Siga Pakaradjaan bay Pinalahil 18:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Bbuwatan na ngahowap, yuk na, “Binasa na Babilon! Binasa na daira tanyag looy! Lai na dari katattogan jinisan seytan ka siga sattuwa haram ma kasipin-sipin. Sampay pinagsangan na ga leꞌ mimon manuk-manuk ma haram.

Siga Pakaradjaan bay Pinalahil 18:2 Iomraidhean Croise

Siga Pakaradjaan bay Pinalahil 1:15

Kuwan battis na ninag subay ga tumbagaꞌ binaba njawom api basag. Suwara na mitsala ngallub meꞌ karuha boheꞌ sōng tumpa man taꞌ pampang.

Siga Pakaradjaan bay Pinalahil 10:3

Pag-anu, boꞌ na ngahowap subay ga halling halimaw ngallong. Boꞌ lay gi ya sinambag meꞌ pituꞌ guntu mitsala meꞌ karuha manusiyaꞌ.

Siga Pakaradjaan bay Pinalahil 11:8

Kuwan mayat da ina mintu, pinabiya jaꞌ palege ni tangngaꞌ lān daira tanyag looy, yana daira looy man Papuꞌ da si Isa bay pinapatoy llansang taꞌ tehang. Ni kajahat siga jama ndooy, daira looy ilay mintu subay ga daira Sodom atawa pun Ejip mattoꞌ.

Siga Pakaradjaan bay Pinalahil 14:15

Pag-anu, luu na baw disu malaikat pōꞌ man langga ni sulgaꞌ mitsala pahaddo ni ilooy ma ningkōꞌ taꞌ tayiꞌ baliyu looy, yuk na, “Pilayun na. Labaran nu na tasanggot nu. Taabut na situ timpu ngattom batan buwaꞌ tinanom ni junyaꞌ tahak na.”

Siga Pakaradjaan bay Pinalahil 14:8

Pag-anu siꞌ, luu na baw pasunuꞌ disu malaikat, yuk na, “Binasa na Babilon! Binasa na daira tanyag looy. Batan siga jama daira looy ilay bay kaboo-boo jama man mimon kabangsa-bangsahan nikutan Tuhan. Sibuꞌ du karuha daira looy ka disu puta ma bay mainum jama alak na supaya sila mmeꞌ meꞌ uwahan na magjina.”

Siga Pakaradjaan bay Pinalahil 16:13

Pag-anu siꞌ, ngita na baw ku tallu seytan meꞌ dagbos bingkatak. Disu pōꞌ man jawom behe naga looy siꞌ, disu man jawom behe sattuwa looy siꞌ ma duhuꞌ, kuwan ilooy disu man jawom behe sattuwa looy siꞌ ni kaduwa na, yana disu nabi palsu.

Siga Pakaradjaan bay Pinalahil 16:19

Boꞌ lay na ga sobak tallu Babilon, daira tanyag looy. Sampay katis na ga lubu siga daira ni sikaliput junyaꞌ. Dari ilooy na silay siꞌ hisab njataꞌ jama Babilon sabapan kalaatan da. Tud yaꞌ du bay takupan Tuhan kajahatan da. Dari lay na pupusan Tuhan mulkaꞌ na njataꞌ ga jama Babilon sabap biddaꞌ na duga na ninsila. Ibaratan nginum, pinaggos na sila nginum inuman pait saꞌ alang-alang.

Siga Pakaradjaan bay Pinalahil 17:18

Kuwan danda looy ilay siꞌ ma bay takita nu, yana sipat ni daira tanyag looy ma magbayaan siga sultan ni sikaliput junyaꞌ.”

Siga Pakaradjaan bay Pinalahil 17:5

Taꞌ tundun danda looy siꞌ, luu bay sinuwatan awon lawom kamaatunan na. Batsahan na: “Aku itu Babilon, daira tanyag, induꞌ siga puta ka poonan mimon kasabuhan taꞌ junyaꞌ.”

Siga Pakaradjaan bay Pinalahil 18:10

Sugaꞌ maiman sa sina sila man katāhan batan tawu sila talapay ni mulkaꞌ njataꞌ na. Yuk da ina mintu saliꞌ-saliꞌ, ‘Allanēꞌ! Tud senseng la daira looy meꞌ looy na bay ehe tanyag na ka kawasa na! Njawom danjām du lay na ya magti timmos kalabuan balaꞌ.’

Siga Pakaradjaan bay Pinalahil 18:21

Pag-anu siꞌ, luu na baw takita ku disu malaikat ma basag kawasa na ngangkat batu mehe banahan, boꞌ hiniyakan pa dilawut sambayan na halling, “Meꞌ naa du sina mintu meꞌ Tuhan mabinasa daira Babilon. Yaꞌ na luu masa na takita pabalik.

Siga Pakaradjaan bay Pinalahil 5:2

Maka luu gi bay takita ku disu malaikat basag kawasa na lay ngahowap, yuk na, “Soy ina tawop ngalukapan siga kanjiꞌ logoran suwat naa sampay matsa?”