Yaꞌkub 1:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Ituu itu aku, si Yaꞌkub, disu ata Tuhan ka Papuꞌ tabi si Isa Almasi. Itu suwat ku pa mman bi siga sukuꞌ Tuhan ma magkanatan ni kalahat-lahatan, yana kaam ma meꞌ aku du tabeꞌ ni panubuꞌ siga anak Nabi Yaꞌkub sikasapu-duwa. Salam duwaa ningkaam sikamimon.

Yaꞌkub 1:1 Iomraidhean Croise

Matiyu 10:3

Luu gi si Pilip maka si Baltolome, si Tomas maka si Matiyu ma bay tukang ninga sukay. Pasunuꞌ, si Yaꞌkub, anak si Alpiyus, boꞌ luu gi si Tadiyus

Matiyu 13:55

Iya bina anak tukang kayu looy sadjaꞌ maka katoonan tabi du nneꞌ na si Mariyam maka siga danganakan na si Yaꞌkub, si Yusup, si Saymon maka si Judas.

Matiyu 19:28

Yuk si Isa, “Baan ta kam banahan, pag ina mintu pinabahauwan na junyaꞌ, Anak Manusiyaꞌ itu mintu ningkōꞌ na ni tingkoan man na magsultan ni kaehe kawasa na. Kaam pun, siga mulit ku, pinatingkōꞌ na du kam mintu ni sapu-duwa tingkoan marintahan mimon panubuꞌ lakka man siga anak si Israil sikasapu-duwa.

Malkus 3:18

Luu gi si Andru, si Pilip, si Baltolome, si Matiyu, si Tomas maka si Yaꞌkub, yana anak si Alpiyus. Pasunuꞌ si Tadiyus, si Saymon ma bay pingkaꞌ ngatuhan parinta Rom,

Lukas 22:30

Dari kaam ina mintu siharung-harung na du nginum-mangan ka aku njawom pamarinta ku. Maka pinatingkōꞌ na du sina kam mintu ni siga tingkoan sultan marintahan siga panubuꞌ lakka man siga anak si Israil sikasapu-duwa.”

Lukas 6:15

si Matiyu, si Tomas, si Yaꞌkub, yana anak si Alpiyus, si Saymon ma bay pingkaꞌ ngatuhan parinta Rom,

Yahiya 12:26

Soysoy doman buwat kahandak ku, subay du nūs lān ku supaya nnoy-nnoy mman ku, ndooy du ya. Maka sagannap ma buwat kahandak ku, mastiꞌ pinaehe sina mintu meꞌ Mmaꞌ ku.”

Yahiya 7:35

Dari siꞌ, sitilaw-tilaw na ga siga pa-mmean Yahudi, yuk da, “Paninggai doꞌ ilay tiluꞌ lalla looy yaꞌ san konoꞌ ya tatammu tabi? Marean ta pilay ya pa lahat sarī man kasohean pagkahi tabi Yahudi maglahat, boꞌ na noan bangsa Greek ndooy.

Salsila siga Rasul 1:13

Siga rasul looy ilay siꞌ yana ga si Pitel, si Yahiya, si Yaꞌkub, si Andru, si Pilip, si Tomas, si Baltolome, si Matiyu, si Yaꞌkub, yana anak si Alpiyus, si Saymon ma bay pingkaꞌ ngatuhan parinta Rom, maka si Judas yana anak si Yaꞌkub. Takka jaꞌ siꞌ sila pa Jerusalem, lay sila dutai pa jawom bilik luha ni kaduwa pangkat lumaꞌ man da tamban.

Salsila siga Rasul 12:17

Bbuwatan si Pitel baw siꞌ tu ngisalat ka tangan na yaꞌ nohoꞌ sila hibuk. Pag-anu siꞌ, lay na sila tuntutan na bong pooy meꞌ Papuꞌ bay mapōꞌ iya man jawom jīl. Maka lay gi ya nohoꞌ sila nuntutan si Yaꞌkub sampay na mimon sukuꞌ si Isa pasal bay kahalan na siꞌ. Pag-anu siꞌ, lay na baw ya lakka mandooy song pa disu kawum.

Salsila siga Rasul 15:13

Pus meꞌ looy, pasīng na baw si Yaꞌkub mitsala, yuk na, “Siga danganakan, pakalehun bi doꞌ ku.

Salsila siga Rasul 15:21

Bong siꞌ ina mintu bogbogan da jaꞌ siga aturan looy, malaingkan yaꞌ na halin parasahan siga Yahudi ngandaꞌ sila. Siga Yahudi ina tud kaawran ngalabbahan saraꞌ Nabi Musa. Man maruhuꞌ-ruhuꞌ lagi, ndang inaa na saraꞌ takale da pinasaplag ni mimon daira da ka ni kalangga-langgahan da tuktuk Llaw Pahali.”

Salsila siga Rasul 15:23

Isi suwat da meꞌ tuu: “Salam duwaa ningkaam man kami siga rasul ka ga pa-mmean ni baanan danganakan tabi ntuu ni Jerusalem. Itu suwat kami pa mman bi siga danganakan kami ma saꞌ Yahudi nnaa ni sikaliput Antiyok ka Siriya sampay ni Silisiya.

Salsila siga Rasul 2:5

Na ni waktu looy du siꞌ, meka Yahudi ma ngisbat Tuhan ndang luu na bay takka pa Jerusalem man kalahat-lahatan ni sikaliput junyaꞌ mmeꞌ ni paballangan Pentekos.

Salsila siga Rasul 21:18

Pag meꞌ sumawung, lay na baw kami mmeꞌ ni si Pol ngandaꞌ-ngandaꞌ si Yaꞌkub. Pag ndaꞌ kami, mimon pa-mmean sukuꞌ si Isa ndooy ni Jerusalem luu na du bay kumpo ndooy.

Salsila siga Rasul 23:26

“Ituu itu aku, yana Komandel Kalawdiyus Laysiyas. Itu suwat ku pa mman nu Tuwan Gubnul Pilik. Salam duwaa ningkau.

Salsila siga Rasul 26:7

Padahal, aku itu sibuꞌ du ka siga pagkahi ku bangsa Israil pitsayaꞌ ni tukang nalamat looy. Inaa sina ngkon kami saliꞌ-saliꞌ makutuꞌ meꞌ kami numba Tuhan llaw-sangom. Sugaꞌ aku baw tu, pitsayaꞌ ku luu na bay takka tukang nalamat looy, yana si Isa. Maka pitsayaꞌ du ku san ya bay pinapatoy, lay du baw ya pinakallum pabalik. Dari ituu na situ kon ku pinalkalaꞌ meꞌ siga pagkahi ku Yahudi.

Salsila siga Rasul 8:1

Pag-anu siꞌ, lay na kinubu si Esteben meꞌ siga jama ma ngisbat Tuhan. Boꞌ tud bay mag-ulawi sila. Sugaꞌ kuwan si Sol siꞌ tu, gam pin nanglitan sagannap ma bay mapatoy si Esteben. Boꞌ lay gi ya magtuyuꞌ-tuyuꞌ mabinasa baanan sukuꞌ si Isa. Bbuwatan na, padisu-padisu lumaꞌ ngangguyud-guyud sila pa poan, danda lalla, boꞌ da inisi njawom jīl. Dari siꞌ, labba man llaw kapatoy si Esteben, magdaruhun na pin basag laug sampay kabinsanaan njataꞌ mimon ma mmeꞌ ni si Isa ndooy ni Jerusalem. Na hangat sila bininsanaꞌ, meka na sila bay maglahiyan man Jerusalem, sampay lay na sila magsaw-simpāk pa kakawum-kawman ni sikaliput Yahudiya ka Samariya. Ilooy sa bay tamban ni Jerusalem yana siga rasul si Isa.

Suwat si Pol pa mman Baanan Sukuꞌ si Isa ndooy ni Rom 1:1

Suwat tuu itu lakka man aku, yana si Pol, disu ata si Isa Almasi. Aku itu bay lliyun meꞌ Tuhan binuwat rasul nohoꞌ masaplag umanat mahap pasal kasalamatan.

Galatiya 1:19

Boꞌ sasang ku ilay siꞌ ndooy, yaꞌ san ku bay sitammu ka siga rasul si Isa kasohean sarī man si Yaꞌkub, yana danganakan Papuꞌ Isa.

Galatiya 2:12

Sibuwa na takka, tuwaꞌ arat na batan yaꞌ ya magsibiddaꞌ jama. Mmeꞌ ya siharung-harung mangan ka soysoy jaꞌ sampay siga jama ma saꞌ Yahudi. Sugaꞌ song hallom, luu na baw takka pagkahi na siga Yahudi man panohoan si Yaꞌkub lakka man Jerusalem. Dari bbuwatan si Pitel, lay tagongan na meꞌ na paharung mangan ni siga danganakan na ma saꞌ Yahudi. Kon na tagongan na batan tawu ya sinahawi meꞌ siga pagkahi na Yahudi sabap meꞌ na paharung mangan ni jama ma yaꞌ bay pingkaꞌ inislam.

Galatiya 2:9

Dari sila siꞌ tu ma ndang tanyag pa-mmean sukuꞌ si Isa, yana ga si Yaꞌkub, si Pitel, ka si Yahiya, tabista da na lay du ku pineneꞌ leꞌ Tuhan binuwat rasul si Isa. Sangkon gāk na sila ngaku kami ka si Balnabas limbang da. Batan magtaayun na pamiki kami ni hāl meꞌ kami masaplag. Dari pagsulutan kami, kuwan kami ka si Balnabas pa kabangsa-bangsahan ma saꞌ Yahudi. Kuwan sila, pa bangsa Yahudi.

Pilipi 1:1

Ituu itu kami, si Pol ka si Timuti. Kami itu siga ata si Isa Almasi. Itu suwat kami pa mman bi sukuꞌ Tuhan njawman Almasi nnaa ni Pilipi sampay pa mman siga pa-mmean bi ka siga tatabang da.

2 Timuti 4:21

Na meꞌ halling sambat ku na siꞌ, pagbuli-bulihan nu na magdeꞌ-dēꞌ pitu padpad yaꞌ gi taabut timpu tanne. Luu gi beꞌ ga si Yubulas, si Pudens, si Linus ka si Kladiya sampay mimon danganakan ta ntuu bay du nohoꞌ masampay salam duwaa da pa mman nu.

Taytus 1:1

Ituu itu aku, si Pol, disu ata Tuhan saltaꞌ na rasul si Isa Almasi. Itu suwat ku pa mman nu Taytus. Meꞌ ku ngingat, sibuꞌ du ko ka anak ku rahasiyaꞌ sabap meꞌ ta dambuwaꞌ atay pitsayaꞌ ni umanat mahap pasal si Isa. Kamura-murahan binuwanan na pin ko kasannangan ka barakat meꞌ Mmaꞌ tabi Tuhan ka tukang nalamat kitabi, yana si Isa Almasi. Ndang katoonan nu du, meꞌ aku disu rasul, bay ku kawakilan noan sagannap ma bay peneꞌ Tuhan supaya patakkoꞌ pangando da ni si Isa. Kamura-murahan man sabapan umanat mahap ma pasampay ku, pasōng du dawom da ngakig arat-tabiat Tuhan. Boꞌ na, bong siꞌ ina umanat mahap kinapitsayaan, tatantu jama luu na kasampulnaan nyawa da saumu-umu. Kasampulnaan nyawa ina, ndang lay na bay njanjiꞌ meꞌ Tuhan ni manusiyaꞌ maruhuꞌ-ruhuꞌ lagi. Boꞌ bila ina Tuhan, yana tukang nalamat kitabi, bay nganjanjiꞌ, mastiꞌ mmeꞌ jaꞌ ya ni lapa na. Dari pag taabut masa ma bay ginantaꞌ meꞌ Tuhan, lay na pinalahil meꞌ na si Isa yana lān man manusiyaꞌ koleꞌ kaallum bahau. Na umanat mahap pasal kaallum bahau ina, yana umanat ma bay sinohoꞌ pinasaplag niyaku.

1 Pitel 1:1

Ituu itu aku, si Pitel, disu rasul si Isa Almasi. Itu suwat ku pa mman bi ma bay pineneꞌ meꞌ Tuhan, yana kaam ma sampi ni junyaꞌ tuu magkanatan nnaa ni Pontus, ni Galatiya, ni Kapadosiya, ni Asiya sampay ni Bitiniya.

2 Pitel 1:1

Ituu itu aku, si Saymon Pitel, disu ata si Isa Almasi. Maka aku itu disu rasul na. Itu suwat ku pa mman bi ma pitsayaꞌ na du ni si Isa Almasi, yana Tuhan tabi ka tukang nalamat kitabi. Ni kaintong na, yaꞌ ya minig jama, batan kaam pun ina, meꞌ kami na du, bay kaladjikian saliꞌ-saliꞌ buwatan hagaan, yana pangando tabi niiya.

Suwat Lakka man si Jūd 1:1

Aku itu si Jūd, disu ata si Isa Almasi. Maka aku itu danganakan si Yaꞌkub. Itu suwat ku pa mman bi, sagannap ma bay lliyun meꞌ Mmaꞌ tabi Tuhan binuwat sukuꞌ na, yana kaam ma kinaasean meꞌ na sampay inayaran meꞌ si Isa Almasi.

Siga Pakaradjaan bay Pinalahil 7:4

Pag-anu siꞌ, lay ku kabaan luu konoꞌ dahatus mpatpuꞌ-mpat libu jama bay sinapan, turunan siga anak si Israil sikasapu-duwa.