Siga Pakaradjaan bay Pinalahil 3:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Pasunuꞌ, yuk na niyaku, “Nuwat gi ko pilay pa mman pa-mmean looy ma ngantanan baanan sukuꞌ ku ndooy ni Saldis. Bong ko nuwat, yuk nu meꞌ tuu, “Bitsala tuu lakka man ilooy ma luu niiya Rū Tuhan sampay ma ngantanan potean looy siꞌ sikapituꞌ. Yuk na meꞌ tuu, “Kaam ina, katoonan ku du meka jama māꞌ kaam baanan tapit pa Tuhan, sugaꞌ sabana na, sibuꞌ du kam ka matoy pa Tuhan.

Siga Pakaradjaan bay Pinalahil 3:1 Iomraidhean Croise

Lukas 15:24

Batan anak ku itu subay ga lay na matoy, pag batnaa llum na pabalik. Bay na ya lungay, pag batnaa luu na ya tatammu.’ Dari siꞌ, lay na sila ballang maglami-lami.

Lukas 15:32

Pasal ariꞌ nu ina, pataꞌ subay paglami-lamihan ta ka ballang mehe sabap iya ina, sibuꞌ du kadari na ka jama bay na matoy llum na pabalik. Bay na ya lungay, pag batnaa luu na tatammu.’ ”

Yahiya 1:16

Na sabap biddaꞌ na ehe aseꞌ Anak Tuhan, tinggi-maninggi na supaat bay takoleꞌ tabi sikamimon ma pitsayaꞌ niiya.

Yahiya 20:22

Pus na halling meꞌ looy, lay na ya mahuwa napas na ninsila, boꞌ na halling, “Timaun bi na Rū Sutsiꞌ.

Yahiya 3:34

Batan pagka Almasi bay pinapitu meꞌ Tuhan, mastiꞌ masampay jaꞌ ya palman Tuhan. Boꞌ tumatandaꞌ du batan njataꞌ na man Tuhan bay matannaꞌ mimon kawasa Rū Sutsiꞌ.

Salsila siga Rasul 2:33

Boꞌ lay gi ya inangkat pa sulgaꞌ sampay lay na pinatingkōꞌ ni bihing Mmaꞌ na Tuhan huwin pa kawnan njawom kabantugan mehe. Boꞌ lay gi ya binuwanan kapatut matannaan siga sukuꞌ na Rū Sutsiꞌ meꞌ ndang bay njanjiꞌ meꞌ Mmaꞌ na. Dari ituu tu siꞌ ma bahau jaꞌ bay takita bi sampay takale bi ni baanan kami poonan man Rū Sutsiꞌ ma bay pinatannaꞌ ningkami.

Epesus 2:1

Na maruhuꞌ, kaam ina, bong pa Tuhan, matoy jaꞌ kam sabapan dusa bi hangat ngalangga kahandak na. Yaꞌ gi luu kaallum bi bahau.

Epesus 2:5

Batan minsan kitabi meꞌ karuha jama matoy sibuwa ni mata Tuhan sabapan dusa tabi, lay na du kitabi tabeꞌ ni Almasi pinakallum. Dari salamat na kitabi isu-isu sabapan aseꞌ Tuhan.

Kolossa 2:13

Maruhuꞌ ilay, matoy kam ni mata Tuhan sabapan dusa bi. Bay jaꞌ kam pinagmundaan meꞌ napsu bi buwat kalaatan. Lipara batnaa, lay na kam binuwanan kaallum bahau sabap lay na kam tabeꞌ ni Almasi pinakallum. Maka lay na kam inampun meꞌ Tuhan ni mimon dusa bi.

1 Timuti 5:6

Sugaꞌ kuwan siga bawu danda ma yaꞌ luu kainagon da sarī man nganduwan dī da ka oy-oy kinanapsuhan meꞌ da, san daa na tulungun bi. Ga bawu danda meꞌ looy ilay, minsan sila llum, sibuꞌ du sila ka matoy bong ni bandingan Tuhan.

Yaꞌkub 2:26

Sangkon, hantak bitsala ku ilay siꞌ, bong inawnan pitsayaꞌ ka tangge-tingkōꞌ ayad, tadalil ta pa baran ka napas. Baran ina, bong yaꞌ magnapas, yaꞌ du luu kapuspusan na. Damikiyan, bong yaꞌ luu tangge-tingkōꞌ tabi ayad, yaꞌ du luu kapuspusan tabi pitsayaꞌ.

1 Pitel 1:11

Bana na, ndang bay silay tahati da luu tukang nalamat lakka man Tuhan takka bbos-bbos. Sugaꞌ papiha-piha na pin baw sila bong soy ilooy ma bay tinunaꞌ meꞌ da maka sumilan ya lahil. Bay baw pinalahil ninsila meꞌ Rū Almasi, pag pōꞌ tukang nalamat looy bbos-bbos, duhuꞌ doꞌ ya lumingkaꞌ njawom kabinsanaan boꞌ na koleꞌ kabantugan mehe.

Suwat Lakka man si Jūd 1:12

Siga jama naa ina ma nabid kabanahan sibuꞌ du karuha da ka tamak ni badjuꞌ poteꞌ. Tuktuk bi ina kumpo-kumpo mangan-mangan, mmeꞌ sina sila ningkaam bahasa dambuwaꞌ mukalnaꞌ sila ka kaam sikaaseꞌ-kaaseꞌ. Boꞌ ko, maksud da ina ngulihal kasongan para ni dī da sadjaꞌ. Yaꞌ luu tawu da pa Tuhan. Kaap-apan jaꞌ jama meꞌ da. Sibuꞌ du karuha da ka andom ma pingkaꞌ jaꞌ bay tinuran meꞌ baliyu yaꞌ san uwan ni huma. Maka sibuꞌ du karuha da ka poon kayu yaꞌ kuhi buwaꞌ san taabut na timpu na, atawa meꞌ karuha poon kayu tud matoy na ma lay na pungkad.

Siga Pakaradjaan bay Pinalahil 1:11

Yuk na, “Suwatan nu mimon pakaradjaan ma song takita nu na. Pag-anu, boꞌ nu mokonan siga akigan na pa mman siga baanan sukuꞌ ku ni pituꞌ daira; disu akigan pa mman siga sukuꞌ ku ndooy ni daira Epesus, disu pa daira Ismirna, disu pa daira Pergamam, disu pa daira Tayatira, disu pa daira Saldis, disu pa daira Piladelpiya, maka disu pa daira Leyodisiya.”

Siga Pakaradjaan bay Pinalahil 1:16

Njawom tangan na huwin pa kawnan luu pituꞌ potean, maka luu pōꞌ man jawom behe na kataliꞌ tawom sikaduwambilaꞌ mata na. Kuwan luwa na ninag meꞌ karuha silaw mataallaw.

Siga Pakaradjaan bay Pinalahil 1:20

Batnaa, palahil ku na ningkau kamaatunan siga potean sikapituꞌ ma bay takita nu ni kawnan ku sampay siga palitaan looy siꞌ sikapituꞌ ddas ka pananggehan da mmas. Na kuwan siga potean looy ilay siꞌ, tuwaꞌ pa pituꞌ pa-mmean ma ngantanan baanan sukuꞌ ku ndooy ni siga daira sikapituꞌ ma bay sabbut ku siꞌ. Kuwan siga palitaan looy ddas ka pananggehan da sikapituꞌ, tuwaꞌ pa pituꞌ baanan sukuꞌ ku ni siga daira looy.”

Siga Pakaradjaan bay Pinalahil 1:4

Ituu tu si Yahiya nuwat pa mman siga baanan sukuꞌ si Isa ni pituꞌ daira nnaa ni Asiya. Kamura-murahan binuwanan na pin kam kasannangan maka barakat meꞌ Tuhan sabanna, ilooy ma ndang luu na man maruhuꞌ-ruhuꞌ ngabut batnaa sampay saumu ni sinōng. Maka kamura-murahan binuwanan na pin kam kasannangan ka barakat meꞌ ilooy ma ginalla Rū Sikapituꞌ, yana Rū Tuhan ma luu na pin ni awpan paningkoan man Tuhan ningkōꞌ marinta.

Siga Pakaradjaan bay Pinalahil 2:13

“Kaam ina, katoonan ku du maglahat kam ni lahat ma pinagbayaan meꞌ Ibilis. Sugaꞌ tumatandaꞌ masi gi du baw kam tattap mmeꞌ niyaku. Yaꞌ du bay labbahan bi pangando bi niyaku san lay na tasakup bi si Antipas, yana sosohoan ku ma kanaalla, bay pinapatoy nnaa ni daira bi ma kinomkoman meꞌ Ibilis.

Siga Pakaradjaan bay Pinalahil 2:19

“Kaam ina, katoonan ku du basag aseꞌ bi ka pangando bi niyaku. Maka basag kam maghulas-sangsāꞌ kalnaꞌ awon ku sampay natasan jinisan kamalasahiyan. Maka ndaꞌ ku, basag gi kam batnaa man maruhuꞌ buwat kaayaran.

Siga Pakaradjaan bay Pinalahil 2:2

“Kaam ina, katoonan ku du kadarihan bi nnaa. Ndaꞌ ku, basag kam maghulas-sangsāꞌ kalnaꞌ awon ku sampay basag kam natasan jinisan kamalasahiyan. Maka katoonan ku du nulang kam jama maat. Sampay lay na tatongkad bi niyat atay siga jama nnaa ma buwat dī da rasul ku, maka tabistu bi na ngandustaꞌ jaꞌ sila.

Siga Pakaradjaan bay Pinalahil 2:9

“Kaam ina, katoonan ku du kabinsanaan njataꞌ bi sampay kamiskinan bi. Sugaꞌ ni sabana na, dayahan kam. Tasayu ku du pitna inuwan njataꞌ bi meꞌ siga Yahudi ma nulang kaam. Sila ina mangaku sukuꞌ Tuhan, mingkan kumpulan sukuꞌ Ibilis sila.

Siga Pakaradjaan bay Pinalahil 3:15

“Kaam ina, katoonan ku du kadarihan bi nnaa. Ndaꞌ ku, mmeꞌ-saꞌ kam mmeꞌ niyaku. Bong nnaꞌ ta pa boheꞌ ininum, yaꞌ baw kam pasuꞌ, yaꞌ baw kam tanne. Sugaꞌ kahandak ku, bong kam mmeꞌ niyaku, subay mmeꞌ banahan. Bong kam mmeꞌ-saꞌ mmeꞌ, gam na kam daa na mmeꞌ samasakali.

Siga Pakaradjaan bay Pinalahil 3:2

Sangkon matiꞌ na teꞌ kam. Patakkoun bi na pangando bi niyaku padpad luu gi takapin dangkitiꞌ, taggahaꞌ lungay na baw mintu labbasakayi. Batan ndaꞌ ku tangge-tingkōꞌ bi yaꞌ gi sikatuwaꞌ ka kahandak Tuhan.

Siga Pakaradjaan bay Pinalahil 3:8

“Kaam ina, katoonan ku du yaꞌ meꞌ noy gaos bi, sugaꞌ masi gi du kam tattap ngasip ni bitsala ku. Maka tuktuk jama māꞌ sukuꞌ ta kam, yaꞌ du kam bay maylu. Sangkon lay na sina kam bukisan ku lawang ma yaꞌ luu katambo.

Siga Pakaradjaan bay Pinalahil 4:5

Maka luu na pin mangirat ka ngallub sampay guntu pōꞌ man paningkoan mehe looy ni tangngaan da. Luu gi ni awpan paningkoan looy pituꞌ paliyatut noleyab na, yana sipat ni Rū Tuhan ma ginalla Rū Sikapituꞌ.

Siga Pakaradjaan bay Pinalahil 5:6

Pag-anu siꞌ, ngita na ku Bili-bili nangge ni bihing paningkoan mehe looy siꞌ ni tangngaan siga balnyawa looy siꞌ sika-mpat ka ga matatoa looy sikaduwampuꞌ-mpat. Pangandaan ku, luu siga pawut na meꞌ bantuk bay na ya pingkaꞌ sinumbaliꞌ. Eka tanduk na, pituꞌ. Mata na pun, pituꞌ du, yana sipat ni Rū Tuhan ma ginalla Rū Sikapituꞌ. Rū looy ilay sinohoꞌ ngalataan sika-mpat pidju alam.