Siga Pakaradjaan bay Pinalahil 21:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Pag-anu siꞌ, luu na baw takita ku langit bahau ka junyaꞌ bahau, batan langit maruhuꞌ ka junyaꞌ maruhuꞌ lay na lanyap. Dilawut pun, yaꞌ na du luu.

Siga Pakaradjaan bay Pinalahil 21:1 Iomraidhean Croise

Suwat si Pol pa mman Baanan Sukuꞌ si Isa ndooy ni Rom 8:21

batan ndang bay silay ginantaꞌ meꞌ Tuhan mimon-mimon ma bay pinapayak, bbos-bbos pinaddusan du man jawom katiksaan ka kapatoy. Pag-anu, boꞌ pinahampitan na mimon-mimon ni kaayaran ma hinalliꞌ ni siga anak na.

2 Pitel 3:10

Sugaꞌ lantan yaꞌ lantan, mastiꞌ luu jaꞌ sina mintu llaw Papuꞌ pabeleng. Boꞌ kakuratan jaꞌ sina mintu jama ni katakka na meꞌ karuha jama kakuratan meꞌ sugaru. Ni llaw looy ilay mintu, luu gi ngallub boꞌ magti ampud mimon-mimon taꞌ langit sampay lanyap na du langit. Damikiyan gumi pun sampay na mimon-mimon taꞌ babaw junyaꞌ ampud na du sina leꞌ api.

2 Pitel 3:13

Sugaꞌ san meꞌ looy, luu gi agad tabi pinasunuꞌ langit bahau ka junyaꞌ bahau ma bay njanjiꞌ meꞌ Tuhan para ni sukuꞌ na. Ndooy ilay mintu, isu-isu kaintongan sa pinabuwat.

Siga Pakaradjaan bay Pinalahil 13:1

Pag-anu, ngita na baw ku disu sattuwa pōꞌ man jawom dilawut. Luu tanduk na sapū maka eka kōk na pituꞌ. Saliꞌ-saliꞌ tanduk na ddas ka karuna na. Maka lay gi ku ngita taꞌ siga kōk na saliꞌ-saliꞌ siga awon pangka ma madiyoꞌ Tuhan.

Siga Pakaradjaan bay Pinalahil 20:11

Pag-anu siꞌ, ngita na baw ku disu paningkoan sultan, tud mehe ka poteꞌ. Maka luu na du takita ku ilooy ma ningkōꞌ ndooy. Kuwan junyaꞌ ka langit, lay na lanyap man pag-awpan na sampay yaꞌ na takita pabalik.

Siga Pakaradjaan bay Pinalahil 21:5

Pag-anu siꞌ, yuk ilooy ma ningkōꞌ ni paningkoan mehe looy siꞌ, “Batnaa, pabahauwan ku na situ mimon-mimon!” Maka yuk na niyaku, “Suwatan nu mimon ma bay takale nu siꞌ batan bitsala looy ilay siꞌ kanaalla maka taasahan.”

Siga Pakaradjaan bay Pinalahil 6:14

Sampay langit mismu, lay na ga salik duwa boꞌ na palogod subay ga katas llogoran. Maka mimon punu sampay mimon nusa mag-usikan na man bay limpaꞌ da.