Yaꞌkub 3:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Boꞌ jama ma luu pangahati da lawom man Tuhan, duhuꞌ-duhuꞌ, sutsiꞌ kawul-piil da. Pasunuꞌ, tiggo sila ngulihal kasalassayan. Boꞌ na, gampang gi sila ni parasahan jama. Kuhi sila tinoan. Basag sila manimbang ni jama maka mōꞌ sila jinisan kaayaran. Yaꞌ sila minig jama maka arat-tabiat da wā magbēꞌ ka kabanahan ma kinapitsayaan meꞌ da.

Yaꞌkub 3:17 Iomraidhean Croise

Matiyu 23:28

Bong ndaꞌ mata, kaam jama intong, sugaꞌ njawom atay bi pannoꞌ leꞌ dustaꞌ ka dusa.

Matiyu 5:8

Njawom supaat sina sagannap ma sutsiꞌ niyat atay da batan takita da du sina mintu Tuhan.

Matiyu 5:9

Njawom supaat sina sagannap ma tiggo ngulihal kasalassayan, batan inawnan sila anak Tuhan.

Lukas 21:15

Aku sa muwanan kaam kapandoyan ka bitsala ayad man bi nampung. Dari sagannap ma nulang kaam, yaꞌ na luu dapat da tumanjataꞌ atawa māꞌ magsāꞌ kam.

Lukas 6:36

Sangkon, subay du kam manimbang ni jama meꞌ karuha Mmaꞌ bi Tuhan.”

Yahiya 1:14

Na Palman ilay bay dari manusiyaꞌ sampay lay gi pingkaꞌ magdambuwaꞌ ka kami. Biddaꞌ na ehe aseꞌ na maka bana sadjaꞌ mimon bitsala na. Kami mismu bay kasakup ehe kaayaran na, yana kaayaran Anak tungga ma bay pitu lakka man Mmaꞌ na Tuhan.

Yahiya 1:47

Pag ndaꞌ si Isa luu na si Natanyel pasōng pa mman na, yuk na, “Atu na disu lalla tud pulnaꞌ bangsa Israil, yaꞌ pandoy ngandustaꞌ.”

Salsila siga Rasul 9:36

Na ni lahat looy siꞌ, luu gi disu daira inawnan Joppa. Ndooy siꞌ, luu disu danda ma mmeꞌ ni si Isa inawnan si Tabita. Bong ni pallun Greek, si Dolkas. Iya ilay wā buwat mahap ni jama sampay nulung jama miskin.

Suwat si Pol pa mman Baanan Sukuꞌ si Isa ndooy ni Rom 12:18

Pagbuli-bulihan bi mogbogan kasalassayan ka mimon jama.

Suwat si Pol pa mman Baanan Sukuꞌ si Isa ndooy ni Rom 12:9

Na meꞌ kitabi itu sikaaseꞌ-kaaseꞌ, subay hilas aseꞌ tabi. Subay kitabi wā lammis ni kalaatan. Maka subay kitabi wā makutuꞌ kaayaran.

Suwat si Pol pa mman Baanan Sukuꞌ si Isa ndooy ni Rom 15:14

Na siga danganakan, manganna situ ku kaam tud jama mahap maka lawom pangahati bi ni kabanahan pasal Tuhan. Sangkon, bistahan ku pandoy du sina kam sipaintom-paintom.

1 Korin 12:8

Kasohean kitabi kaladjikian meꞌ Rū Sutsiꞌ mōꞌ pangahati lawom. Kuwan kasohean, kaladjikian maan jama hāl ma isu-isu Tuhan toon.

2 Korin 10:1

Na baꞌ-bāꞌ kasohean nnaa, bahani jaꞌ ku bong njawom suwat man katāhan, sugaꞌ bong ni pag-awpan, tammon jaꞌ ku konoꞌ. Maka baꞌ-bāꞌ kasohean nnaa, ilooy du mehe ningkami meꞌ kami nganduwan napsu kami. Sugaꞌ aku tu, akig ku na doꞌ arat-tabiat Almasi meꞌ ku nganjunjung ningkaam. Sangkon magpadiyoꞌ na doꞌ ku maka hanunut-hanunut mitsalahan kaam. Junjung ku na ningkaam, ilagan bi man ku talpaksaꞌ mōꞌ bahani ku naggong sagannap ma māꞌ nganduwan jaꞌ kami napsu kami.

2 Korin 6:6

Maka tandaꞌ kami sosohoan Tuhan, yaꞌ luu pabuwat kami oy maka oy na man kami taawnan sabu. Boꞌ na, tumatandaꞌ du luu pangahati kami ni kitab. Sarī gi, tahaꞌ pasensiya kami maka manimbang kami ni jama. Maka tumatandaꞌ du pinagmundaan kami meꞌ Rū Sutsiꞌ. Maka hilas jaꞌ aseꞌ kami ni mimon manusiyaꞌ.

2 Korin 7:11

Boꞌ kaam ina, sabapan kasusahan bay takissa bi man sabapan bay suwat ku, meka na njawom atay bi lay tahalin meꞌ Tuhan pa kaayaran. Batan sabapan susa atay bi, basag na kam makutuꞌ kaintongan. Maka lay na ga kam dugahan ni dī bi sabapan bay kadarihan bi. Maka lay gi pasōng meꞌ bi tawu pa Tuhan. Sarī gi, lay na kam magtuyuꞌ magpahāp ningkami awla na pa Tuhan. Boꞌ na, lay du kam magti deꞌ-dēꞌ naup bay kasaan bi, batan lay na kam magti midjalaꞌ jama looy ma bay buwat dusa ni baanan bi. Sangkon tumatandaꞌ na yaꞌ na luu susun njataꞌ bi.

2 Korin 9:10

Na bong kam hanggaw kabus, mamintang jaꞌ kam ni siga tukang huma. Binuwanan jaꞌ sina sila meꞌ Tuhan bani sinaburan supaya pag taabut da ngattom, sarī man balanjaꞌ da, luu gi labi na pinabuwat bani sinaburan pabalik. Damikiyan ningkaam, binuwanan du sina kam meꞌ Tuhan sukup man bi magbalanjaꞌ sampay labi gi. Boꞌ llipat lagi sina meꞌ na supaya meka jama tatulung bi ni kaintong bi.

Epesus 5:9

Batan tiyap-tiyap ina jama njawom karantaan, mastiꞌ tumatandaꞌ ni tangge-tingkōꞌ na kaayaran, kaintongan ka kabontohan.

Pilipi 1:11

Kamura-murahan tattap na pin kam buwat kaintongan man tabang si Isa Almasi ni jataꞌ bi, pamaehe sanglit ka kabantugan pa Tuhan.

Pilipi 4:8

Dambuli man naa siga danganakan, oy-oy mahap ka tawop sinanglitan, oy-oy ma bana, oy-oy pataꞌ pinabuwat, oy-oy intong atawa sutsiꞌ, oy-oy lingkatan sampay tawop binantug, kannahun bi na pin njawom pamiki bi.

Kolossa 1:10

Maka kamura-murahan mōꞌ na pin kam kawul-piil ma kasulut ni Papuꞌ Isa mari kam wā tawop inawnan sukuꞌ na. Maka njawom duwaa kami, kamura-murahan tamba-manamba na pin kaayaran pabuwat bi maka magsasōng na pin meꞌ bi lungbid ka Tuhan.

1 Tesaloneka 2:7

Kamasaꞌ, bong siꞌ ilay kami bay ngakig arat manusiyaꞌ, dari san kami bay ngaholat inintu pagka kami rasul Almasi. Sugaꞌ gam pin, bay jaꞌ kami buwat dī kami meꞌ karuha jama ma yaꞌ luu kapatut na. Boꞌ lay gi kami ngayaran kaam meꞌ saparati induꞌ ngipat siga anak na.

1 Timuti 5:21

Timuti, ni mata Tuhan ka si Isa Almasi sampay ga malaikat na, ituu tugun ku ningkau ma subay binean: Amay-amay bogbogan nu mimon bay sohoꞌ ku ningkau. Maka daa ko magsitingka manusiyaꞌ. Yaꞌ kitabi dari minig.

2 Timuti 2:24

Boꞌ inawnan sosohoan Papuꞌ ina, yaꞌ dari sasaꞌ. Subay ya magpahāp ni sikamimon maka pandoy noan jama. Maka subay du tahaꞌ pasensiya na.

Taytus 1:15

Jama meꞌ looy ilay ma yaꞌ pitsayaꞌ ni si Isa, ndang yaꞌ du bay sinutsiꞌ meꞌ Tuhan atay da. Yaꞌ luu niyat atay da sutsiꞌ batan ndang lamaꞌ pamiki da. Maka yaꞌ na san luu nulang ni honaꞌ-honaꞌ da bong sila buwat maat. Boꞌ sagannap ma pitsayaꞌ ni si Isa ina, lay na sinutsiꞌ atay da. Sangkon katoonan da na san gi oy sinagid atawa pun kinakan meꞌ da, yaꞌ du luu katamak ninsila.

Taytus 3:2

Baan nu sila subay sila yaꞌ mitsala soysoy pa kalaatan. Maka daa sila sohoun sasaꞌ-manasaꞌ. Arapun subay lammaꞌ sampay diyoꞌ jaꞌ pangatayan da ni mimon manusiyaꞌ.

Hibrani 12:11

Bana na, samantalaꞌ tabi inadjal, mastiꞌ yaꞌ jaꞌ mahap parasahan tabi sabap bisa. Sugaꞌ pag toklas na, hayang jaꞌ pamiki tabi sampay intong na kawul-piil tabi.

Hibrani 12:14

Pagbuli-bulihan bi miha kasalassayan ka mimon manusiyaꞌ. Maka subay kam sutsiꞌ. Batan yaꞌ sina mintu luu sikita ka Papuꞌ bong ya yaꞌ sutsiꞌ.

Yaꞌkub 1:17

Mmaꞌ tabi Tuhan ina tattap mahap. Mimon ladjikiꞌ sampay kaayaran ma takoleꞌ manusiyaꞌ lakka man ilooy ma bay mapayak mimon sūꞌ taꞌ langit, yana Tuhan. Yaꞌ luu meꞌ na baluba san dangkitiꞌ.

Yaꞌkub 1:5

Bong luu ni baanan bi kulang pangahati, maku jaꞌ kam pa Tuhan. Kabuwanan jaꞌ sina kam batan Tuhan ina gāk nabangan mimon jama ma maku niiya. Boꞌ yaꞌ sina luu loog-loog atay na bong kitabi maku.

Yaꞌkub 2:13

Batan pag ina mintu taabut llaw hukuman, soysoy yaꞌ bay manimbang ni pagkahi na manusiyaꞌ, yaꞌ du ya pinanimbangan meꞌ Tuhan. Sugaꞌ sagannap ma bay manimbang, yaꞌ na luu katawuhan da ni llaw hukuman.

Yaꞌkub 2:4

Na bong ina kam sipais, buwat meꞌ looy, saꞌ ga bina oy, minig jaꞌ kam jama. Tud maat pamiki bi batan bandingan bi ilooy ma dayahan mas hagaan man ilooy ma miskin.

Yaꞌkub 3:15

Batan bong ina kita dangkiꞌ atawa baran ta jaꞌ kagampangan ta, mastiꞌ luu jaꞌ paantup kalingogan maka jinisan kalaatan. Akka meꞌ looy ilay, saꞌ ga lakka man Tuhan, arapun lakka man seytan. Maka ilooy ilay akka manusiyaꞌ ma mandang jaꞌ hāl junyaꞌ.

Yaꞌkub 4:8

Patapit na kam pa Tuhan, boꞌ na patapit pa mman bi. Kaam ma amu-amu buwat dusa, labbahan bi na dusa bi. Kaam ma duwa-duwa pikilan bi, patattogun bi na pamiki bi mmeꞌ ni Papuꞌ.

1 Pitel 1:22

Na pagka lay na du kam mmeꞌ ni tōꞌ sabanna, pasutsiꞌ na pin sina pangatayan bi. Sangkon pakutuun bi na meꞌ bi sikaaseꞌ-kaaseꞌ. Maka subay hilas aseꞌ bi meꞌ karuha jama magdanganakan.

1 Pitel 2:1

Na pagka luu na kaallum bi bahau, timanan bi na mimon pabuwatan maat maka mimon dustaꞌ. Daa dan jinis bitsala bi, boꞌ sarī na baw pabuwat bi. Daa na kam dangkiꞌ atawa mitnahan pagkahi bi manusiyaꞌ.

1 Pitel 2:18

Kuwan kaam ma ata, mahap-maat meꞌ siga papuꞌ bi ka kaam, bong lammaꞌ pangatayan da atawa bangis, lillaꞌ jaꞌ kam ninsila. Maka magmaltabat kam ninsila.

1 Yahiya 3:18

Sangkon siga anak, daa kita maaseꞌ ni bitsala jaꞌ atawa ni kuwit tōng sadjaꞌ. Arapun subay du takita aseꞌ ta ni tangge-tingkōꞌ ta batan inaa aseꞌ sabanna.

1 Yahiya 3:3

Dari sagannap ma ngagad kajatuhan meꞌ looy bbos-bbos, malaingkan labbahan da na mimon kawul-piil ma yaꞌ mahap mari sila meꞌ Almasi na du sutsiꞌ.