Yaꞌkub 2:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Na adakala ilooy du magti hasi bi yana ma ayad pamakoy na. Yuk bi, “Ningkōꞌ ko ntuu ni duhuan.” Boꞌ ilooy ma miskin, sohoꞌ bi jaꞌ ningkōꞌ ni bukutan.

Yaꞌkub 2:3 Iomraidhean Croise

Lukas 23:11

Pag-anu siꞌ, inudjuꞌ na baw si Isa meꞌ Gubnul Herod ka ga sundalu na sampay lay gi ya binuwat kalabbiyan. Bbuwatan da lay mapatukan iya juba alatan bahasa inalak ya subay ga sultan. Pus meꞌ looy, lay na baw ya sinohoꞌ binoo pabeleng pa mman Gubnul Pilatu.

2 Korin 8:9

Ngaddoꞌ jaꞌ kam pamintangan ni Papuꞌ tabi si Isa Almasi. Katoonan bi na du ehe aseꞌ na ningkitabi. San ya dayahan ni sulgaꞌ, lay na ga ya pitu pa junyaꞌ niksaꞌ dī na njawom miskin supaya luu na lawang man tabi koleꞌ ladjikiꞌ ma natas saumu-umu.

Yaꞌkub 2:2

Nnaꞌ ta na, luu duwa jama takka pa langga bi. Disu, lakkop na tangan na meꞌ simsim mmas ka ayad banahan pamakoy na. Boꞌ ilooy disu, miskin maka tud daan pamakoy na.

Yaꞌkub 2:6

Sugaꞌ kaam ina, gam pin madiyoꞌ siga jama ma miskin, boꞌ siga sawraga angkat bi. Hati, saꞌ ba, siga sawraga na nakkon kaam sampay malkalaꞌ kaam pa saraꞌ?

Suwat Lakka man si Jūd 1:16

Na sila ilay siꞌ ma bay inawnan baldusa ni bay tunaꞌ Nabi Idris, yana sagannap ma nabiat magdubdub ka nusunan jama. Boꞌ na, nabiat gi sila nganduwan napsu da ma maat. Basag sila malangkaw dī da. Maka tigiꞌ gi sila malambu tinga jama supaya luu tahīs da, meꞌ naa, meꞌ naa.