Yaꞌkub 2:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Siga danganakan ku, kakasi ku, pakale doꞌ kam niyaku. Siga jama miskin ina subay du pinagmaltabatan batan sila bay pineneꞌ meꞌ Tuhan ngantanan pangando basag niiya. Boꞌ na, tabeꞌ du sina sila ni mimon kaayaran pamarinta Tuhan ma bay njanjiꞌ meꞌ na ni sikamimon ma maaseꞌ niiya.

Yaꞌkub 2:5 Iomraidhean Croise

Matiyu 11:5

Baan bi ya jama buta ngita na, jama tongkaꞌ kapalān na paayad, jama inipu kaulian na, ma bisu kale na, sampay jama bay matoy llum na. Maka jama miskin bohoꞌ da kagamgaman sabap luu na umanat mahap pinasaplag ninsila.

Matiyu 25:34

“Pag-anu, yuk Sultan ninsila ni kawnan na, ‘Kaam ina sikamimon sinupaatan meꞌ Mmaꞌ ku. Pitu kam. Timaun bi na mimon kaayaran ni pamarinta ma bay hinalliꞌ ningkaam man awwal tagnaꞌ lagi junyaꞌ bay pinapayak.

Matiyu 5:3

“Njawom supaat sina sagannap ma kabista tiksaꞌ nyawa da batan kapasila pamarinta Tuhan.

Malkus 7:14

Pag-anu siꞌ, lay na baw sohoꞌ si Isa baanan ga jama ndooy patapit. Luu jaꞌ siꞌ, yuk na ninsila, “Pakale doꞌ kam ka hatiyun bi banahan bitsala ku.

Lukas 12:21

Dari yuk si Isa, “Ilooy na silay palas jama ma ngumpohan dī na altaꞌ, boꞌ ilooy ma hagaan pa Tuhan, yaꞌ san paruli na. Bong ndaꞌ mata, dayahan lalla looy siꞌ, sugaꞌ ni bandingan Tuhan, tud miskin ya.”

Lukas 12:32

“Na meꞌ kaam siga ipatan ku, san kam yaꞌ meka, daa kam hanggaw ni oy maka oy na. Ndang-ndang gāk du sina Mmaꞌ bi Tuhan muwanan kaam mimon supaat njawom pamarinta na.

Lukas 16:22

“Na song hallom, lay na matoy si Lasarus sampay lay na ya binoo meꞌ siga malaikat magdambuwaꞌ ka Nabi Ibrahim ndooy ni ahirat. Yaꞌ hallom, lay na du matoy sawraga looy sampay lay na kinubu.

Lukas 16:25

“Sugaꞌ tampung Nabi Ibrahim, ‘Nges, intomun doꞌ jaman nu llum ni junyaꞌ. Lay jaꞌ ko masannang dī nu ngissahan jinisan pakaradjaan ayad halloman nu ni junyaꞌ. Boꞌ si Lasarus itu, ilooy du bay takissa na katiksaan. Pag batnaa, iya doꞌ baw magparasahan ayad. Kuwan kau, nnaa na jaꞌ ko njawom tiksaꞌ.

Lukas 22:29

Dari yana meꞌ Mmaꞌ ku bay muwanan aku kapatut magsultan, buwanan ta du sina kam kapatut hampit ni pagkasultan ku.

Lukas 6:20

Pag-anu siꞌ, lay na baw si Isa paawop pa mman sagannap ndooy ma mmeꞌ niiya, boꞌ na halling, “Njawom supaat kaam ma miskin batan kapakaam pamarinta Tuhan.

Yahiya 7:48

Ongoy doꞌ ina, lay kam kina ngita siga pa-mmean bi atawa pun meꞌ kami siga Parisi san lasa disu pitsayaꞌ niiya?

Salsila siga Rasul 7:2

Pag tampung si Esteben, “Siga mbuwaꞌ danganakan ka ga induꞌ-mmaꞌ ku, daa busung, pakale doꞌ kam niyaku. Paintoman ta doꞌ kam salsila kabboꞌ-bboan tabi. Maruhuꞌ-ruhuꞌ bboꞌ tabi Nabi Ibrahim bay tinammuhan meꞌ Tuhan Sangat Kawasa ndooy ni Mesopotamiya. Jaman looy ilay siꞌ, yaꞌ gi bay maglayin Boꞌ Ibrahim pa Haran.

Suwat si Pol pa mman Baanan Sukuꞌ si Isa ndooy ni Rom 8:17

Maka pagka anak Tuhan na kitabi, mastiꞌ mimon supaat ma dean Tuhan ni Almasi, dean na du sina ningkitabi. Maka hampit na du sina mintu tabi ni kabantugan Almasi basta kitabi mangatas jaꞌ natasan jinisan kabinsanaan meꞌ niiya.

1 Korin 2:9

Kahapan, sabapan kapatoy na, lay na bukisan Tuhan lawang man manusiyaꞌ koleꞌ jinisan supaat. Boꞌ magbēꞌ bana ka bay tunaꞌ njawom kitab, ilooy ma yuk na, “Luu siga supaat ma ndang bay hinalliꞌ meꞌ Tuhan ni sagannap ma maaseꞌ niiya. Siga supaat looy ilay yaꞌ gi bay pingkaꞌ takita maka yaꞌ gi bay takale sampay yaꞌ san bay taingat meꞌ pamiki manusiyaꞌ.”

2 Korin 4:15

Dari san meka laug bay talingkaan kami, pa kaayaran du sina ningkaam. Boꞌ na, mangkin pasōng laug njataꞌ kami, mangkin pasōng ehe tabang Tuhan ningkami. Pag toklas na, meka na sina jama muwan pagsukuhan pa Tuhan, pamaehe kabantugan niiya.

2 Korin 6:10

San yaꞌ taambat kamalasahiyan talingkaan kami, yaꞌ du baw bay maglumba kagakan njawom atay kami. San kami miskin, meka na baw jama magkadayahan meꞌ kami ka altaꞌ ma natas saumu-umu. San yaꞌ luu oy maka oy na ni junyaꞌ tuu ma taawnan kami dapu, pagka kami tibuuk na ka Almasi, mimon ma luu niiya, ningkami na du.

2 Korin 8:9

Ngaddoꞌ jaꞌ kam pamintangan ni Papuꞌ tabi si Isa Almasi. Katoonan bi na du ehe aseꞌ na ningkitabi. San ya dayahan ni sulgaꞌ, lay na ga ya pitu pa junyaꞌ niksaꞌ dī na njawom miskin supaya luu na lawang man tabi koleꞌ ladjikiꞌ ma natas saumu-umu.

Epesus 1:18

Maka pakuhan ta na pin kam duwaa, kamura-murahan binuwanan du kam meꞌ Tuhan pangahati supaya tasayu bi na bong oy taholat bi pagka lay na kam lliyun pa jawom okoman na. Maka kamura-murahan pinalahil du ningkaam siga supaat hagaan saꞌ alang-alang ma bay hinalliꞌ meꞌ Tuhan ni sukuꞌ na.

Epesus 3:8

Sabana na, ni mimon sukuꞌ Tuhan, aku ya labi yaꞌ tawop inawnan sukuꞌ na. Lipara, lay gi baw ku tapeneꞌ nohoꞌ masaplag ni siga bangsa saꞌ Yahudi pasal siga supaat mehe saꞌ taangan-angan ma takoleꞌ da bong sila tibuuk na ka Almasi.

1 Tesaloneka 2:12

Batan sigi-sigi kami bay maintoman kaam ka muwansangan kaam pa kaayaran. Maka bay gi kam tugun kami subay pagsitawpun bi kawul-piil bi ka kaam inawnan siga sukuꞌ Tuhan. Ndang-ndang Tuhan du bay ngaliyun kaam supaya kam tabeꞌ ni pamarinta na sampay ni ehe kabantugan na.

2 Tesaloneka 1:5

Na tatas bi ina ni jinisan laug ka kabinsanaan kalnaꞌ pamarinta Tuhan, yana sipat intong du bandingan Tuhan njataꞌ bi. Batan ni bandingan na, mastiꞌ tawop jaꞌ kam tabeꞌ ni pamarinta na.

1 Timuti 6:18

Maka baan nu sila subay sila tigiꞌ buwat mahap ni jama. Mangkin meka na pilak da, mangkin subay meka na kaayaran pabuwat da. Daa sila sohoun sēng nulung jama njawom tiksaꞌ, gam pin subay sila mahampitan jama tiksaꞌ paeka.

2 Timuti 4:18

Maka katoonan ku du mastiꞌ sinalamat du sina mintu ku meꞌ Papuꞌ man mimon kalaatan ma song tumiluꞌ njataꞌ ku. Maka boo na du sina ku pa jawom pamarinta na ndooy ni sulgaꞌ. Pudji mehe niiya pangkat-mamangkat saumu-umu! Amin.

2 Timuti 4:8

Dari pag batnaa, ndang luu na silay haddiya ginalla karuna kaintongan hinalliꞌ niyaku. Boꞌ ndean du silay mintu aku meꞌ huwis looy ma patingkat intong, yana Papuꞌ Isa pag taabut llaw hukuman. Sugaꞌ saꞌ du baw sina mintu sat aku kabuwanan haddiya meꞌ looy, arapun sampay mimon ma bay magkainagon ni katakka Papuꞌ, mastiꞌ kabuwanan du.

Hibrani 11:26

Maka honaꞌ-honaꞌ na, gam na ya natas pinadiyoꞌ sabapan holat na ni katakka Almasi bbos-bbos man na nnaa lakkop leꞌ mimon altaꞌ ni Ejip. Batan ilooy ya pandang na supaat man Tuhan ni sinōng.

Yaꞌkub 1:12

Na sagannap ma amu-amu natas njawom kasusahan ma nuwayan pangando da ni si Isa, mastiꞌ sinupaatan jaꞌ sina. Batan pagka tumatandaꞌ na takkoꞌ pangando da, koleꞌ jaꞌ sina sila kasampulnaan nyawa saumu-umu ma ndang bay njanjiꞌ meꞌ Tuhan ni sagannap ma maaseꞌ niiya.

Yaꞌkub 1:16

Sangkon siga danganakan, kakasi ku, tud magsāꞌ sina kam bong kam mista luu lamud Tuhan ni siga sasat njataꞌ bi.

Yaꞌkub 1:19

Na siga danganakan, kakasi ku, indanan bi. Kitabi itu subay badja pakale. Daa hangat kitabi na jaꞌ mitsala. Maka daa kitabi os-os lasu.

Yaꞌkub 1:9

Siga danganakan, kaam ma miskin, luu du baw sina man bi gāk san kam miskin batan bong pa Tuhan, kaam jama balkanan.

1 Pitel 1:4

koleꞌ kitabi mimon ma ndang luu na bay hinalliꞌ meꞌ Tuhan ni sulgaꞌ para ni siga sukuꞌ na. Boꞌ ilooy na silay tabilang pusaka ma yaꞌ luu masa na, yaꞌ luu salla na, sampay yaꞌ kuhi baluba.

2 Pitel 1:11

Boꞌ na, hinasi na sina kam mintu paayad pa jawom sulgaꞌ, ndooy man Papuꞌ tabi si Isa Almasi, yana tukang nalamat kitabi, magsultan saumu-umu.

Siga Pakaradjaan bay Pinalahil 2:9

“Kaam ina, katoonan ku du kabinsanaan njataꞌ bi sampay kamiskinan bi. Sugaꞌ ni sabana na, dayahan kam. Tasayu ku du pitna inuwan njataꞌ bi meꞌ siga Yahudi ma nulang kaam. Sila ina mangaku sukuꞌ Tuhan, mingkan kumpulan sukuꞌ Ibilis sila.

Siga Pakaradjaan bay Pinalahil 21:7

Na sagannap ma kanaalla mmeꞌ niyaku tanne-pasuꞌ, pusakahan ku ka ilooy mimon ma bay sabbut ku siꞌ. Aku na Tuhan da maka anak ku na sila.

Siga Pakaradjaan bay Pinalahil 3:18

Sangkon sohoꞌ ta na kam malli niyaku mmas porol ma bay na llakkahan sakot na ka api supaya kam dayahan na ni mata Tuhan. Maka malli na kam pamakoy poteꞌ niyaku mari katambunan na kaiyaan bi nantang. Maka malli na kam niyaku uliꞌ man bi muusan mata bi mari kam ngita.