Yaꞌkub 2:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Nnaꞌ ta na, luu duwa jama takka pa langga bi. Disu, lakkop na tangan na meꞌ simsim mmas ka ayad banahan pamakoy na. Boꞌ ilooy disu, miskin maka tud daan pamakoy na.

Yaꞌkub 2:2 Iomraidhean Croise

Panagnaan 27:15

Pag-anu, lay ngaddoꞌ nneꞌ na badjuꞌ si Esaw ma mahap banahan ma bay inannaꞌ-nnaꞌ, boꞌ bay pinapatukan si Yaꞌkub.

Lukas 15:22

“Sugaꞌ ni kagāk mmaꞌ na, lay linganan na siga tindog na, yuk na, ‘Kaddoun bi deꞌ-dēꞌ juba looy ma ayad banahan boꞌ papatukan bi anak ku. Pasim-siman bi ya maka patumpaan bi.

Lukas 23:11

Pag-anu siꞌ, inudjuꞌ na baw si Isa meꞌ Gubnul Herod ka ga sundalu na sampay lay gi ya binuwat kalabbiyan. Bbuwatan da lay mapatukan iya juba alatan bahasa inalak ya subay ga sultan. Pus meꞌ looy, lay na baw ya sinohoꞌ binoo pabeleng pa mman Gubnul Pilatu.

Yaꞌkub 2:3

Na adakala ilooy du magti hasi bi yana ma ayad pamakoy na. Yuk bi, “Ningkōꞌ ko ntuu ni duhuan.” Boꞌ ilooy ma miskin, sohoꞌ bi jaꞌ ningkōꞌ ni bukutan.