞌ mahap niyat atay bi maku. Iya paku bi yana isu-isu pakaradjaan ma masannang dī bi sadjaꞌ.

1 Pitel 1:14

Meꞌ kaam ina anak Tuhan na ma ngasip niiya, daa na padarahun bi bay kadarihan bi maruhuꞌ. Waktu looy ilay awam lagi kam pasal Tuhan. Sangkon lay na jaꞌ duwan bi napsu bi ma maat.

1 Pitel 2:11

Siga kakasi ku, junyaꞌ tuu itu saꞌ lahat tabi sabanna. Sampi jaꞌ kitabi ntuu. Sangkon junjung ku na ningkaam, daa na duwanun bi napsu maat ma pinaabak meꞌ jama ma nabiat mandang hāl junyaꞌ. Batan siga napsu meꞌ looy ilay, meꞌ karuha banta bi ma niksaꞌ nyawa bi.

2 Pitel 2:18

Basag sila ngabbu saula-ula pandoy sila, boꞌ ko, karupangan jaꞌ bitsala da. Baꞌ-bāꞌ da, san gi oy kinanapsuhan meꞌ jama, dari jaꞌ nduwan. Sabapan tōꞌ da meꞌ looy, kasohean jama ma bahau jaꞌ pitsayaꞌ ni Papuꞌ Isa, ma bahau jaꞌ bay ngalabbahan napsu da ma maat, lay na baw taboo-boo bbeleng pabalik pa bay kalaatan da.

2 Pitel 3:3

Sugaꞌ ilooy duhuꞌ subay tahati bi meꞌ tuu: Ni ahil jaman, meka sina mintu pangaludjum. Ilooy du meꞌ punu njawom atay da nganduwan napsu da sadjaꞌ.