Siga Pakaradjaan bay Pinalahil 20:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

^2-3 Pag-anu siꞌ, lay sungkuban na naga looy siꞌ, yana sō looy ma ndang luu ni panagnaan awwal jaman, yana Ibilis, panghuluꞌ seytan. Pag-anu, boꞌ na pinusas meꞌ malaikat looy sampay hiniyakan pa jawom lowang tangob looy. Pag lupus, lay tangkop malaikat looy lowang looy, boꞌ lay lagi kinunsiꞌ patakkoꞌ supaya yaꞌ na luu dapat naga looy pōꞌ magsian kabangsa-bangsahan. Naga looy siꞌ lay katimpuhan tinahan ndooy njawom dalibu taun. Paddus jaꞌ timpu na, pinōꞌ du ya sugaꞌ yaꞌ du humallom.

Siga Pakaradjaan bay Pinalahil 20:2 Iomraidhean Croise

Panagnaan 3:1

Na ni mimon sattuwa tawun ma bay pinapayak meꞌ Tuhan, yaꞌ luu bay akkahan labi man sō. Dari disu llaw, lai sō looy pa mman danda looy, yuk na, “Bana kilay lay kam binandaan leꞌ Tuhan yaꞌ nohoꞌ mangan buwaꞌ oy-oy jaꞌ kayu ni tinanom tuu?”

Panagnaan 3:15

Lagiꞌ na, pagsikagigit ta na sina kam ka danda tuu sampay na siga panubuꞌ bi sikaduwa. Sugaꞌ luu du sina mintu disu panubuꞌ danda tuu maā kau. Bbuwatan nu ina mintu ninduk tikod na, sugaꞌ pinipis du sina meꞌ na kōk nu.”

Matiyu 19:29

Maka soysoy ina bay ngambanan lumaꞌ na, siga danganakan na, induꞌ-mmaꞌ na, siga anak na, atawa tanaꞌ na supaya ya kapa-mmeꞌ niyaku, lipat min dahatus gi tungbas Tuhan niiya. Boꞌ na, koleꞌ gi ya kasampulnaan nyawa ma yaꞌ luu katapusan na.

Matiyu 8:29

Pag takita da si Isa, lay hinowapan meꞌ da, yuk da, “Ū Anak Tuhan, manggoy ina ko luꞌ pitu? Batōy nu kami? Pidjalaꞌ nu na kina kami san yaꞌ gi ngabut waktu bay ginantaꞌ meꞌ Tuhan ningkami?”

Malkus 4:15

Kuwan tanaꞌ ni tangngaꞌ lān man bani looy bay tumiluꞌ, tuwaꞌ pa sagannap ma bay kale umanat Tuhan, sugaꞌ magti ndagmit meꞌ Ibilis man jawom atay da.

Malkus 5:7

Dari lay sohoꞌ si Isa seytan na pōꞌ man jawom baran na. Pag-anu, magti ngahowap seytan looy, yuk na, “Batōy nu itu ku, Isa? Katoonan ku du bina kau Anak Tuhan Mahatinggi! Junjung ku na ningkau ni awon Tuhan, baan nu na ku yaꞌ ko midjalaꞌ aku.”

Yahiya 12:31

Taabut na situ waktu man Tuhan ngalabuꞌ hukuman na ni kapasal mimon dusa manusiyaꞌ. Maka taabut na du waktu man maā Ibilis ma panghuluꞌ ni manusiyaꞌ ma yaꞌ pitsayaꞌ niyaku.

Yahiya 16:11

Ni kapasal hukuman, pinalahil meꞌ na lai na kabotangan hukuman Ibilis, ilooy ma panghuluꞌ ni manusiyaꞌ ma yaꞌ pitsayaꞌ niyaku.

Suwat si Pol pa mman Baanan Sukuꞌ si Isa ndooy ni Rom 16:20

Luu du sina Tuhan, yana poonan kasannangan, tattap nabangan kaam nalloban Ibilis. Dambuli man inaa, kamura-murahan luu na pin aseꞌ-tabang Papuꞌ tabi si Isa Almasi njataꞌ bi.

Hibrani 2:14

Na sila ilay siꞌ ma bay awnan Almasi siga anak Tuhan yana manusiyaꞌ. Dari Almasi ilay bay du padari manusiyaꞌ supaya tapaglillaꞌ na baran na pinapatoy kalnaꞌ kitabi. Dari atas na bay matoy supaya talangkat na kawasa Ibilis njataꞌ tabi. Batan Ibilis ilay ndang man panagnaan lagi poonan kapatoy ni manusiyaꞌ.

1 Pitel 5:8

Iyakin kam maka papatong kam mamiki sabap Ibilis ina, yana banta bi, doman jaꞌ nasat supaya kam patatak man si Isa. Sibuꞌ du sina karuha Ibilis ka halimaw ngallong, parampong-parampong miha sabbatan na.

2 Pitel 2:4

Tattap jaꞌ sina sila minulkaan. Mindoga jaꞌ kam ni palas siga malaikat ma bay buwat dusa mattoꞌ. Yaꞌ du sila bay pinabiya meꞌ Tuhan amu-amu buwat dusa. Sangkon lay na sila tinahan pa njawom lowang tangob ngkod-ngkoran yaꞌ gi taabut llaw hukuman bbos-bbos.

Suwat Lakka man si Jūd 1:6

Maka pamintangan bi na siga malaikat mattoꞌ ma bay ngalabbahan ntan da sampay ngambanan paglahat ma bay sinukuꞌ ninsila ndooy ni sulgaꞌ. Pagka sila yaꞌ bay mean kahandak Tuhan, lay du sila tinalungkuꞌ njawom tahanan lindom, boꞌ bay gi pinusas ka karina ma yaꞌ tapaddusan. Maka ndooy na jaꞌ sila halloman yaꞌ gi takka llaw hukuman Tuhan.

Siga Pakaradjaan bay Pinalahil 12:13

Na pag ndaꞌ naga looy siꞌ lay na ya hiniyakan pa junyaꞌ, lay na onse na danda ma bay maddihan anak-anak looy.

Siga Pakaradjaan bay Pinalahil 12:15

Dari buwatan naga looy baw siꞌ tu, napputan boheꞌ paeka man behe na, subay ga sōng, man na ngalimbo danda looy ka liyud landos.

Siga Pakaradjaan bay Pinalahil 12:17

Pag ndaꞌ naga looy yaꞌ luu dapat na, tud bay dugahan ya ni danda looy. Dari lay ya lakka mandooy ngalān siga anak danda looy ilooy kasohean. Siga anak na ilay, yana sagannap manusiyaꞌ ma mean panohoan Tuhan ka magkanaalla ngantanan tōꞌ si Isa.

Siga Pakaradjaan bay Pinalahil 12:3

Pag-anu siꞌ, luu na baw pasunuꞌ kahaylan-haylan takita ku taꞌ langit du, yana naga akket ka mehe. Eka kōk na pituꞌ, saliꞌ-saliꞌ ddas ka karuna da. Maka luu gi tanduk na sapū.

Siga Pakaradjaan bay Pinalahil 12:4

Pag-anu siꞌ, lay ya bay ngalabaran ingko na sampay maglatakan na ga sabahagiꞌ tallu potean pa taꞌ junyaꞌ. Pus meꞌ looy, lay ya patiluꞌ pa danda looy ma magkamaddi-maddi na, boꞌ na nangge ni awpan na supaya tahan na nabbat anak na pag pōꞌ na.

Siga Pakaradjaan bay Pinalahil 12:9

Sampay lay na sila hiniyakan pa junyaꞌ. Na naga mehe looy ilay siꞌ, yana sō looy na ni awwal jaman ma pinag-awnan Ibilis atawa panghuluꞌ seytan. Iya ilay tukang magsian manusiyaꞌ ni sikaliput junyaꞌ.

Siga Pakaradjaan bay Pinalahil 13:2

Sattuwa looy siꞌ ingbas ka miyong tawun ma mehe banahan. Battis na subay ga battis baluwang. Kuwan behe na, meꞌ behe halimaw. Pag-anu siꞌ, lay na dean naga looy kawasa-kapatut na ka pamarinta na ni sattuwa looy man na marinta taꞌ junyaꞌ.

Siga Pakaradjaan bay Pinalahil 13:4

Dari siꞌ, manusiyaꞌ lay na ga numba naga looy sabap iya poonan kawasa-kapatut sattuwa looy. Sattuwa looy pun lay na du bay sinumba meꞌ manusiyaꞌ sampay kapahalling na ga sila, “Yaꞌ na bilay la luu sibuꞌ sabanding sattuwa looy! Yaꞌ luu kaatu niiya.”

Siga Pakaradjaan bay Pinalahil 20:10

Kuwan Ibilis ma bay ngoyo-ngoyohan sila, hiniyakan na sina pa jawom danaw looy ma pannoꞌ leꞌ api ka manilang ngereꞌ. Boꞌ ndooy na ya tiniksaꞌ llaw-sangom saumu-umu dambuwaꞌ ka sattuwa looy ka nabi palsu looy ma ndang bay duhuꞌ hiniyakan pilay.

Siga Pakaradjaan bay Pinalahil 20:7

Na pag mintu paddus dalibu taun looy, pinōꞌ na du silay Ibilis man jawom pilisu na yana lowang tangob looy.

Siga Pakaradjaan bay Pinalahil 9:11

Maka luu sultan da, yana malaikat ma ngantanan lowang tangob looy ma yaꞌ mag-ngkoran lawom na. Awon na bong ni pallun Hibrani, “Abaddon”; bong ni pallun Greek, “Apoliyon”. Hatiyan na, Tukang Ngahansu.