Siga Pakaradjaan bay Pinalahil 8:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Pag tiyup malaikat ni ka-mpat na tabuliꞌ na, lay pinalindoman sabahagiꞌ tallu mataallaw, buwan sampay siga potean. Dari siꞌ, llaw pa dangallaw ngalindom du lahat sabahagiꞌ tallu njawom dangallaw. Maka sangom-sangom, lindom saꞌ alang-alang sabahagiꞌ tallu njawom dambahangi.

Siga Pakaradjaan bay Pinalahil 8:12 Iomraidhean Croise

Matiyu 24:29

Pag-anu, yuk si Isa lagi, “Paddus jaꞌ ilay mintu kamalasahiyan ma bay sabbut ku siꞌ, pinapandom na baw mataallaw maka buwan pun yaꞌ na du dantaꞌ. Sikamimon taꞌ langit njogjog na sampay maglatakan na ga siga potean.

Matiyu 27:45

Na pag taabut tangngaꞌ llaw, ngalindom na ni sikaliput lahat ngabut sampay lisag tallu kohap.

Malkus 13:24

“Pasunuꞌ man kamalasahiyan meꞌ looy, ngalindom gi sina mataallaw maka buwan pun, yaꞌ na du ninag.

Malkus 15:33

Na pag tangngaꞌ llaw, ngalindom na ni sikaliput lahat ngabut sampay lisag tallu kohap.

Lukas 21:25

Maka yuk si Isa, “Bbos-bbos luu du sina pakaradjaan kahaylan-haylan tuwaꞌ ni mataallaw, ni buwan sampay ni siga potean. Mimon ina mintu kabangsa-bangsahan yaꞌ na katoon-toonan da parasahan da. Sinawan na sila sabapan ga lamba ag-agan na magsaw-simpāk na ngallub ni dilawut.

Salsila siga Rasul 2:20

Kuwan mataallaw ilay mintu, ngalindom na. Maka buwan pun, meꞌ dagbos lahaꞌ na sina. Pus meꞌ looy, ilooy ma takka na llaw ma yaꞌ luu sibuꞌ sabanding na, yana llaw Papuꞌ malahil ehe kabantugan na.

2 Korin 4:4

Yaꞌ sila pitsayaꞌ sabap pikilan da lay na tinambunan meꞌ Ibilis ma buwat dī na tuhan ni junyaꞌ tuu. Sangkon yaꞌ tapadantaan pamiki da meꞌ umanat mahap pasal ehe kaayaran ilooy ma pulnaꞌ limbagan Tuhan, yana Almasi.

Siga Pakaradjaan bay Pinalahil 12:4

Pag-anu siꞌ, lay ya bay ngalabaran ingko na sampay maglatakan na ga sabahagiꞌ tallu potean pa taꞌ junyaꞌ. Pus meꞌ looy, lay ya patiluꞌ pa danda looy ma magkamaddi-maddi na, boꞌ na nangge ni awpan na supaya tahan na nabbat anak na pag pōꞌ na.

Siga Pakaradjaan bay Pinalahil 16:10

Pag tumpahan malaikat looy ni kalima na isi pinggan na, lay tuwaꞌ pa parinta sattuwa looy siꞌ ma bay pōꞌ man jawom dilawut. Dari siꞌ, ilooy ma ngalindom na mimon kalahat-lahatan njawom sakup na. Kuwan siga raayat na, buwatan da ngattop dallaꞌ da na ga sabapan basag kamalasahiyan da.

Siga Pakaradjaan bay Pinalahil 6:12

Pag-anu siꞌ, takita ku na baw Bili-bili looy ngalukap kanjiꞌ ni ka-nnom na. Magsabtan du baw, sarunduun du luu linug basag taꞌ junyaꞌ. Kuwan mataallaw, lay na palindom meꞌ karuha kakanaꞌ itom. Kuwan buwan, lay na paakket, subay ga lahaꞌ.

Siga Pakaradjaan bay Pinalahil 9:15

Na siga malaikat looy ilay siꞌ sika-mpat ndang hallom na bay sinaddiya meꞌ Tuhan. Sinukuꞌ ninsila mapatoy manusiyaꞌ sabahagiꞌ tallu taꞌ babaw junyaꞌ. Sugaꞌ noy taabut na taun na, ka buwan na, ka llaw na sampay jām na bay ginantaꞌ meꞌ Tuhan boꞌ da llappahan. Dari siꞌ, ilooy ma lay na du sila llappahan.

Siga Pakaradjaan bay Pinalahil 9:18

Dari sabahagiꞌ tallu manusiyaꞌ taꞌ junyaꞌ lay matoy sabapan api, humbu ka manilang ma bay pōꞌ man jawom behe ga kuraꞌ looy.