Yahiya 3:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Pag halling si Isa, “Baan ta ko banahan, yaꞌ sina luu kapatabeꞌ ni pamarinta Tuhan bong yaꞌ doꞌ bay duhuꞌ pinamaddihan pabalik.”

Yahiya 3:3 Iomraidhean Croise

Matiyu 16:17

Yuk si Isa niiya, “Saymon, anak si Yahiya, sinupaatan ko batan pangahati nu pasal aku lay na pinalahil ningkau meꞌ Mmaꞌ ku ni sulgaꞌ, saꞌ man kapandoyan manusiyaꞌ.

Matiyu 19:24

Kamurahan gi untaꞌ papassūt ni lowang panahiꞌ man jama dayahan patabeꞌ ni pamarinta Tuhan.”

Matiyu 21:31

Pag-anu, tilaw si Isa ni siga pa-mmean looy, “Bong kaam, mamooy ilay bay ngasip mmaꞌ da?” Pag tampung da, “Ilooy bilay ma siyaka.” Yuk si Isa, “Dari ongoy baw ilay ilooy ya disu akig bi? Baan ta kam banahan, siga tukang ninga sukay sampay siga puta, luu na paasok pa jawom pamarinta Tuhan duhuꞌ gi man kaam.

Matiyu 5:18

Baan ta kam banahan, halloman itu luu gi gumi ka langit, bong inawnan saraꞌ Tuhan, yaꞌ sina luu tabaluba. San disu tumbuk atawa pun disu batang suwat siga saraꞌ, yaꞌ sina lungay ngkod-ngkoran yaꞌ gi bay magjatu garaꞌ Tuhan labbasakayi.

Malkus 10:14

Pag ndaꞌ si Isa meꞌ looy, lasu ya ni siga mulit na. Dari yuk na ninsila, “Pabiyahun bi na ba pitu siga anak-anak naa pa mman ku. Daa na saggongun bi, batan pamarinta Tuhan ina ndang para ni jama diyoꞌ pangatayan meꞌ karuha ga anak-anak naa.

Malkus 9:47

Atawa pun, bong dambilaꞌ mata bi bay kaboo-boo ningkaam buwat dusa, kuwirian bi na. Gam na dambilaꞌ sa mata bi bong pin kam tabeꞌ jaꞌ ni pamarinta Tuhan, man bi nnaa tahiyakan pa jawom nalkaꞌ ddas ka mata bi sikaduwambilaꞌ.

Yahiya 1:13

Sugaꞌ sila ilay bay dari anak Tuhan, saꞌ meꞌ karuha anak manusiyaꞌ bay pinamaddihan, batan saꞌ man pabuwatan manusiyaꞌ, arapun sila ilay bay dari anak Tuhan man sabapan pabuwatan Tuhan.

Yahiya 1:5

Sūꞌ looy ilay ninag na pin njawom lindom, boꞌ yaꞌ luu lindom tumanjataꞌ niiya.

Yahiya 12:40

“Lay na sila pinabuta meꞌ Tuhan supaya sila yaꞌ ngita. Lay na pinalindoman meꞌ na pamiki da supaya sila yaꞌ kahati. Bong siꞌ saꞌ meꞌ looy, luu gi dapat da nawbat, boꞌ taulian ku pangatayan da.”

Yahiya 3:4

Yuk si Nikodimus baw siꞌ tu, “Uy, pooy gi doꞌ lay la meꞌ jama pinamaddihan pabalik katoa-toa na na? Hati, bahasa subay doꞌ ya paasok balik pa jawom kūn induꞌ na boꞌ na pōꞌ pabalik?”

2 Korin 4:4

Yaꞌ sila pitsayaꞌ sabap pikilan da lay na tinambunan meꞌ Ibilis ma buwat dī na tuhan ni junyaꞌ tuu. Sangkon yaꞌ tapadantaan pamiki da meꞌ umanat mahap pasal ehe kaayaran ilooy ma pulnaꞌ limbagan Tuhan, yana Almasi.

2 Korin 5:17

Pag batnaa, tabista tabi na, soysoy tibuuk ka Almasi, sibuꞌ du karuha da ka jama bahau bay pinapayak. Pagkajama da maruhuꞌ ma nabiat nulut dī da, yaꞌ na luu. Yaꞌ na sibuꞌ ka maruhuꞌ batan luu na pagkajama da bahau ka kaallum da bahau.

Galatiya 6:15

Meꞌ kitabi itu mmeꞌ ni Almasi, yaꞌ na puntukan bong kitabi bay inislam atawa niyaꞌ. Ilooy ya puntukan bong luu na pagkajama tabi bahau.

Epesus 2:1

Na maruhuꞌ, kaam ina, bong pa Tuhan, matoy jaꞌ kam sabapan dusa bi hangat ngalangga kahandak na. Yaꞌ gi luu kaallum bi bahau.

Taytus 3:5

Lay na ya nalamat kitabi. Boꞌ tud kainu-inu silay batan yaꞌ luu kaayaran bay pabuwat tabi gantaꞌ man tabi pataꞌ sinalamat. Arapun kon Tuhan bay nalamat kitabi sabap ehe timbang na ni manusiyaꞌ. Dari man sabapan pabuwatan si Isa Almasi, tukang nalamat kitabi, lay na puwasan Tuhan dusa tabi. Dari ko ngawon, lay na kosoan na atay tabi supaya kinaddoan dusa tabi. Boꞌ lay gi ya nupaatan kitabi ka Rū na, yana Rū Sutsiꞌ bay pinaasok njawom atay tabi. Dari sabapan Rū Sutsiꞌ, sibuꞌ na du kitabi ka lay na pinamaddihan pabalik, batan luu na kaallum tabi bahau.

Yaꞌkub 3:17

Boꞌ jama ma luu pangahati da lawom man Tuhan, duhuꞌ-duhuꞌ, sutsiꞌ kawul-piil da. Pasunuꞌ, tiggo sila ngulihal kasalassayan. Boꞌ na, gampang gi sila ni parasahan jama. Kuhi sila tinoan. Basag sila manimbang ni jama maka mōꞌ sila jinisan kaayaran. Yaꞌ sila minig jama maka arat-tabiat da wā magbēꞌ ka kabanahan ma kinapitsayaan meꞌ da.

1 Pitel 1:3

Pudji tabi Tuhan, Mmaꞌ Papuꞌ tabi si Isa Almasi. Ni kabasag timbang na, lay na ya bay muwanan kitabi kaallum bahau. Lay na kapakitabi kaallum bahau sabap meꞌ tabi tabeꞌ ni Almasi pinakallum pabalik. Sangkon tatantu tabi na

1 Yahiya 2:29

Almasi ina, ndang katoonan tabi du, wā intong. Sangkon tatantu tabi soysoy buwat kaintongan, malaingkan anak Tuhan du ya.

1 Yahiya 3:9

Dari sagannap ma lay na dari anak Tuhan, labbahan da na sina meꞌ da buwat dusa sabap luu na ninsila pangatayan bahau man Tuhan. Maka pagka Mmaꞌ da na Tuhan, yaꞌ sila kasogsog buwat dusa.

1 Yahiya 5:1

Na sagannap ma pitsayaꞌ si Isa yana Almasi, sila na bay dari anak Tuhan. Maka bong ina kitabi maasean Mmaꞌ tabi Tuhan, mastiꞌ maaseꞌ du kitabi ni siga pagkahi tabi anak Tuhan.

1 Yahiya 5:18

Na kitabi itu, katoonan tabi na sikamimon jama ma bay dari anak Tuhan, patagong na sila buwat dusa batan luu na pin Anak Tuhan nganggaosan sila buwat kaintongan. Sangkon yaꞌ na sila tumandiyoꞌ meꞌ Ibilis.

1 Yahiya 5:4

batan lay na kitabi dari anak Tuhan. Boꞌ tiyap-tiyap siga anak Tuhan ina, mastiꞌ luu na gaos da nuwak sasat mimon njawom junyaꞌ. Boꞌ poonan gaos da yana pangando da ni Almasi.

Siga Pakaradjaan bay Pinalahil 3:14

Pasunuꞌ, yuk na niyaku, “Nuwat gi ko pilay pa mman pa-mmean looy ma ngantanan baanan sukuꞌ ku ndooy ni Leyodisiya. Bong ko nuwat, yuk nu meꞌ tuu, “Bitsala tuu lakka man ilooy ma ginalla Amin, yana ilooy ma kanaalla maka taasahan masampay kabanahan pasal Tuhan. Iya na sina man Tuhan bay mapayak mimon-mimon. Yuk na meꞌ tuu,