Siga Pakaradjaan bay Pinalahil 3:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Sugaꞌ yaꞌ du baw tu ga labbasakayi na kam susunan ku, batan luu gi du baw sina disu-disu nnaa ni Saldis masi sutsiꞌ. Dari ko ngawon, yaꞌ sila bay matamakan pamakoy da. Sila ina mintu kapahaboy niyaku ddas ka pamakoy poteꞌ sabap tawop sila niyaku.

Siga Pakaradjaan bay Pinalahil 3:4 Iomraidhean Croise

Matiyu 10:11

“Pag takka bi ni disu kawum atawa daira, miha kam jama mahap kasurahan na ma doman ngahasi kaam. Boꞌ ndooy na doꞌ kam pahantiꞌ halloman bi yaꞌ gi palakka man daira da.

Malkus 16:5

Pag asok da pa jawom kubu looy, ngita na sila disu lalla anak-anak bahau jubahan poteꞌ ningkōꞌ huwin pa kawnan. Dari tud bay kinoblaꞌ sila.

Lukas 20:35

Sugaꞌ pag taabut ahirat, sarī na. Sagannap ma initung meꞌ Tuhan tawop pinatabeꞌ ni okoman na, pag taabut da pinakallum, niyaꞌ na sina handa atawa halla.

Lukas 21:36

Sangkon, subay kam wā saddiya. Maka maku na pin kam duwaa mari taggu iman bi natasan mimon katiksaan ma bay sabbut ku siꞌ. Maka maku na pin kam duwaa, kamura-murahan yaꞌ du luu meꞌ bi hinaꞌ pag taabut bi ngawpan aku, yana Anak Manusiyaꞌ, bbos-bbos.”

Salsila siga Rasul 1:15

Na luu jaꞌ siꞌ daka dangoy ngallaw bay pingkaꞌ, luu na ga dahatus duwampūꞌ jama ma pitsayaꞌ ni si Isa bay kumpo ndooy. Pag-anu, lay doꞌ si Pitel nangge ni tangngaan da mitsala, yuk na,

2 Tesaloneka 1:5

Na tatas bi ina ni jinisan laug ka kabinsanaan kalnaꞌ pamarinta Tuhan, yana sipat intong du bandingan Tuhan njataꞌ bi. Batan ni bandingan na, mastiꞌ tawop jaꞌ kam tabeꞌ ni pamarinta na.

Suwat Lakka man si Jūd 1:23

Kuwan sagannap ma bay magsiꞌ, paintoman bi sila. Bong ina mintu tud bay du sila takoleꞌ mmeꞌ ni bitsala bi, sibuꞌ du sina sila ka bay dagmit bi man jawom api mari salamat. Bong luu pagkahi bi amu-amu buwat dusa, daa du kam jamu makitahan sila aseꞌ. Sugaꞌ iyakin kam taggahaꞌ lay na baw kam mintu kalakkotan meꞌ dusa da. Dusa da ina meꞌ karuha tamak mehe ni badjuꞌ poteꞌ.

Siga Pakaradjaan bay Pinalahil 1:11

Yuk na, “Suwatan nu mimon pakaradjaan ma song takita nu na. Pag-anu, boꞌ nu mokonan siga akigan na pa mman siga baanan sukuꞌ ku ni pituꞌ daira; disu akigan pa mman siga sukuꞌ ku ndooy ni daira Epesus, disu pa daira Ismirna, disu pa daira Pergamam, disu pa daira Tayatira, disu pa daira Saldis, disu pa daira Piladelpiya, maka disu pa daira Leyodisiya.”

Siga Pakaradjaan bay Pinalahil 11:13

Lay jaꞌ ilay mintu sila dutai, luu du linug mehe sampay binasa na daira looy sabahagiꞌ sapū. Maka luu sina mintu pituꞌ libu manusiyaꞌ matoy meꞌ linug looy. Kuwan sagannap ma masi llum, tud tawu na sina mintu sampay mudji na sila Tuhan sabanna ma magbayaꞌ ni sulgaꞌ.

Siga Pakaradjaan bay Pinalahil 14:4

Sutsiꞌ sila. Kanaalla sila pa Tuhan. Sibuꞌ du karuha da ka lalla ma yaꞌ kuhi magjina. Maka paninggai-paninggai Bili-bili looy, luu na pin sila patuhut niiya. Sila ilay yana sagannap manusiyaꞌ ma lay nilakkat man komkoman Ibilis supaya sila dari sukuꞌ Tuhan. Sila meꞌ sapantun buwaꞌ kattoman ma pabiddaꞌ ayad na sinongan pa Tuhan ka Bili-bili looy.

Siga Pakaradjaan bay Pinalahil 19:14

Ni dambulihan na luu patuhut baanan sundalu man sulgaꞌ saliꞌ-saliꞌ taꞌ siga kuraꞌ poteꞌ du. Maka pamakoy da sikamimon kakanaꞌ ayad banahan, poteꞌ malaas na ma yaꞌ luu tamak na.

Siga Pakaradjaan bay Pinalahil 19:8

Pakayan bay ndean ni pangantin ma danda kakanaꞌ ayad banahan, poteꞌ malaas na, yaꞌ luu tamak na.” Na kakanaꞌ poteꞌ ma yaꞌ luu tamak na tuwaꞌ pa mimon kaintongan siga sukuꞌ Tuhan.

Siga Pakaradjaan bay Pinalahil 3:18

Sangkon sohoꞌ ta na kam malli niyaku mmas porol ma bay na llakkahan sakot na ka api supaya kam dayahan na ni mata Tuhan. Maka malli na kam pamakoy poteꞌ niyaku mari katambunan na kaiyaan bi nantang. Maka malli na kam niyaku uliꞌ man bi muusan mata bi mari kam ngita.

Siga Pakaradjaan bay Pinalahil 3:5

“Na soysoy ina kanaalla mmeꞌ niyaku tanne-pasuꞌ, malaingkan pinapatukan du sina mintu pamakoy poteꞌ. Maka basta yaꞌ du sina pawman ku awon da man jawom Būk Kaallum man ngalista awon sagannap ma luu kasampulnaan nyawa da saumu-umu. Boꞌ na, mangaku du sina ku sila sukuꞌ ku ni awpan Mmaꞌ ku Tuhan ka ga malaikat na.

Siga Pakaradjaan bay Pinalahil 4:4

Maka luu gi ndooy ngaliput paningkoan mehe looy siꞌ duwampuꞌ-mpat paningkoan meꞌ paningkoan sultan du. Maka luu duwampuꞌ-mpat matatoa ningkōꞌ taꞌ ga paningkoan looy. Pamakoy da poteꞌ maka saliꞌ-saliꞌ luu ka karuna mmas taꞌ kōk da.

Siga Pakaradjaan bay Pinalahil 6:11

Pag-anu siꞌ, lay na sila binuwanan juba poteꞌ saliꞌ-saliꞌ boꞌ da nohoꞌ ngagad-ngagad gi dangkitiꞌ. Noy konoꞌ mintu ngabut na gantaan eka pagkahi da ata Tuhan pinapatoy meꞌ karuha da du, boꞌ da binawsan.

Siga Pakaradjaan bay Pinalahil 7:9

Pus meꞌ looy, ngita na baw ku sakiyan manusiyaꞌ nangge ni awpan ilooy ma ningkōꞌ taꞌ paningkoan mehe looy ka ni awpan Bili-bili looy. Ni kaeka da, yaꞌ na taitung. Luu na ndooy manusiyaꞌ lakka man mimon kalahat-lahatan ka mimon kabangsa-bangsahan, kaniya-kaniya ka jinisan pallun da. Boꞌ saliꞌ-saliꞌ sila jubahan poteꞌ maka saliꞌ-saliꞌ sila ngalabad-labaran pappaꞌ kalapaꞌ-sawit ni kagāk da.