Yaꞌkub 3:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Kamasaꞌ kitabi itu manusiyaꞌ, meka jaꞌ du jalan man tabi magsāꞌ, labi na ni bitsala tabi. Bong siꞌ ina luu jaꞌ jama yaꞌ kuhi magsāꞌ mitsala, malaingkan iya jama yaꞌ luu sutsutan niiya. Batan bong ina takaya na ngagak behe na, mastiꞌ takaya na du ngagak baran na labbasakayi.

Yaꞌkub 3:2 Iomraidhean Croise

Matiyu 12:34

“Kaam tu siga Parisi, subay ga baanan sō latsunan. Yaꞌ kam kabitsala mahap sabap maat jaꞌ pangatayan bi. Batan oy-oy ina njawom atay manusiyaꞌ, inaa du sina pōꞌ man jawom behe da.

Matiyu 12:37

Ni llaw looy ilay mintu, bay bitsala bi yana pindoga man bi initung meꞌ Tuhan intong atawa kalabuan hukuman.”

Suwat si Pol pa mman Baanan Sukuꞌ si Isa ndooy ni Rom 3:10

Boꞌ sikatuwaꞌ du ka halling njawom kitab, ilooy ma yuk na, “Yaꞌ luu san disu manusiyaꞌ intong pa Tuhan.

Suwat si Pol pa mman Baanan Sukuꞌ si Isa ndooy ni Rom 7:21

Pangissahan ku, san luu dawom ku wā buwat kaintongan, luu na pin napsu ni baran ku kaboo-boo niyaku buwat jinisan dusa.

1 Korin 9:27

Maka iyakinan ku dī ku. Yaꞌ ku nganduwan napsu ku, taggahaꞌ aku gi bay noan jama bong pooy meꞌ da koleꞌ haddiya numbul satu, aku na baw ya mintu yaꞌ koleꞌ oy maka oy na.

Galatiya 3:22

Sugaꞌ tallak na silay njawom kitab mimon manusiyaꞌ takawum leꞌ dusa. Sangkon yaꞌ takaya da mogbogan saraꞌ. Dari lay na Tuhan nganjanjiꞌ muwasan dusa da basta sila pitsayaꞌ jaꞌ ni si Isa Almasi.

Galatiya 5:17

Napsu ta ina wā nguntra kahandak Rū Sutsiꞌ. Rū Sutsiꞌ pun wā du nguntra napsu ta. Magsaggaꞌ jaꞌ sila. Sangkon mamooy-mamooy ina paruli ta, luu na pin ilooy disu naggaꞌ.

Kolossa 1:28

Dari inaa na sina kon kami masaplag pasal iya ni sikamimon bangsa. Sabuli-buli kami na situ mupusan kapandoyan bay pamuwan Tuhan ningkami man kami noan sila sampay ngawalan sila. Batan kainagon kami sikamimon ma mmeꞌ ni Almasi yaꞌ na luu sutsutan njataꞌ da ni mata Tuhan.

Kolossa 4:12

Maka luu gi ntuu jama lahat bi du, yana si Epapras, lay du bay nohoꞌ masampay salam duwaa na ningkaam. Iya itu sabana-bana sosohoan si Isa Almasi. Basag ya makuhan kaam duwaa supaya taggu iman bi maka supaya tatantu bi bong oy kahandak Tuhan ningkaam.

Hibrani 13:21

Kamura-murahan pinalangkapan na pin kam meꞌ Tuhan ka mimon ma gunahan ningkaam supaya tapabuwat bi kahandak na. Kamura-murahan man sabapan pagkatibuuk bi ka si Isa Almasi, pinajatu du meꞌ Tuhan maksud na ni kaallum bi. Ilooy ilay siꞌ pamaehe sanglit niiya pangkat-mamangkat saumu. Amin.

Yaꞌkub 1:26

Na bong ina kam luu mangaku mag-agama boꞌ yaꞌ san pandoy ngagak behe bi, ngandupang jaꞌ kam dī bi. Agama meꞌ looy ilay yaꞌ luu kapuspusan na.

Yaꞌkub 1:4

Sangkon tatasan bi jaꞌ san gi oy katuwaꞌ ningkaam. Bong siꞌ ina kam natas, pag toklas na, taggu na iman bi ngabut sampay yaꞌ na luu salla ni kawul-piil bi samasakali.

Yaꞌkub 2:10

Na siga saraꞌ Tuhan ina tibuuk. San ina jama magtuyuꞌ mogbogan mimon saraꞌ Tuhan, bong luu jaꞌ disu bay talangga na, initung du ya bay ngalangga saraꞌ Tuhan labbasakayi.

1 Pitel 3:10

Meꞌ halling sambat njawom kitab, “Soysoy doman kaallum mahap ka doman njawom kagakan, subay niyaꞌ mitsala pagkahi na pa kalaatan maka subay ya yaꞌ ngandustaꞌ.

1 Pitel 5:10

Sugaꞌ pus bi bay natas samantalaꞌ njawom kabinsanaan, tinabang du sina kam meꞌ Tuhan. Pahallotan na sina pangando bi maka pinataggu meꞌ na iman bi supaya kam meꞌ karuha poon kayu ma yaꞌ kuhi habbaꞌ sabap lawom gamut na. Bistahun bi doꞌ, ni kaehe aseꞌ-tabang Tuhan, lay na kam liyun na pa jawom okoman na. Maksud na supaya kam tumabeꞌ ni kabantugan na man sabapan pagkatibuuk bi ka si Isa Almasi. Boꞌ kabantugan na ina yaꞌ luu katapusan na.