Yaꞌkub 3:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Sugaꞌ bong ina luu dangkiꞌ atawa gigit njawom atay bi atawa pun isu-isu parasahan bi du pinaruli meꞌ bi, daa na kam ngabbu saula-ula luu pangahati bi lawom. Yaꞌ du sina luu kabanahan ni bitsala bi.

Yaꞌkub 3:14 Iomraidhean Croise

Panagnaan 37:11

Dari siꞌ, yaꞌ na kuhi banti dangkiꞌ siga danganakan na niiya. Sugaꞌ kuwan mmaꞌ da baw siꞌ tu, papiha-piha na pin bong oy kamaatunan bay upihan si Yusup.

Panagnaan 38:9

Dari siꞌ lay na kawinan si Onan bawu siyaka na. Sugaꞌ katoonan si Onan du bong sila bay hanak, saꞌ du para niiya. Dari bbuwatan na, tuktuk na napitan si Tamal, pinasapput meꞌ na manniꞌ na pa poan mari yaꞌ dari anak.

Matiyu 27:18

Kon Gubnul Pilatu nilaw batan kainagon na maddusan si Isa. Batan katoonan na danan siga pa-mmean agama bay ma-ntan si Isa niiya sabap dangkiꞌ sila.

Yahiya 16:2

Batan luu sina mintu masa bi yaꞌ pinadari nindak langga sabap meꞌ bi mmeꞌ niyaku. Boꞌ kasohean kam ina sampay pinapatoy lagi. Sila ilay ma doman mapatoy kaam, kanna da katabang pa Tuhan bong sila buwat kaam meꞌ looy.

Salsila siga Rasul 13:45

Sugaꞌ pag ndaꞌ siga pa-mmean Yahudi biddaꞌ na eka manusiyaꞌ bay bahuklud pilay pakale ni si Pol, takkahan dangkiꞌ na ga sila. Dari bbuwatan da nulang bitsala si Pol sampay lay gi ya pinitnahan.

Salsila siga Rasul 26:9

“Maruhuꞌ ilay, minsan aku mismu, kanna ku kahandak Tuhan subay ku naggaꞌ sagannap ma pitsayaꞌ ni si Isa, lalla looy man Nasaret.

Salsila siga Rasul 5:17

Na pag taaka panghuluꞌ imam ka siga soheꞌ na man palhimpunan Saddusi pasal pabuwatan siga rasul looy, tud bay dangkiꞌ sila.

Salsila siga Rasul 7:9

“Pag-anu,” yuk si Esteben, “katoonan tabi du, pag ehe ga anak Boꞌ Yaꞌkub sikasapu-duwa, kuwan ariꞌ da si Yusup, bay kinadangkian meꞌ da. Sampay lay gi ya pinaballihan meꞌ da ni baanan ga padadagang, boꞌ na lay binoo pa Ejip. Takka ndooy, lay ya dari ata. Lipara, luu na pin Tuhan ngunungan iya.

Suwat si Pol pa mman Baanan Sukuꞌ si Isa ndooy ni Rom 1:29

Pannoꞌ atay da leꞌ jinisan kalaatan ka kabingkokan ka napsu mulakab. Dahulakaꞌ sila maka dangkiꞌ sila. Inaa jaꞌ jawom atay da, doman sila mapatoy jama, sasaꞌ, ngalilu, ka makaat jama. Pangalimut sila maka

Suwat si Pol pa mman Baanan Sukuꞌ si Isa ndooy ni Rom 13:13

Sangkon, subay mahap jaꞌ kawul-piil tabi. Daa na kitabi mmeꞌ meꞌ uwahan kasohean baanan danda ka lalla buwat kasabuhan. Maka daa na kitabi maglangohan, magjina atawa buwat oy-oy kalalamaan. Maka ilagan tabi na sasaꞌ ka dangkiꞌ.

Suwat si Pol pa mman Baanan Sukuꞌ si Isa ndooy ni Rom 2:17

Kuwan kaam baw siga pagkahi ku Yahudi, katoonan ku du mangasa kam ni sangsāꞌ bi mogbogan saraꞌ Nabi Musa bilang kaintongan bi pa Tuhan. Maka pinag-abbu meꞌ bi kaam bangsa ma lungbid ka Tuhan.

Suwat si Pol pa mman Baanan Sukuꞌ si Isa ndooy ni Rom 2:8

Sugaꞌ luu baw sina kasohean ngulihal pa kaayaran ni dī da sadjaꞌ. Boꞌ nuwak gi sila kabanahan. Pagka doman jaꞌ sila pabingkok, mastiꞌ kalabuan jaꞌ sina sila mulkaꞌ Tuhan ni kaehe duga na ninsila.

1 Korin 13:4

Na arat jama ina maaseꞌ meꞌ tuu: Tahaꞌ pasensiya na, manimbang ni pagkahi na manusiyaꞌ, yaꞌ dangkiꞌ, yaꞌ ngabbu atawa malangkaw dī na

1 Korin 3:3

Man ku itu siꞌ halling meꞌ tuu batan masi gi pamiki bi meꞌ jama ma mandang hāl junyaꞌ. Batan taaka ku bbuwatan bi nnaa kasohean sikarangkiꞌ-karangkiꞌ sampay sasaꞌ-manasaꞌ. Sibuꞌ du karuha bi ka jama ma yaꞌ pitsayaꞌ ni si Isa

1 Korin 5:2

Boꞌ kaam baw nnaa, sannang jaꞌ kam ngabbu saula-ula kanaalla kam buwat kaintongan. Subay siꞌ gam pin magkasusahan kam. Maka subay siꞌ bay pinōꞌ meꞌ bi lalla looy man baanan bi.

1 Korin 5:6

Bong ina luu na pin lamud kalalamaan meꞌ naa ni baanan bi, yaꞌ sina sikatuwaꞌ bong kam ngabbu lagi bahasa kaam jama kanaalla mmeꞌ ni kahandak Papuꞌ. Subay siꞌ katoonan bi na bong kinawnan dusa pinabiya, kalamin ni sikamimon. Bong dalil ta pa pasulig, san ina dangkitiꞌ du, lataꞌ na sina man na ngassob.

2 Korin 12:20

Ituu baw tu kahanggawan ku taggahaꞌ pag takka ku pilu, sarī holat ku, sarī na baw kadarihan bi. Boꞌ yaꞌ du sina mintu kam kamahapan bong subay na pin ku nahawi kaam. Ilooy kagampangan ku taggahaꞌ luu na pin kam nnaa sasaꞌ-manasaꞌ, sikadangkiꞌ-kadangkiꞌ, sikalasu-kalasu sampay yaꞌ ngaddoꞌ-ngaddoꞌ pa lassa. Maka gampang ku taggahaꞌ bbuwatan bi mitna, ngalimut, maglangkaw-langkawan sampay buwat kahiposan nnaa.

Galatiya 5:15

Na bong ina kam yaꞌ sikaaseꞌ-kaaseꞌ sampay wā kam sasaꞌ-manasaꞌ, malaingkan buwat jaꞌ kam dī bi subay ga idoꞌ sitokob-tokob. Song hallom, sikalangkat-kalangkat na sina kam dambaanan.

Galatiya 5:20

numba kajinisan sarī man Tuhan, ka makoy ilmuꞌ seytan. Boꞌ na, daran sila lammis, sasaꞌ, dangkiꞌ ka pasuꞌ kōk da. Tabiat da ina ngulihal kaayaran ni dī da sadjaꞌ. Maka mōꞌ sila pagsaggaan atawa magsisasaꞌ pagkahi da dambaanan.

Galatiya 5:21

Maka jama ina ma pinagbayaan meꞌ napsu da, kainagon da kapasila na altaꞌ pagkahi da, maka panginum sila, sampay mmeꞌ sila ni buwatan baanan danda ka lalla buwat kalalamaan, meꞌ naa, meꞌ naa. Sugaꞌ ndang bay kam silay baan ku maruhuꞌ, jama ma buwat meꞌ looy, yaꞌ luu kabigiꞌ-bigian da ni okoman Tuhan.

Galatiya 5:26

Sangkon daa na kitabi takabbu. Maka daa na kitabi siparuga-paruga atawa sikadangkiꞌ-kadangkiꞌ.

Galatiya 6:13

Mingkan, sila ilay ma nohoꞌ kaam inislam, sila mismu yaꞌ du san bogbogan da mimon saraꞌ Nabi Musa. Kon da ina mogos kaam inislam, man da jaꞌ magpaabbu bong kam bay takoleꞌ-koleꞌ da mmeꞌ ninsila.

Pilipi 1:15

Sugaꞌ kasohean baw, yaꞌ hilas meꞌ da masaplag pasal Almasi. Ni kadangkiꞌ da, doman jaꞌ sila ngalabihan aku. Sugaꞌ kaekahan baw, mahap maksud da.

Pilipi 2:3

Daa subay na pin kam magpasanglit atawa malangkaw dī bi man siga soheꞌ bi. Gam pin subay kam magpadiyoꞌ maka ingatun bi pagkahi bi hagaan gi man dī bi.

1 Timuti 2:4

Kainagon Tuhan ina mimon manusiyaꞌ salamat sampay kahati ni kabanahan.

1 Timuti 6:4

Ga jama meꞌ looy ilay, yaꞌ luu masayu da, boꞌ abbuhan lagi. Tigiꞌ jaꞌ sila magjawapan hatiyan bitsala ka hāl ma yaꞌ luu kapuspusan na. Sabapan tōꞌ da ina, sikadangkiꞌ-kadangkiꞌ na jama maka sasaꞌ-manasaꞌ na, sipitna-pitna na, sampay sitanggap-tanggap na.

Taytus 3:3

Ndang subay yaꞌ langkaw atay tabi batan jaman tabi ilay yaꞌ gi bay pitsayaꞌ ni si Isa, kitabi pun awam du ni kabanahan. Yaꞌ du tabi bay ngasip ni kahandak Tuhan. Bay du kitabi lingu. Bay jaꞌ kitabi maabak meꞌ tabi koleꞌ parasahan ayad para ni dī tabi. Sibuꞌ du kitabi ka bay pinahata meꞌ jinisan napsu ma maat. Llaw pa dangallaw, maat jaꞌ pamiki tabi ni pagkahi tabi manusiyaꞌ. Tud yaꞌ bay kuhi lakka man jawom atay tabi meꞌ tabi bay sikadangkiꞌ-kadangkiꞌ ka sikalammis-kalammis.

Yaꞌkub 1:18

Man kahandak na, lay na ya muwanan kitabi kaallum bahau sabap meꞌ tabi pitsayaꞌ ni umanat kabanahan pasal Almasi. Maksud na supaya tumatandaꞌ na kitabi patingkat niiya man mimon-mimon ma bay pinapayak meꞌ na.

Yaꞌkub 5:19

Siga danganakan ku, bong luu ni baanan bi bay magsiꞌ man kabanahan, boꞌ luu kam disu bay moo iya mmeꞌ ni kabanahan pabalik, tud mahap sina.