Siga Pakaradjaan bay Pinalahil 2:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Kamura-murahan tabista bi du ehe pagbiddaan bay aseꞌ bi niyaku maruhuꞌ maka batnaa, boꞌ bi nawbat. Bong ina kam yaꞌ nawbat, pilu du sina ku, boꞌ lakkahan ku palitaan bi ddas ka pananggehan na.

Siga Pakaradjaan bay Pinalahil 2:5 Iomraidhean Croise

Matiyu 5:14

“Damikiyan, kaam ina meꞌ sapantun sūꞌ marantaan pamiki jama supaya tatammu da Tuhan. Kaayaran bi takita leꞌ sikamimon meꞌ karuha daira bay pinatangge ni punsak buntuꞌ.

Matiyu 5:15

Kaam ina, katoonan bi na kabanahan. Sangkon daa na tapukun bi. Bong dalil ta pa palitaan, yaꞌ sina luu jama pus na nantikan palitaan, tinangkopan na baw ka undam. Mastiꞌ gowet na jaꞌ sina pa jataꞌ supaya karantaan mimon njawom lumaꞌ.

Malkus 12:9

“Na,” tilaw si Isa, “bong kaam, binatōy ilay mintu sila meꞌ ilooy ma dapu kabbun? Saꞌ ba, mastiꞌ pilay jaꞌ ya pa mman siga panungguꞌ looy, boꞌ na mapatoy sila? Pag-lupus, boꞌ pina-ntan meꞌ na kabbun na man siga panungguꞌ sarī.”

Lukas 1:17

Luu na pin sina mintu kawasa Rū Sutsiꞌ njataꞌ na meꞌ bay karuha kawasa njataꞌ Nabi Eliyas. Maka anak nu ina mintu paruhuꞌ man Papuꞌ manyap ni katakka na. Man sabapan tōꞌ anak nu, pinagsidambuwaꞌ atay na sina mintu siga mmaꞌ ka ga anak da. Maka sabapan tōꞌ anak nu ina mintu, meka na jama ma yaꞌ kuhi ngasip ni kahandak Tuhan, taboo na na ngikut pamiki jama intong tawhid da. Dari meka na jama saddiya ni katakka Papuꞌ.”

Lukas 20:16

Baan ta kam, mastiꞌ pilay jaꞌ silay ya pa mman siga panungguꞌ looy, boꞌ na mapatoy sila labbasakayi. Pag lupus, boꞌ pina-ntan meꞌ na kabbun na man siga panungguꞌ sarī.” Pag lay jaꞌ siꞌ takale bay bitsala si Isa meꞌ ga jama ndooy, yuk da, “Sipais! Kamura-murahan yaꞌ du luu jama buwat meꞌ looy ni lahat tabi.”

Galatiya 5:4

Lagiꞌ na, bong luu nnaa doman mangasa ni sangsāꞌ da mogbogan saraꞌ man da initung intong, sibuꞌ du sina sila ka bay palabba man si Isa Almasi. Maka tinuwak gi meꞌ da aseꞌ-tabang Tuhan ninsila.

Pilipi 2:15

Meꞌ naa ina, tumatandaꞌ sutsiꞌ na kam maka anak Tuhan na kam ma yaꞌ luu sutsutan njataꞌ bi. Dari sabapan hāp kawul-piil bi sasang bi maglahat ka jama angkat-angkatan batnaa ma bingkok ka sabu, tadalil na sina kam pa siga potean ninag njawom lindom.

Hibrani 10:32

Intomun bi doꞌ bay kahalan bi sibuwa bi bay mmeꞌ ni si Isa, jaman pamiki bi bohoꞌ bay pinadantaan. Saꞌ ba, biddaꞌ na ehe kabinsanaan bay tatasan bi?

2 Pitel 3:17

Sangkon, siga kakasi ku, pagka katoonan bi na mimon bay sabbut ku siꞌ, iyakinan bi tōꞌ jama ma yaꞌ ngisbat Tuhan, taggahaꞌ lay na baw kam mintu takoleꞌ da binoo magsiꞌ sampay man bi na ngalabbahan ntan bi.

Suwat Lakka man si Jūd 1:24

Pudji tabi Tuhan. Iya na sina katabang ningkitabi supaya yaꞌ na kitabi taboo-boo buwat dusa. Damikiyan, iya na du sina kapuwasan dusa tabi supaya yaꞌ na luu sutsutan njataꞌ tabi pag mintu taabut tabi nangge ni awpan sahayaꞌ na. Ndooy ilay mintu ni pag-awpan na, tud gāk na kitabi saꞌ alang-alang.

Siga Pakaradjaan bay Pinalahil 1:20

Batnaa, palahil ku na ningkau kamaatunan siga potean sikapituꞌ ma bay takita nu ni kawnan ku sampay siga palitaan looy siꞌ sikapituꞌ ddas ka pananggehan da mmas. Na kuwan siga potean looy ilay siꞌ, tuwaꞌ pa pituꞌ pa-mmean ma ngantanan baanan sukuꞌ ku ndooy ni siga daira sikapituꞌ ma bay sabbut ku siꞌ. Kuwan siga palitaan looy ddas ka pananggehan da sikapituꞌ, tuwaꞌ pa pituꞌ baanan sukuꞌ ku ni siga daira looy.”

Siga Pakaradjaan bay Pinalahil 16:9

Sugaꞌ san sila lay na lūs meꞌ hawa pasuꞌ saꞌ na alang-alang, masi du sila yaꞌ kuhi nawbatan dusa da. Maka masi sila yaꞌ kuhi maehe Tuhan. Gam pin, palaat da lagi pagka iya poonan ga balaꞌ looy.

Siga Pakaradjaan bay Pinalahil 2:16

Sangkon tawbatan bi na dusa bi. Bong ina kam yaꞌ nawbat, pilu du sina ku deꞌ-dēꞌ monoꞌ kaam ka kataliꞌ ma pōꞌ man behe ku.

Siga Pakaradjaan bay Pinalahil 2:19

“Kaam ina, katoonan ku du basag aseꞌ bi ka pangando bi niyaku. Maka basag kam maghulas-sangsāꞌ kalnaꞌ awon ku sampay natasan jinisan kamalasahiyan. Maka ndaꞌ ku, basag gi kam batnaa man maruhuꞌ buwat kaayaran.

Siga Pakaradjaan bay Pinalahil 2:2

“Kaam ina, katoonan ku du kadarihan bi nnaa. Ndaꞌ ku, basag kam maghulas-sangsāꞌ kalnaꞌ awon ku sampay basag kam natasan jinisan kamalasahiyan. Maka katoonan ku du nulang kam jama maat. Sampay lay na tatongkad bi niyat atay siga jama nnaa ma buwat dī da rasul ku, maka tabistu bi na ngandustaꞌ jaꞌ sila.

Siga Pakaradjaan bay Pinalahil 3:19

“Na soysoy ina kaasean ku, mastiꞌ saggong ku sampay adjal ku. Sangkon bong kam doman paintong, tawbatan bi na dusa bi, boꞌ pupusan bi na meꞌ bi mmeꞌ niyaku.