Siga Pakaradjaan bay Pinalahil 2:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Damikiyan, katoonan ku du basag kam natasan jinisan laug kalnaꞌ awon ku. Maka ndaꞌ ku, yaꞌ kam jamu nanggehan aku.

Siga Pakaradjaan bay Pinalahil 2:3 Iomraidhean Croise

Malkus 15:21

Na lān si Isa siꞌ binoo meꞌ siga sundalu pōꞌ man daira, sitammu na baw sila ka disu lalla man Sayrin inawnan si Saymon lakka man kabuntuꞌ-buntuan Yahudiya. Pag-anu siꞌ, lay ya pinaggos meꞌ siga sundalu nohoꞌ ningan si Isa manangkit tehang na. (Saymon looy ilay yana mmaꞌ ga si Aleksandel ka si Rupus.)

Lukas 14:27

Maka soysoy doman mmeꞌ niyaku subay atas na manangkit tehang halliꞌ man na nilansang, boꞌ na patuhut niyaku. Hati na, subay atas na lumingkaꞌ njawom jinisan katiksaan ka kabinsanaan san man na matoy kalnaꞌ aku. Bong niyaꞌ, yaꞌ ya dari mulit ku.

Lukas 18:1

Pag-anu, lay na baw si Isa muwan pamintangan ni siga mulit na supaya tahati da subay sila wā maku duwaa pa Tuhan. Maka subay sila yaꞌ jamu ngaholat duwaa da kinabbul.

Lukas 21:19

Basta ina natas jaꞌ pangando bi niyaku san gi oy katiksaan tuwaꞌ ningkaam, mastiꞌ sampulnaꞌ jaꞌ sina nyawa bi saumu-umu.

Lukas 5:5

Iya tampung si Saymon, “Uy la Tuwan, dabuhiꞌ dambahangi banahan kami bay mukut. San sisik yaꞌ san kami bay koleꞌ. Sugaꞌ pagka kau bay nohoꞌ, suwayan ku na pin.”

Lukas 8:15

Boꞌ tanaꞌ looy ma mahap man bani looy bay sinaburan, tuwaꞌ pa sagannap ma bay kale umanat Tuhan, boꞌ kinanna meꞌ da ni kahilas atay da. Wā sila mean umanat looy san gi oy katuwaꞌ ninsila. Sangkon jinisan kaayaran na takita ni kaallum da. Kaayaran da ina, bong dalil ta pa tinanom, yaꞌ luu hantiꞌ da buwaꞌ, boꞌ ayad jaꞌ buwaꞌ da.”

Yahiya 15:21

Boꞌ na, ngkon da ilay mintu ngalaugan kaam sabap sukuꞌ ta kam maka yaꞌ katoonan da ilooy ma bay mapitu aku.

Suwat si Pol pa mman Baanan Sukuꞌ si Isa ndooy ni Rom 12:12

Maka pagka luu holat tabi ayad man Tuhan, subay kitabi gāk. Bila luu kasusahan tabi, tatasan tabi na sadjaꞌ. Maka bila luu paku tabi pa Tuhan, daa kitabi jamu maku.

Suwat si Pol pa mman Baanan Sukuꞌ si Isa ndooy ni Rom 16:12

Salam duwaa du ni si Tripina ka si Triposa. Sila ina hutu maghulas-sangsāꞌ kalnaꞌ Papuꞌ Isa. Maka salam duwaa du ni kakasi ku si Persis. Iya pun ina basag du maghulas-sangsāꞌ kalnaꞌ Papuꞌ.

Suwat si Pol pa mman Baanan Sukuꞌ si Isa ndooy ni Rom 2:7

Na kasohean ina sigi-sigi buwat mahap sabap doman sila koleꞌ sanglit ka kabantugan man Tuhan. Maka doman sila llum saumu ni okoman na. Jama meꞌ looy ilay binuwanan meꞌ Tuhan kasampulnaan nyawa saumu-umu.

Suwat si Pol pa mman Baanan Sukuꞌ si Isa ndooy ni Rom 8:25

Sugaꞌ halloman yaꞌ gi luu takka, tatasan tabi na pin situ ngagad.

1 Korin 13:7

Bong jama maaseꞌ, tatasan na jaꞌ sina salla arat pagkahi na manusiyaꞌ. Maka tattap jaꞌ pangando na ka holat na. San gi oy katuwaꞌ niiya, natas na jaꞌ ya.

1 Korin 16:16

ngasip jaꞌ kam ni jama meꞌ sila sampay ni soysoy meꞌ karuha sila maghulas-sangsāꞌ kalnaꞌ Papuꞌ.

2 Korin 10:15

Yaꞌ kami biyasa magpabantug ni pabuwatan jama sampay mangaku saula-ula kami ya bay maghulas-sangsāꞌ. Yaꞌ kami muhung sinanglitan, arapun puhung kami, bong pin pahallot jaꞌ pangando bi ni si Isa. Kainagon kami, hallot na pangando bi mari kami sumunsayaꞌ na ngaliput lahat bi masaplag supaya song paeka na pin jama pitsayaꞌ ni si Isa.

2 Korin 11:23

Bong yuk da sosohoan Almasi sila, labi na aku. Na bong siꞌ itu yaꞌ talpaksaꞌ, subay ga ku jama yaꞌ luu honaꞌ-honaꞌ na magpabantug meꞌ tuu. Para na pin, bana du bitsala ku. Pooy-pooy jaꞌ ina meꞌ guru bi bay maghulas-sangsāꞌ kalnaꞌ Almasi, basta yaꞌ baw ina sila lumabi man aku. San du sila min dangoy bay tajīl kalnaꞌ iya, basta yaꞌ baw sina lumabi man niyaku. Maka bong ni hāl lagpiꞌ, basta min meka gi niyaku. Kansang gi ku nontongan kapatoy ku.

2 Korin 4:1

Ni kaehe timbang Tuhan, lay kami peneꞌ na masaplag umanat mahap. Sangkon yaꞌ kami jamu maghulas-sangsāꞌ kalnaꞌ iya.

2 Korin 4:16

Sangkon yaꞌ kami kuhi jamu maghulas-sangsāꞌ kalnaꞌ Tuhan. Kami itu, san palamma na pin anggawtaꞌ baran kami, magsasōng na pin baw taggu iman kami llaw pa dangallaw.

2 Korin 5:9

Dari sabagay lay na kitabi ngambanan baran tuu atawa niyaꞌ, pakutuꞌ tabi na jaꞌ meꞌ tabi nulut kahandak Almasi.

2 Korin 6:5

Tamūd llagpiꞌ kami sampay njīl. Tamūd llān kami meꞌ siga baanan jama hiluhalaꞌ nguntra kami. Sarī gi, daran yaꞌ luu kahali kami hangat kami maghulas-sangsāꞌ masampay umanat mahap. Tamūd natas na jaꞌ kami yaꞌ tuli timpus dambahangi sampay naggaan lingantu.

Galatiya 6:2

Pakutuun bi meꞌ bi sitabang-tabang mari tumatandaꞌ ngasip na kam ni panohoan Almasi sikaaseꞌ-kaaseꞌ.

Galatiya 6:9

Sangkon daa kita jamu buwat kaintongan, batan mastiꞌ luu jaꞌ sina masa ta koleꞌ tungbas ayad.

Pilipi 2:16

Labi na bong pasampay bi lagi umanat ma kabuwan kaallum bahau ninsila. Dari pag ina mintu taabut llaw Almasi pabeleng, tud mehe na meꞌ ku gāk, batan kaam na sina buktiꞌ yaꞌ bay lopas hulas-sangsāꞌ ku noan jama kabanahan.

Pilipi 4:3

Maka Susugus, meꞌ kau disu pagkahi ku magkanaalla mmeꞌ ni kahandak Tuhan, subay ko nabang nalassay supaya sikatuwaꞌ na ga danda naa sikaduwa. Sila ina bay magtuyuꞌ-tuyuꞌ nabangan aku masaplag umanat mahap. Maka bay du sila nabangan si Kelemen ka siga limbang ku kasohean maghulas-sangsāꞌ kalnaꞌ Almasi. Sila ilay sikamimon, lay na tabeꞌ awon da njawom Būk Kaallum man ngalista awon sagannap ma luu kasampulnaan nyawa da saumu-umu.

Kolossa 1:11

Maka kamura-murahan binuwanan du kam meꞌ Tuhan gaos lakka man kawasa na ma yaꞌ luu sibuꞌ sabanding na. Dari san gi oy katuwaꞌ ningkaam, katatas kam maka masi na pin kam gāk. Sarī gi, patahaꞌ na pin pasensiya bi.

1 Tesaloneka 2:9

Siga danganakan, tamasa bi na du silay bay jaman kami masaplag umanat mahap man Tuhan ni daira bi, yaꞌ du bay man bi tiksaꞌ. Batan sangom-llaw na kami bay magtuyuꞌ ngusahān dī kami bong pin yaꞌ jaꞌ kam paya malanjaan kami.

1 Tesaloneka 5:12

Sarī man naa, siga danganakan, junjung kami na ningkaam, magmaltabat kam ni siga pa-mmean bi sukuꞌ si Isa. Sila ina, mehe meꞌ da maghulas-sangsāꞌ noan kaam ka maintoman kaam.

2 Tesaloneka 3:13

Na siga danganakan, daa kitabi jamu buwat kaayaran.

2 Tesaloneka 3:5

Kamura-murahan tinabangan du kam meꞌ Papuꞌ mari pasōng pangahati bi pasal aseꞌ Tuhan ningkaam. Maka kamura-murahan natas na pin kam njawom kabinsanaan meꞌ bay karuha Almasi.

2 Tesaloneka 3:8

Man kami bay magbalanjaꞌ, yaꞌ kami bay pingkaꞌ mangasa ni hulas-sangsāꞌ jama. Sangom-llaw na kami bay magtuyuꞌ buwat bong pin yaꞌ jaꞌ kam paya malanjaan kami.

1 Timuti 4:10

Sangkon magtuyuꞌ-tuyuꞌ na pin kita maghulas-sangsāꞌ masampay umanat mahap man Tuhan. Batan tatantu ta Tuhan sabanna ma llum saumu-umu poonan kasalamatan para mimon manusiyaꞌ. Boꞌ mastiꞌ sinalamat jaꞌ sina meꞌ na mimon ma pitsayaꞌ ni si Isa Almasi.

1 Timuti 5:17

Balik ta pa siga pa-mmean baanan sukuꞌ si Isa, bong ina sila pa-mmean mahap, subay sila binuwanan hasil ayad, awla na sagannap ma tiggo nōꞌ ka magnasihat.

Hibrani 10:36

Subay kam natas njawom kabinsanaan supaya tapabuwat bi kahandak Tuhan sampay pa katapusan. Meꞌ looy ilay, takoleꞌ bi na sina mintu mimon ma bay njanjiꞌ meꞌ Tuhan ni sukuꞌ na.

Hibrani 12:1

Na pagka meka jama mattoꞌ bay dari suntuan ayad ningkitabi sabap meꞌ da mangando pa Tuhan, sabuli-buli tabi ngakig sila. Maka labbahan tabi na dusa tabi sampay oy-oy na pin ma kasanggalang ningkitabi buwat kahandak Tuhan. Bong dalil ta pa jama maglumbaꞌ sonse, subay lakkahan tabi oy-oy kahabo ningkitabi supaya kitabi katatas sonse ni lān ma bay sinukuꞌ meꞌ Tuhan ningkitabi.

Hibrani 13:13

Sangkon, meꞌ kitabi itu siga mulit si Isa, subay kitabi pilay pa mman na ni poan daira. Hati na, subay kitabi patuhut niiya minsan man tabi pinahinaꞌ sibuꞌ du ka bay lingkaan na.

Hibrani 6:10

Tuhan ina intong. Sangkon mimon kaayaran bay pabuwat bi yaꞌ luu takupan na. Takita na du sina aseꞌ bi niiya sabap meꞌ bi nabang ni siga pagkahi bi sukuꞌ si Isa ngabut sampay batnaa.

Hibrani 6:12

Ngkon ina kam paintoman ku supaya kam yaꞌ jamu makutuꞌ kahandak Tuhan. Akigun bi jaꞌ sagannap ma yaꞌ jamu mangando pa Tuhan sampay natasan jinisan kasusahan kalnaꞌ iya. Jama meꞌ sila ina, takoleꞌ da siga supaat bay janjiꞌ Tuhan ni sukuꞌ na.

Hibrani 6:15

Dari siꞌ, pagka yaꞌ bay kuhi jamu Nabi Ibrahim pitsayaꞌ san ya bay hallom ngagad, lay du bay takoleꞌ na ilooy ma bay njanjiꞌ niiya.

2 Pitel 1:6

Subay du kam ngagak dī bi. Maka subay taggu iman bi. Maka pakutuun bi meꞌ bi ngikut arat-tabiat Tuhan.

Siga Pakaradjaan bay Pinalahil 1:9

Na ni kapasal aku itu ma nuwat, meꞌ halling sambat ku na siꞌ, aku itu si Yahiya, disu danganakan bi meꞌ kaam du tibuuk ka Papuꞌ Isa. Aku itu sibuꞌ du ka kaam bininsanaꞌ. Saliꞌ-saliꞌ du kitabi natasan laug ma tuwaꞌ ni sagannap ma tabeꞌ ni pamarinta Tuhan. Lay situ ku tasungkub sampay luu na ku bay binoo pitu tinahan ni nusa Patmos. Kon ku bay tasungkub sabap meꞌ ku bay masaplag palman Tuhan ka umanat pasal si Isa.

Siga Pakaradjaan bay Pinalahil 3:10

Pagka kam tattap mean bitsala ku nohoꞌ natasan kabinsanaan kalnaꞌ awon ku, agpangan ta sa kam mintu pag taabut luu katiksaan ni mimon kalahat-lahatan. Batan song takka na sina katiksaan mehe ma nuwayan iman mimon manusiyaꞌ taꞌ babaw junyaꞌ.