Yaꞌkub 1:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Na sagannap ma amu-amu natas njawom kasusahan ma nuwayan pangando da ni si Isa, mastiꞌ sinupaatan jaꞌ sina. Batan pagka tumatandaꞌ na takkoꞌ pangando da, koleꞌ jaꞌ sina sila kasampulnaan nyawa saumu-umu ma ndang bay njanjiꞌ meꞌ Tuhan ni sagannap ma maaseꞌ niiya.

Yaꞌkub 1:12 Iomraidhean Croise

Panagnaan 22:1

Na luu jaꞌ siꞌ daka dangon taun bay pingkaꞌ, lay na baw sinuwayan meꞌ Tuhan pangando si Ibrahim niiya. Meꞌ tuu silay salsila na: Luu disu llaw, lay ya linganan Tuhan, yuk na, “Ū Ibrahim.” Tampung si Ibrahim, “Oy lay siꞌ Papuꞌ?”

Matiyu 10:22

Kaam ina mintu kinalammisan meꞌ jama ni mimon kalahat-lahatan sabap mmeꞌ kam niyaku. Sugaꞌ soysoy ina natas pangando na ngabut sampay pa katapusan, salamat jaꞌ ya.

Matiyu 25:34

“Pag-anu, yuk Sultan ninsila ni kawnan na, ‘Kaam ina sikamimon sinupaatan meꞌ Mmaꞌ ku. Pitu kam. Timaun bi na mimon kaayaran ni pamarinta ma bay hinalliꞌ ningkaam man awwal tagnaꞌ lagi junyaꞌ bay pinapayak.

Lukas 6:22

“Bong ina kam kinalammisan, tinuwak, pinadiyoꞌ sampay pinitnahan sabap meꞌ bi mmeꞌ niyaku, yana Anak Manusiyaꞌ, njawom supaat du sina kam.

Suwat si Pol pa mman Baanan Sukuꞌ si Isa ndooy ni Rom 5:4

Bong ina kitabi pandoy natas, kasulutan sina Tuhan ningkitabi. Boꞌ bila ina Tuhan kasulutan ningkitabi, mastiꞌ luu na holat tabi tumabeꞌ ni ehe kabantugan na.

Suwat si Pol pa mman Baanan Sukuꞌ si Isa ndooy ni Rom 8:28

Na kitabi itu, katoonan tabi du, bong kitabi maaseꞌ ni Tuhan, san gi oy katuwaꞌ ningkitabi, pinakoy jaꞌ du sina meꞌ Tuhan pa kaayaran ningkitabi. Batan lay na kitabi lliyun meꞌ na binuwat limbang na majatu garaꞌ na.

1 Korin 2:9

Kahapan, sabapan kapatoy na, lay na bukisan Tuhan lawang man manusiyaꞌ koleꞌ jinisan supaat. Boꞌ magbēꞌ bana ka bay tunaꞌ njawom kitab, ilooy ma yuk na, “Luu siga supaat ma ndang bay hinalliꞌ meꞌ Tuhan ni sagannap ma maaseꞌ niiya. Siga supaat looy ilay yaꞌ gi bay pingkaꞌ takita maka yaꞌ gi bay takale sampay yaꞌ san bay taingat meꞌ pamiki manusiyaꞌ.”

1 Korin 8:3

Sugaꞌ soysoy ina maaseꞌ, iya na sina ngantanan pangahati sabanna.

1 Korin 9:25

Jama lalumbaan ina, sabuli-buli na nganad baran na. Inagak meꞌ na napsu na bong pin takoleꞌ na jaꞌ haddiya numbul satu. Sugaꞌ haddiya ma tuyuan na samantalaꞌ du sina. Boꞌ ilooy ma pinagtuyuan meꞌ tabi natas saumu-umu.

2 Timuti 2:15

Timuti, pagbuli-bulihan nu meꞌ nu makitahan Tuhan kau disu sosohoan ma tawop niiya. Umanat kabanahan ma pinasampay meꞌ nu, daa pabiyahun sinakotan ka tōꞌ palsu. Bong siꞌ ina takaya nu meꞌ naa, yaꞌ luu meꞌ nu hinaꞌ ni mata Tuhan.

2 Timuti 4:8

Dari pag batnaa, ndang luu na silay haddiya ginalla karuna kaintongan hinalliꞌ niyaku. Boꞌ ndean du silay mintu aku meꞌ huwis looy ma patingkat intong, yana Papuꞌ Isa pag taabut llaw hukuman. Sugaꞌ saꞌ du baw sina mintu sat aku kabuwanan haddiya meꞌ looy, arapun sampay mimon ma bay magkainagon ni katakka Papuꞌ, mastiꞌ kabuwanan du.

Hibrani 10:32

Intomun bi doꞌ bay kahalan bi sibuwa bi bay mmeꞌ ni si Isa, jaman pamiki bi bohoꞌ bay pinadantaan. Saꞌ ba, biddaꞌ na ehe kabinsanaan bay tatasan bi?

Hibrani 11:17

Sarī gi, sabapan pangando Nabi Ibrahim pa Tuhan, pag bay ya sinuwayan meꞌ Tuhan nohoꞌ nongan umu anak na, yana si Isahak, lay du ya kuhi. Bistahun bi doꞌ, Nabi Ibrahim ilay bay njanjian meꞌ Tuhan binuwanan panubuꞌ paeka poonan man si Isahak. Sugaꞌ san meꞌ looy, lay gi Nabi Ibrahim kuhi nongan umu anak na pa Tuhan.

Hibrani 12:5

Daa takupan bi palman njawom kitab, ilooy ma yuk Tuhan, “Kaam, siga anak ku, kannahun bi adjalan ku. Daa kam jamu mmeꞌ niyaku bong kam sahawi ku.

Hibrani 6:15

Dari siꞌ, pagka yaꞌ bay kuhi jamu Nabi Ibrahim pitsayaꞌ san ya bay hallom ngagad, lay du bay takoleꞌ na ilooy ma bay njanjiꞌ niiya.

Yaꞌkub 2:5

Siga danganakan ku, kakasi ku, pakale doꞌ kam niyaku. Siga jama miskin ina subay du pinagmaltabatan batan sila bay pineneꞌ meꞌ Tuhan ngantanan pangando basag niiya. Boꞌ na, tabeꞌ du sina sila ni mimon kaayaran pamarinta Tuhan ma bay njanjiꞌ meꞌ na ni sikamimon ma maaseꞌ niiya.

Yaꞌkub 5:11

Siga sukuꞌ Tuhan meꞌ sila ilay ma bay natas njawom kabinsanaan, katoonan tabi na du, pag toklas na, sinupaatan sila. Pamintangan bi na Boꞌ Job. Bay du taaka bi bong pooy ehe tatas na naggaan jinisan kamalasahiyan mattoꞌ. Damikiyan, tasayu bi na du bong pooy ehe supaat bay hinudhuran meꞌ Tuhan niiya ni katapusan. Dari mandooy, tabista tabi na, basta pannoꞌ atay Tuhan leꞌ luuy ka timbang ningkitabi.

1 Pitel 3:14

Sugaꞌ sawpama kam bay bininsanaꞌ sabap meꞌ bi paintong, mastiꞌ luu supaat Tuhan njataꞌ bi. Sangkon daa kam hanggaw atawa tawu ni manusiyaꞌ.

1 Pitel 4:13

Gam na kam gāk sabap meꞌ bi bay tabeꞌ ni kabinsanaan bay lingkaan Almasi. Batan pag beleng na ina mintu sampay pinalahil na ehe kabantugan na, magdaruhun gi sina kagakan bi.

1 Pitel 4:14

Bila kam pinadiyoꞌ-diyoꞌ sabap meꞌ bi pitsayaꞌ ni Almasi, njawom supaat kam sabap luu na pin Rū Sangat Kawasa nabangan kaam, yana Rū Tuhan ma bay pinatannaꞌ ningkaam.

1 Pitel 5:10

Sugaꞌ pus bi bay natas samantalaꞌ njawom kabinsanaan, tinabang du sina kam meꞌ Tuhan. Pahallotan na sina pangando bi maka pinataggu meꞌ na iman bi supaya kam meꞌ karuha poon kayu ma yaꞌ kuhi habbaꞌ sabap lawom gamut na. Bistahun bi doꞌ, ni kaehe aseꞌ-tabang Tuhan, lay na kam liyun na pa jawom okoman na. Maksud na supaya kam tumabeꞌ ni kabantugan na man sabapan pagkatibuuk bi ka si Isa Almasi. Boꞌ kabantugan na ina yaꞌ luu katapusan na.

1 Pitel 5:4

Meꞌ naa ina, koleꞌ jaꞌ sina kam mintu kabantugan ma yaꞌ kuhi baluba saumu yana tungbas ndean kaam ni katakka panghuluꞌ siga tukang ipat, yana Almasi.

1 Yahiya 4:19

Kitabi itu maaseꞌ sabap Tuhan bay duhuꞌ maasean kitabi.

Siga Pakaradjaan bay Pinalahil 2:10

Na mari katoonan bi, luu gi sina mintu kabinsanaan mehe tuwaꞌ njataꞌ bi. Kasohean kam ina tajīl man kapandoyan Ibilis. Sinuwayan sina mintu pangando bi niyaku. Njawom sapū ngallaw yaꞌ sina luu hantiꞌ laug njataꞌ bi. Sugaꞌ daa kam tawu. Magkanaalla jaꞌ kam mmeꞌ niyaku san gi man bi matoy, boꞌ bi sa tungbasan ku ka kaallum ma yaꞌ luu katapusan na.

Siga Pakaradjaan bay Pinalahil 3:19

“Na soysoy ina kaasean ku, mastiꞌ saggong ku sampay adjal ku. Sangkon bong kam doman paintong, tawbatan bi na dusa bi, boꞌ pupusan bi na meꞌ bi mmeꞌ niyaku.

Siga Pakaradjaan bay Pinalahil 3:21

“Na soysoy ina kanaalla mmeꞌ niyaku tanne-pasuꞌ, malaingkan buwanan ku sina mintu kapatut ningkōꞌ ni bihing ku mmeꞌ marinta niyaku. Aku pun itu, lay du ku magkanaalla mmeꞌ ni Mmaꞌ ku tanne-pasuꞌ sampay luu na pin ku ningkōꞌ ni bihing na mmeꞌ marinta.