Siga Pakaradjaan bay Pinalahil 4:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Ga balnyawa looy siꞌ sika-mpat, saliꞌ-saliꞌ luu ka pikpik da nnom lapat meꞌ mata pa jawom pa poan. Bbuwatan da mudji Tuhan sangom-llaw. Yaꞌ luu hognaꞌ da halling, “Sutsiꞌ, sutsiꞌ, sutsiꞌ Tuhan Sangat Kawasa, yana Papuꞌ ma ndang luu na maruhuꞌ-ruhuꞌ ngabut batnaa sampay saumu ni sinōng.”

Siga Pakaradjaan bay Pinalahil 4:8 Iomraidhean Croise

Panagnaan 17:1

Pag taabut siyampuꞌ-siyam taun umu si Ibram, lay na baw ya tinammuhan meꞌ Papuꞌ pabalik. Yuk Papuꞌ niiya, “Aku na situ Tuhan Sangat Kawasa. Batnaa mōꞌ doꞌ ku pagsulutan ni antaraꞌ kau ka aku. Mmeꞌ jaꞌ ko ni kahandak ku maka buwat jaꞌ ko kaintongan, boꞌ nu buwanan ku panubuꞌ paeka banahan.”

Salsila siga Rasul 20:31

Sangkon, amay-amay iyakin kam. Daa takupan bi bay tōꞌ ku ningkaam. Njawom tallun taun, llaw-sangom yaꞌ na bay luu hantiꞌ ku noan kaam kabanahan saliꞌ-saliꞌ. Sampay lay na ga latak boheꞌ mata ku ni kabasag luuy ku ningkaam.

2 Korin 6:18

Aku na Mmaꞌ bi, maka anak ta na kam.” Dari ilooy na silay siꞌ palman Tuhan Sangat Kawasa.

1 Tesaloneka 2:9

Siga danganakan, tamasa bi na du silay bay jaman kami masaplag umanat mahap man Tuhan ni daira bi, yaꞌ du bay man bi tiksaꞌ. Batan sangom-llaw na kami bay magtuyuꞌ ngusahān dī kami bong pin yaꞌ jaꞌ kam paya malanjaan kami.

1 Timuti 4:16

Paayad-ayad ko supaya yaꞌ luu salla ni kawul-piil nu atawa pun ni tōꞌ nu. Bong ina tud kanaalla du ko mmeꞌ ni palbiatan tuu, malaingkan saꞌ sat kau salamat, arapun sampay mimon ma pakale ni tōꞌ nu.

2 Timuti 4:2

masaplag umanat Tuhan. Pagbuli-bulihan nu na noan jama kabanahan, doman-yaꞌ sila doman mmeꞌ. Paintoman nu na pin sagannap ma magsāꞌ atawa amu-amu buwat dusa. Bitsalahan nu sila nohoꞌ nawbat. Patagguhun na pin iman da. Maka bila ko noan sila, subay tahaꞌ jaꞌ pasensiya nu.

Hibrani 13:8

Batan si Isa Almasi ilay, yaꞌ halin arat-tabiat na labba man awwal jaman ka batnaa sampay saumu.

Siga Pakaradjaan bay Pinalahil 1:4

Ituu tu si Yahiya nuwat pa mman siga baanan sukuꞌ si Isa ni pituꞌ daira nnaa ni Asiya. Kamura-murahan binuwanan na pin kam kasannangan maka barakat meꞌ Tuhan sabanna, ilooy ma ndang luu na man maruhuꞌ-ruhuꞌ ngabut batnaa sampay saumu ni sinōng. Maka kamura-murahan binuwanan na pin kam kasannangan ka barakat meꞌ ilooy ma ginalla Rū Sikapituꞌ, yana Rū Tuhan ma luu na pin ni awpan paningkoan man Tuhan ningkōꞌ marinta.

Siga Pakaradjaan bay Pinalahil 1:8

Na yuk Papuꞌ tabi Tuhan, “Aku itu yana Alpa ka Omega Sangat Kawasa, yana ilooy ma ndang luu na man maruhuꞌ-ruhuꞌ lagi ngabut batnaa sampay saumu ni sinōng.”

Siga Pakaradjaan bay Pinalahil 11:17

yuk da, “Tuhan, tud mehe meꞌ kami magsuku ningkau. Kau du Sangat Kawasa ma ndang luu na man maruhuꞌ-ruhuꞌ ngabut sampay batnaa. Lay na pakitahan nu ehe kawasa nu sampay itu na ko matangge pamarinta nu taꞌ junyaꞌ.

Siga Pakaradjaan bay Pinalahil 14:11

Humbu lakka man api looy ina mintu ma niksaꞌ sila, paangkat saumu. Llaw-sangom yaꞌ luu hantiꞌ da kabisahan. Ilooy na silay mintu palas sagannap ma bay numba sattuwa looy ka jama-jama looy sampay bay kuhi sinapan ka awon sattuwa looy.”

Siga Pakaradjaan bay Pinalahil 14:3

Kuwan ga jama looy siꞌ ma dahatus mpatpuꞌ-mpat libu, bbuwatan da ngalang kalangan bahau ni awpan paningkoan Tuhan ka ni awpan ga balnyawa looy siꞌ sika-mpat sampay ga matatoa looy sikaduwampuꞌ-mpat. Boꞌ yaꞌ luu toon kalangan looy sarī man ga jama looy siꞌ sikadahatus mpatpuꞌ-mpat libu, yana sagannap ma lay na nilakkat meꞌ Bili-bili looy man komkoman Ibilis jaman da masi ni junyaꞌ.

Siga Pakaradjaan bay Pinalahil 15:3

sambayan da ngalang kalangan ata Tuhan mattoꞌ, yana Nabi Musa. Kalangan looy siꞌ yana kalangan Bili-bili looy du. Kalangan looy siꞌ meꞌ tuu: “Papuꞌ, meꞌ kau Tuhan Sangat Kawasa, mimon pabuwat nu kainu-inu ka biddaꞌ na hāp na. Kau sultan mimon kabangsa-bangsahan. Mimon-mimon ma pabuwat nu intong jaꞌ maka yaꞌ luu salla na.

Siga Pakaradjaan bay Pinalahil 15:7

Pag-anu siꞌ, sikapituꞌ sila saliꞌ-saliꞌ lay pina-ntanan pinggan mmas meꞌ disu ni siga balnyawa looy siꞌ sika-mpat. Siga pinggan looy siꞌ saliꞌ-saliꞌ pannoꞌ meꞌ mulkaꞌ lakka man Tuhan sabanna ma llum saumu-umu.

Siga Pakaradjaan bay Pinalahil 16:14

Siga seytan looy siꞌ luu kawasa da buwat jinisan pakaradjaan kahaylan-haylan. Dari bbuwatan da, lay patiluꞌ pa mman siga sultan ni sikaliput junyaꞌ. Maksud da moo-moo siga sultan kumpo-kumpo naggaꞌ Tuhan Sangat Kawasa ni bonoꞌ mehe pag taabut llaw bay ginantaꞌ meꞌ Tuhan man na ngahukum manusiyaꞌ.

Siga Pakaradjaan bay Pinalahil 16:7

Pag-anu siꞌ, kale na baw ku suwara lakka man tagan lamisahan man nunu bbūg, yuk na, “Ū Tuhan, Papuꞌ Sangat Kawasa, tud intong siga hukuman nu. Yaꞌ luu salla na.”

Siga Pakaradjaan bay Pinalahil 19:15

Kuwan ilooy siꞌ ma ginalla Palman Tuhan, luu ka kataliꞌ tawom pōꞌ man jawom behe na man na ngalān sagannap ma yaꞌ ngahasi iya ni mimon kabangsa-bangsahan. Sagannap ma nulang iya, mastiꞌ pinakaat jaꞌ meꞌ na meꞌ karuha jama kinaka ka bassi. Sibuꞌ du sina mintu karuha da ka siga pungutan anggul giniok-giok sampay pinaggaꞌ. Batan pakissahan na na sila duga ka mulkaꞌ Tuhan Sangat Kawasa yana hisab ni siga dusa da.

Siga Pakaradjaan bay Pinalahil 19:4

Kuwan ga matatoa looy baw siꞌ tu sikaduwampuꞌ-mpat ka ga balnyawa looy siꞌ sika-mpat, pag lay jaꞌ takale da meꞌ looy siꞌ, ilooy ma lay na sila sujud numba Tuhan ma ningkōꞌ taꞌ paningkoan na sambayan da halling, “Amin! Pudji mehe ningkau Tuhan!”

Siga Pakaradjaan bay Pinalahil 21:22

Bong langga, yaꞌ ku bay ngita ni daira looy batan ndang luu na pin ndooy Papuꞌ tabi Tuhan Sangat Kawasa ka Bili-bili looy. Dari ni pag-awpan da na mismu man manusiyaꞌ numba.

Siga Pakaradjaan bay Pinalahil 3:7

Pasunuꞌ, yuk Papuꞌ Isa niyaku, “Nuwat gi ko pilay pa mman pa-mmean looy ma ngantanan baanan sukuꞌ ku ndooy ni Piladelpiya. Bong ko nuwat, yuk nu meꞌ tuu, “Bitsala tuu lakka man iya, ilooy ma Mahasutsiꞌ ka intong saꞌ alang-alang. Iya ilay ngantanan kunsiꞌ lawang pa jawom pamarinta Tuhan meꞌ karuha kawasa-kapatut Sultan Daud bay ngantanan pamarinta na. Bong iya bay mukisan lawang looy, yaꞌ luu soy maka soy na katambo. Damikiyan bong ya bay nambo, yaꞌ du luu kabukis. Yuk na meꞌ tuu,

Siga Pakaradjaan bay Pinalahil 4:4

Maka luu gi ndooy ngaliput paningkoan mehe looy siꞌ duwampuꞌ-mpat paningkoan meꞌ paningkoan sultan du. Maka luu duwampuꞌ-mpat matatoa ningkōꞌ taꞌ ga paningkoan looy. Pamakoy da poteꞌ maka saliꞌ-saliꞌ luu ka karuna mmas taꞌ kōk da.

Siga Pakaradjaan bay Pinalahil 4:6

Maka ndooy siꞌ ni awpan paningkoan looy, luu gi meꞌ bantuk dilawut tallak meꞌ sammin na. Ndooy siꞌ, luu gi ngaliput paningkoan looy mpat balnyawa lapat meꞌ mata pa awpan pa bukut.

Siga Pakaradjaan bay Pinalahil 4:9

Wā sila mudji ka mantug sampay muwan pagsukuhan pa ilooy ma llum saumu-umu, yana Tuhan, ilooy ma ningkōꞌ taꞌ paningkoan looy marinta. Na sasang da meꞌ looy,

Siga Pakaradjaan bay Pinalahil 5:6

Pag-anu siꞌ, ngita na ku Bili-bili nangge ni bihing paningkoan mehe looy siꞌ ni tangngaan siga balnyawa looy siꞌ sika-mpat ka ga matatoa looy sikaduwampuꞌ-mpat. Pangandaan ku, luu siga pawut na meꞌ bantuk bay na ya pingkaꞌ sinumbaliꞌ. Eka tanduk na, pituꞌ. Mata na pun, pituꞌ du, yana sipat ni Rū Tuhan ma ginalla Rū Sikapituꞌ. Rū looy ilay sinohoꞌ ngalataan sika-mpat pidju alam.

Siga Pakaradjaan bay Pinalahil 6:1

Pag-anu siꞌ, sasang ku magliling-liling ndooy, ilooy ma lay na llukapan kanjiꞌ sibuwa meꞌ Bili-bili looy. Maka lay ku kale disu ni siga balnyawa looy siꞌ sika-mpat mitsala meꞌ halling guntu, yuk na, “Pōꞌ na ko pitu.”

Siga Pakaradjaan bay Pinalahil 6:6

Pag-anu siꞌ, kale na baw ku suwara lakka man tangngaan siga balnyawa looy siꞌ sika-mpat, yuk na, “Luu sina mintu takka gotom mehe ni sikaliput junyaꞌ. Gadji jama dangallaw, sakilu du taligu taballi na. Atawa gadji jama dangallaw, mbaꞌ gantang bohas du taballi na. Sugaꞌ daa palangkawan nu hagaꞌ insallan ka tubaꞌ anggul.”

Siga Pakaradjaan bay Pinalahil 7:11

Pag-anu siꞌ, lay na baw takita ku sikamimon malaikat nangge ndooy ni sikaliput paningkoan mehe looy ka ga matatoa looy siꞌ sikaduwampuꞌ-mpat sampay ga balnyawa looy siꞌ sika-mpat. Bbuwatan da sujud sampay numba Tuhan,

Siga Pakaradjaan bay Pinalahil 7:15

Sangkon luu na sila ntuu ni awpan paningkoan Tuhan ni sulgaꞌ. Bbuwatan da ina makutuꞌ kahandak Tuhan sangom-llaw njawom langga ntuu ni okoman Tuhan. Dari Tuhan na mismu soheꞌ da dambuwaꞌ sampay iya na ngayaran sila.