Yaꞌkub 3:13 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹³ Na soysoy kam mista dī bi halul-akka saltaꞌ na ngantanan pangahati lawom, subay buktian bi ka kawul-piil ayad. Boꞌ na, subay diyoꞌ pangatayan bi meꞌ ndang tabiat jama halul-akka.

Yaꞌkub 3:13 Iomraidhean Croise

Matiyu 11:29

Lillaꞌ kam ka baguru jaꞌ kam niyaku, batan pangatayan ku itu diyoꞌ jaꞌ maka lammaꞌ du. Siga panohoan ku itu yaꞌ du awod inasip maka ma sinukuꞌ meꞌ ku ningkaam maggaan du. Boꞌ na, pag toklas na, nammu gi kam kasannangan njawom atay bi.”

Matiyu 5:5

Njawom supaat sina sagannap ma diyoꞌ pangatayan da, batan kapasila na sina junyaꞌ bbos-bbos.

Matiyu 7:24

“Na sagannap ma pakale ni siga tōꞌ ku, boꞌ tud bean da du, malaingkan halul-akka sila. Sibuꞌ du karuha da ka jama bay buwat lumaꞌ pagon makoy tehang mehe boꞌ kinalihan palawom sampay sinoksokan lagi batu mehe-mehe.

1 Korin 6:5

Hinaꞌ sina kam bong kam buwat meꞌ naa! Sat bi saꞌ māꞌ yaꞌ kam luu san disu sukuꞌ si Isa sukup akka nalassay palkalaꞌ bi.

2 Korin 10:1

Na baꞌ-bāꞌ kasohean nnaa, bahani jaꞌ ku bong njawom suwat man katāhan, sugaꞌ bong ni pag-awpan, tammon jaꞌ ku konoꞌ. Maka baꞌ-bāꞌ kasohean nnaa, ilooy du mehe ningkami meꞌ kami nganduwan napsu kami. Sugaꞌ aku tu, akig ku na doꞌ arat-tabiat Almasi meꞌ ku nganjunjung ningkaam. Sangkon magpadiyoꞌ na doꞌ ku maka hanunut-hanunut mitsalahan kaam. Junjung ku na ningkaam, ilagan bi man ku talpaksaꞌ mōꞌ bahani ku naggong sagannap ma māꞌ nganduwan jaꞌ kami napsu kami.

2 Korin 8:24

Dari bong anu, pag takka da pilu, kaasean bi sila supaya tumatandaꞌ ni siga baanan sukuꞌ si Isa tud mattan du bay sanglit kami pasal kaam.

Galatiya 5:23

ka lammaꞌ pangatayan da sampay pandoy ngagak dī da. Ga jama meꞌ naa ina, san yaꞌ na luu saraꞌ maintong sila.

Galatiya 6:1

Siga danganakan, bong luu nnaa disu pagkahi bi sukuꞌ si Isa bay taboo-boo buwat dusa, kuwan kaam ma tattap mean Rū Sutsiꞌ, subay kam maintoman iya kawu-kawu ya takoleꞌ bi pinaintong. Sugaꞌ subay hanunut-hanunut meꞌ bi mitsalahan iya. Maka ilagan bi dī bi, taggahaꞌ kaam na baw mintu takoleꞌ sinasat.

Galatiya 6:4

Gam na pindogahan tabi doꞌ dī tabi bong tuwaꞌ pabuwatan tabi atawa niyaꞌ. Bong ina tud tuwaꞌ du, inaa ya pataꞌ man tabi gāk. Daa jaꞌ kitabi meꞌ kasohean ma tigiꞌ manding bong sila lumabi man pagkahi da.

Epesus 4:2

Subay diyoꞌ ka lammaꞌ pangatayan bi sampay tahaꞌ pasensiya bi. Pagka kam sikaaseꞌ-kaaseꞌ, tatasan bi jaꞌ salla arat siga pagkahi bi.

Pilipi 1:27

Sugaꞌ san gi oy katuwaꞌ niyaku, inaa puntukan banahan, basta subay pataꞌ jaꞌ kawul-piil bi ka kaam jama ma mmeꞌ ni umanat mahap pasal Almasi. Meꞌ naa ina, luu-yaꞌ ku luu nnaa, taaka ku du sina mintu kaam sama-sama magtuyuꞌ kalnaꞌ Almasi. Maka sibuꞌ-sibuꞌ kam magmaksud maka dambuwaꞌ atay bi nanggehan umanat mahap mari jama pitsayaꞌ ni si Isa.

Kolossa 3:12

Sangkon meꞌ kaam ina kakasi Tuhan maka sutsiꞌ na sampay lay na kam bay pineneꞌ binuwat sukuꞌ na, subay kam manimbang ni jama ka buwat mahap ninsila. Subay diyoꞌ ka lammaꞌ pangatayan bi. Maka subay tahaꞌ pasensiya bi.

1 Timuti 4:12

Timuti, daa ko loman nōꞌ bong sabagay luu nnaa nahawi kau sukat yaꞌ gi sangkad umu nu. Gam pin buwat na pin ko suntuan ayad ni mimon sukuꞌ si Isa nnaa. Pakitahan nu sila kawul-piil ayad ka aseꞌ. Maka subay tumatandaꞌ kasutsian nu ka basag pangando nu ni si Isa.

1 Timuti 6:11

Sangkon Timuti, meꞌ kau disu lalla pinakoy meꞌ Tuhan, amay-amay palawak ko man kalaatan meꞌ looy. Iya pakutuun meꞌ nu buwat na pin kaintongan, meꞌ nu ngikut arat-tabiat Tuhan, sampay meꞌ nu mangando niiya ka maaseꞌ ni jama. Maka bila ko njawom kabinsanaan, tatasan nu na jaꞌ maka poun na pin lammaꞌ pangatayan nu.

2 Timuti 2:25

Bong ya sinulang meꞌ jama, pag tampung na, subay hanunut-hanunut jaꞌ meꞌ na naup sila. Meꞌ naa ina, balangkali binukaꞌ na meꞌ Tuhan puad da nawbat sampay koleꞌ pangahati ni kabanahan.

Taytus 3:2

Baan nu sila subay sila yaꞌ mitsala soysoy pa kalaatan. Maka daa sila sohoun sasaꞌ-manasaꞌ. Arapun subay lammaꞌ sampay diyoꞌ jaꞌ pangatayan da ni mimon manusiyaꞌ.

Hibrani 13:5

Ilagan bi magnapsu mulakab ni altaꞌ. Magsuku jaꞌ kam ni oy-oy ma luu ningkaam. Ndang-ndang bay du halling Tuhan jawom kitab, “Yaꞌ na sina luu masa bi mbanan ku atawa pabiya ku.”

Yaꞌkub 1:21

Sangkon labbahan bi na mimon ma katamak ningkaam ka mimon kalaatan ma pinaabak meꞌ jama, boꞌ bi magpadiyoꞌ na pa Tuhan. Maka ngasip na kam ni palman na ma lay na bay inannaꞌ njawom atay bi. Batan palman na ina kasalamat ningkaam.

Yaꞌkub 2:18

Na adakala luu na baw halling, “Yaꞌ bina sibuꞌ pamiki jama. Kasohean mista sukup na basta pitsayaꞌ jaꞌ kitabi ni si Isa, boꞌ kasohean mista subay du luu tabeꞌ pabuwatan mahap.” Na bong aku bay soheꞌ na magbitsala, yuk ku niiya, “Pooy meꞌ ku toon mattan ko pitsayaꞌ bong yaꞌ luu buktiꞌ na ni tangge-tingkōꞌ nu? Boꞌ aku itu, tapakitahan ta ko buktiꞌ ku pitsayaꞌ ni tangge-tingkōꞌ ku.”

Yaꞌkub 3:1

Siga danganakan ku, mas mahap gi sina bong yaꞌ kalanduꞌ eka bi dari guru. Batan kitabi itu siga guru, mas adil hukuman Tuhan njataꞌ tabi man sagannap ma saꞌ guru.

Yaꞌkub 3:17

Boꞌ jama ma luu pangahati da lawom man Tuhan, duhuꞌ-duhuꞌ, sutsiꞌ kawul-piil da. Pasunuꞌ, tiggo sila ngulihal kasalassayan. Boꞌ na, gampang gi sila ni parasahan jama. Kuhi sila tinoan. Basag sila manimbang ni jama maka mōꞌ sila jinisan kaayaran. Yaꞌ sila minig jama maka arat-tabiat da wā magbēꞌ ka kabanahan ma kinapitsayaan meꞌ da.

1 Pitel 1:15

Sugaꞌ batnaa, yana meꞌ Tuhan ma bay ngaliyun kaam sutsiꞌ, subay du kam sutsiꞌ ni mimon tangge-tingkōꞌ bi.

1 Pitel 2:12

Tamūd ina, sagannap ma yaꞌ pitsayaꞌ ni si Isa mitsala kaam pa kalaatan san yaꞌ luu dusa bi. Sangkon, amay-amay subay kam mogbogan kawul-piil ayad ni pag-awpan da. Kawu-kawu bukaꞌ na puad da pitsayaꞌ hangat sila ngita hāp tangge-tingkōꞌ bi. Dari pag taabut masa man Tuhan marantaan pamiki da, pudji da na du sina ya.

1 Pitel 2:9

Boꞌ kaam ina ma pitsayaꞌ ni Almasi, lay na kam pineneꞌ meꞌ Tuhan binuwat baanan siga imam ka sultan njawman pamarinta na. Boꞌ lay gi kam pabuwat Tuhan bangsa sutsiꞌ ma inaku leꞌ na sukuꞌ na. Kahandak na masaplag na kam kaayaran na. Batan lay na kam pinōꞌ meꞌ na man jawom kalindoman, sampay lay na kam lliyun pa jawom karantaan na ma yaꞌ luu sibuꞌ sabanding na.

1 Pitel 3:4

Arapun iya pakutuun bi, meꞌ bi malingkat njawom atay bi meꞌ sapantun magpadiyoꞌ sampay pahatu-hatu. Lingkat meꞌ naa ina yaꞌ na kuhi baluba. Boꞌ na, hagaan lagi banahan pa Tuhan.