Siga Pakaradjaan bay Pinalahil 2:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Na mari katoonan bi, luu gi sina mintu kabinsanaan mehe tuwaꞌ njataꞌ bi. Kasohean kam ina tajīl man kapandoyan Ibilis. Sinuwayan sina mintu pangando bi niyaku. Njawom sapū ngallaw yaꞌ sina luu hantiꞌ laug njataꞌ bi. Sugaꞌ daa kam tawu. Magkanaalla jaꞌ kam mmeꞌ niyaku san gi man bi matoy, boꞌ bi sa tungbasan ku ka kaallum ma yaꞌ luu katapusan na.

Siga Pakaradjaan bay Pinalahil 2:10 Iomraidhean Croise

Matiyu 10:22

Kaam ina mintu kinalammisan meꞌ jama ni mimon kalahat-lahatan sabap mmeꞌ kam niyaku. Sugaꞌ soysoy ina natas pangando na ngabut sampay pa katapusan, salamat jaꞌ ya.

Matiyu 10:28

Daa na kam tawu ni jama ma takaya da mapatoy baran bi. Ndang-ndang yaꞌ du sina takaya da mapatoy nyawa bi. Arapun ilooy ya subay katawuhan bi yana Tuhan sabap labba man baran bi sampay nyawa bi ina tapabinasa du meꞌ na njawom nalkaꞌ.

Matiyu 24:13

Sugaꞌ soysoy ina natas pangando na niyaku ngabut sampay pa katapusan, malaingkan salamat jaꞌ sina ya.

Malkus 13:13

Kaam ina kinalammisan jaꞌ sina mintu meꞌ jama sikamimon sabap mmeꞌ kam niyaku. Sugaꞌ soysoy ina natas pangando na ngabut sampay pa katapusan, salamat jaꞌ ya.”

Malkus 8:35

Soysoy ina yaꞌ mean kahandak na kalnaꞌ aku ka umanat mahap, mastiꞌ sampulnaꞌ jaꞌ nyawa na labba man junyaꞌ sampay pa ahirat. Sugaꞌ soysoy ina numbul satu niiya meꞌ na nulut dī na halloman na ntuu ni junyaꞌ, tiksaꞌ nyawa na saumu.

Lukas 21:12

“Sugaꞌ halloman ilay mintu yaꞌ gi bay binakbul mimon meꞌ looy siꞌ, ndang nilaugan na kam. Sinungkuban lagi kam sampay binoo pa langga nohoꞌ hinukum boꞌ njīl. Kasohean ina kam binoo gi pa awpan siga sultan ka siga gubnul nohoꞌ hinukum ninsila sabap meꞌ bi mmeꞌ niyaku.

Yahiya 12:25

“Soysoy ina numbul satu niiya nulut dī na halloman na ntuu ni junyaꞌ, mastiꞌ tiksaꞌ nyawa na. Sugaꞌ soysoy ina yaꞌ mean kahandak na bong pin tabean na kahandak ku, sampulnaꞌ nyawa na saumu labba man junyaꞌ sampay pa ahirat.

Yahiya 13:2

Sugaꞌ san meꞌ looy na siꞌ aseꞌ si Isa, luu gi disu mulit na bay kabuwanan pamiki meꞌ Ibilis nipu iya. Mulit looy ilay siꞌ yana si Judas, anak si Saymon Iskariyut. Pag taabut deꞌ kohap, lay na ga si Isa mangan ka ga mulit na.

Yahiya 13:27

Lay jaꞌ siꞌ sambut si Judas, ilooy ma inasok na ya meꞌ Ibilis. Pag-anu, yuk si Isa niiya, “Darahan nu na maksud nu deꞌ-dēꞌ.”

Salsila siga Rasul 20:24

Sugaꞌ yaꞌ du situ ku paruli bong oy mintu katuwaꞌ niyaku bong pin tapajatu ku jaꞌ pabuwatan bay hinalap meꞌ Papuꞌ Isa niyaku, yana masaplag umanat mahap pasal aseꞌ-tabang Tuhan pa manusiyaꞌ.

Salsila siga Rasul 21:13

Sugaꞌ iya tampung si Pol, “Ongoy kam nangisan aku? Daa na ba gangguun bi iman ku. Daa palagi sat njīl, san kapatoy ndooy ni Jerusalem atas ku du kalnaꞌ Papuꞌ Isa.”

1 Korin 9:25

Jama lalumbaan ina, sabuli-buli na nganad baran na. Inagak meꞌ na napsu na bong pin takoleꞌ na jaꞌ haddiya numbul satu. Sugaꞌ haddiya ma tuyuan na samantalaꞌ du sina. Boꞌ ilooy ma pinagtuyuan meꞌ tabi natas saumu-umu.

Epesus 2:2

Jaman looy ilay, bbuwatan bi mandang hāl junyaꞌ jaꞌ sabap bay kam pinagmundaan meꞌ panghuluꞌ siga seytan, yana Ibilis. Iya ilay ndang magbayaan sagannap ma yaꞌ doman mmeꞌ ni kahandak Tuhan.

Epesus 6:12

Banta ta ina saꞌ manusiyaꞌ, arapun siga seytan ni antalaan ma moo-moo jama buwat maat. Sila ilay ngantanan kawasa-kapatut magbayaan mimon manusiyaꞌ ma masi njawom lindom ntuu ni junyaꞌ.

Yaꞌkub 1:12

Na sagannap ma amu-amu natas njawom kasusahan ma nuwayan pangando da ni si Isa, mastiꞌ sinupaatan jaꞌ sina. Batan pagka tumatandaꞌ na takkoꞌ pangando da, koleꞌ jaꞌ sina sila kasampulnaan nyawa saumu-umu ma ndang bay njanjiꞌ meꞌ Tuhan ni sagannap ma maaseꞌ niiya.

1 Pitel 5:4

Meꞌ naa ina, koleꞌ jaꞌ sina kam mintu kabantugan ma yaꞌ kuhi baluba saumu yana tungbas ndean kaam ni katakka panghuluꞌ siga tukang ipat, yana Almasi.

1 Pitel 5:8

Iyakin kam maka papatong kam mamiki sabap Ibilis ina, yana banta bi, doman jaꞌ nasat supaya kam patatak man si Isa. Sibuꞌ du sina karuha Ibilis ka halimaw ngallong, parampong-parampong miha sabbatan na.

Siga Pakaradjaan bay Pinalahil 13:14

Dari man sabapan siga sipat kawasa bay tapabuwat sattuwa looy ma dambuli kalnaꞌ sattuwa looy ma duhuꞌ, lay takoleꞌ na inakkahan mimon manusiyaꞌ ni junyaꞌ ma saꞌ sukuꞌ Tuhan. Sampay lay gi sila sohoꞌ na buwat jama-jama ni limbagan sattuwa looy ma duhuꞌ, ilooy ma lay na kaulian, dak bay matoy meꞌ bakat kataliꞌ.

Siga Pakaradjaan bay Pinalahil 13:2

Sattuwa looy siꞌ ingbas ka miyong tawun ma mehe banahan. Battis na subay ga battis baluwang. Kuwan behe na, meꞌ behe halimaw. Pag-anu siꞌ, lay na dean naga looy kawasa-kapatut na ka pamarinta na ni sattuwa looy man na marinta taꞌ junyaꞌ.

Siga Pakaradjaan bay Pinalahil 13:7

Lay jaꞌ ya pinabiya ngalān siga sukuꞌ Tuhan sampay lay sila tumandiyoꞌ meꞌ na. Maka lay gi ya binuwanan kawasa-kapatut marintahan manusiyaꞌ ni mimon kalahat-lahatan ka ni mimon kabangsa-bangsahan, kaniya-kaniya ka jinisan pallun da.

Siga Pakaradjaan bay Pinalahil 17:14

Bbuwatan da ina mintu, moo Bili-bili looy sibonoꞌ. Sugaꞌ ā du sila meꞌ Bili-bili looy ka siga sukuꞌ na, yana sagannap ma bay peneꞌ na sampay liyun na pa jawom okoman na, ma magkanaalla mmeꞌ niiya. Kon na ina mintu ga Bili-bili looy kaā sabap iya Papuꞌ ninggi taꞌ mimon papuꞌ; Sultan ninggi taꞌ mimon sultan.”

Siga Pakaradjaan bay Pinalahil 2:13

“Kaam ina, katoonan ku du maglahat kam ni lahat ma pinagbayaan meꞌ Ibilis. Sugaꞌ tumatandaꞌ masi gi du baw kam tattap mmeꞌ niyaku. Yaꞌ du bay labbahan bi pangando bi niyaku san lay na tasakup bi si Antipas, yana sosohoan ku ma kanaalla, bay pinapatoy nnaa ni daira bi ma kinomkoman meꞌ Ibilis.

Siga Pakaradjaan bay Pinalahil 2:9

“Kaam ina, katoonan ku du kabinsanaan njataꞌ bi sampay kamiskinan bi. Sugaꞌ ni sabana na, dayahan kam. Tasayu ku du pitna inuwan njataꞌ bi meꞌ siga Yahudi ma nulang kaam. Sila ina mangaku sukuꞌ Tuhan, mingkan kumpulan sukuꞌ Ibilis sila.