Yaꞌkub 2:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Sangkon labba man bitsala bi sampay tangge-tingkōꞌ bi subay kam mmeꞌ ni panohoan Tuhan looy siꞌ pasal aseꞌ. Panohoan looy ilay, kapaddusan kitabi man hukuman Tuhan. Batan panohoan looy ilay yana pindoga man manusiyaꞌ kalabuan hukuman meꞌ Tuhan atawa niyaꞌ.

Yaꞌkub 2:12 Iomraidhean Croise

Lukas 4:18

“Inassob na ku meꞌ Rū Sutsiꞌ batan lay ku pineneꞌ meꞌ na masaplag umanat mahap pa mman siga jama miskin. Sinohoꞌ ku meꞌ na mahati sagannap ma tapalisu njawom komkoman Ibilis, inaa, bukaꞌ na lawang man da pōꞌ. Maka sinohoꞌ ku pitu masaplag ni sagannap ma buta supaya sila ngita na maka ni sagannap ma tinakkon mari sila kapaddus na.

Yahiya 8:32

maka katoonan bi na kabanahan. Boꞌ kabanahan ina, inaa na maddusan kaam mari kam yaꞌ na pinahata meꞌ oy maka oy na.”

Galatiya 6:2

Pakutuun bi meꞌ bi sitabang-tabang mari tumatandaꞌ ngasip na kam ni panohoan Almasi sikaaseꞌ-kaaseꞌ.

Pilipi 4:8

Dambuli man naa siga danganakan, oy-oy mahap ka tawop sinanglitan, oy-oy ma bana, oy-oy pataꞌ pinabuwat, oy-oy intong atawa sutsiꞌ, oy-oy lingkatan sampay tawop binantug, kannahun bi na pin njawom pamiki bi.

Kolossa 3:17

Meꞌ kaam ina wakil Papuꞌ Isa, mimon bitsala bi ka pabuwatan bi subay magbēꞌ ka ntan bi. Maka subay kam wā magsuku ni Mmaꞌ tabi Tuhan sabapan mimon bay pabuwat si Isa ningkaam.

Yaꞌkub 1:25

Sugaꞌ soysoy ina maliksaꞌ palman Tuhan paayad sampay tattap mean iya, malaingkan mehe supaat njataꞌ na. Batan palman Tuhan ina, yaꞌ luu salla na samasakali. Boꞌ na, kaboo jama lagi pa jawom kasumunsayaan soysoy ngasip. Daa jaꞌ kita meꞌ kasohean, pus da bay kale palman Tuhan, magti lay du takupan.

Yaꞌkub 2:8

Sangkon sapatut na subay bogbogan bi na panohoan Tuhan njawom kitab ma puntukan banahan, ilooy ma yuk na, “Kaasean bi pagkahi bi manusiyaꞌ sibuꞌ ka aseꞌ bi ni dī bi.” Na bong siꞌ ina tabogbog bi meꞌ naa, katuwaꞌ na kam.