Siga Pakaradjaan bay Pinalahil 13:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Tud yaꞌ ya bay paagak malaat Tuhan. Wā ya madiyoꞌ-diyoꞌ awon Tuhan sampay patannaan na ni sulgaꞌ sampay sagannap ma maglahat ndooy.

Siga Pakaradjaan bay Pinalahil 13:6 Iomraidhean Croise

Matiyu 12:34

“Kaam tu siga Parisi, subay ga baanan sō latsunan. Yaꞌ kam kabitsala mahap sabap maat jaꞌ pangatayan bi. Batan oy-oy ina njawom atay manusiyaꞌ, inaa du sina pōꞌ man jawom behe da.

Matiyu 15:19

Batan luu du lakka man jawom atay jama pamiki maat ma moo jama mapatoy maka magjina, buwat kasabuhan danda-lalla, nangkaw, ngandustaꞌ maka mitna.

Yahiya 1:14

Na Palman ilay bay dari manusiyaꞌ sampay lay gi pingkaꞌ magdambuwaꞌ ka kami. Biddaꞌ na ehe aseꞌ na maka bana sadjaꞌ mimon bitsala na. Kami mismu bay kasakup ehe kaayaran na, yana kaayaran Anak tungga ma bay pitu lakka man Mmaꞌ na Tuhan.

Suwat si Pol pa mman Baanan Sukuꞌ si Isa ndooy ni Rom 3:13

Behe da wā mōꞌ bitsala lakaꞌ-lakaꞌ, subay ga kubu yaꞌ bay llambunan man bawu sumpatoy pōꞌ. Dallaꞌ da pannoꞌ leꞌ dustaꞌ. Bitsala da subay ga latsun sō ma makaat jama.

Kolossa 1:19

Batan ndang bay silay ginaraꞌ meꞌ Tuhan subay mimon arat-tabiat na ka kawasa pagkaTuhan na takita njataꞌ Anak na.

Kolossa 2:9

Mingkan, isu-isu Almasi subay binean, batan minsan ilay ya bay lahil pitu magbaran manusiyaꞌ, mimon pagkaTuhan Mmaꞌ na ndang luu na njataꞌ na.

Hibrani 9:2

Na njawom langga looy ilay siꞌ, luu duwa bilik na. Kuwan ilooy ma duhuꞌ inasok, ginalla Bilik Sutsiꞌ. Ndooy ilay, luu palitaan ka lamisahan man da magpangannaꞌ tinapay ma sinongan pa Tuhan.

Hibrani 9:24

Sangkon na ilay lahaꞌ Almasi na bay tumpa. Pag-anu, lay na ya paasok pa jawom sulgaꞌ. Pag batnaa, ndooy na ya ni awpan Tuhan kalnaꞌ kitabi. Yaꞌ na ya bay paasok ni langga bay pinatangge meꞌ manusiyaꞌ meꞌ ilooy ma bay asok panghuluꞌ imam mattoꞌ. Batan langga looy ilay sipat sadjaꞌ ni Lugar Pinakasutsiꞌ ni sulgaꞌ.

Siga Pakaradjaan bay Pinalahil 11:12

Pag-anu ilay mintu, kale na baw ga sosohoan looy suwara haddo man sulgaꞌ nohoꞌ sila dutai pa jataꞌ. Dari dutai du sina mintu sila pa sulgaꞌ njawom tayiꞌ baliyu ni pag-awpan siga banta da.

Siga Pakaradjaan bay Pinalahil 12:12

Maka halling suwara looy lagi, “Na kaam ma luu na ntuu ni sulgaꞌ, subay kam gāk banahan sabap lai na Ibilis pinōꞌ mantuu. Sugaꞌ kaluuy-luuy kam nnaa taꞌ junyaꞌ, pa dile pa dilawut, batan luu na Ibilis bay duwai pilu pa mman bi. Biddaꞌ na sina lasu na batan katoonan na dangkitiꞌ sa masa man na madara maksud na.”

Siga Pakaradjaan bay Pinalahil 15:5

Paddus meꞌ looy, takita ku na langga bukaꞌ ndooy ni sulgaꞌ. Maka takita ku na du Bilik Pinakasutsiꞌ njawom.

Siga Pakaradjaan bay Pinalahil 18:20

Pag-anu, yuk suwara looy lagi, “Kaam, siga kanabi-nabihan ka ga rasul sampay mimon sukuꞌ Tuhan ma luu na ntuu ni sulgaꞌ, subay kam gāk banahan. Subay kam gāk sabap lai na daira looy llabuan meꞌ Tuhan hukuman, yana hisab ni kalaatan bay pabuwat na ningkaam.”

Siga Pakaradjaan bay Pinalahil 21:3

Pag-anu siꞌ, kale na baw ku suwara haddo lakka man tagan paningkoan looy, yuk na, “Batnaa tu magdambuwaꞌ na Tuhan ka manusiyaꞌ. Batan patannaan na sibuꞌ du ka ninsila. Batnaa sukuꞌ na na sila maka iya na Tuhan da ma tattap lungbid ka sila.

Siga Pakaradjaan bay Pinalahil 4:1

Pus meꞌ looy, takita ku na baw lawang sulgaꞌ bukaꞌ. Maka takale ku na baw balik suwara looy siꞌ ma meꞌ haddo tabuliꞌ mitsala niyaku, yuk na, “Dutai ko pitu, boꞌ nu pakitahan ku ga pakaradjaan ma talpaksaꞌ tinakdil ni sinōng.”

Siga Pakaradjaan bay Pinalahil 4:4

Maka luu gi ndooy ngaliput paningkoan mehe looy siꞌ duwampuꞌ-mpat paningkoan meꞌ paningkoan sultan du. Maka luu duwampuꞌ-mpat matatoa ningkōꞌ taꞌ ga paningkoan looy. Pamakoy da poteꞌ maka saliꞌ-saliꞌ luu ka karuna mmas taꞌ kōk da.

Siga Pakaradjaan bay Pinalahil 5:13

Pag-anu siꞌ, lay na baw ku kale suwara mimon balnyawa ma bay pinapayak, labba man junyaꞌ sampay pa ahirat, labba man taꞌ langit sampay pa taꞌ gumi ka dilawut, yuk da, “Pudji tabi ilooy ma ningkōꞌ taꞌ paningkoan sultan. Maka pudji tabi Bili-bili looy. Paehe tabi sila maka buwanan tabi sila kabantugan mehe batan sila magbayaꞌ saumu-umu!”

Siga Pakaradjaan bay Pinalahil 7:15

Sangkon luu na sila ntuu ni awpan paningkoan Tuhan ni sulgaꞌ. Bbuwatan da ina makutuꞌ kahandak Tuhan sangom-llaw njawom langga ntuu ni okoman Tuhan. Dari Tuhan na mismu soheꞌ da dambuwaꞌ sampay iya na ngayaran sila.

Siga Pakaradjaan bay Pinalahil 7:9

Pus meꞌ looy, ngita na baw ku sakiyan manusiyaꞌ nangge ni awpan ilooy ma ningkōꞌ taꞌ paningkoan mehe looy ka ni awpan Bili-bili looy. Ni kaeka da, yaꞌ na taitung. Luu na ndooy manusiyaꞌ lakka man mimon kalahat-lahatan ka mimon kabangsa-bangsahan, kaniya-kaniya ka jinisan pallun da. Boꞌ saliꞌ-saliꞌ sila jubahan poteꞌ maka saliꞌ-saliꞌ sila ngalabad-labaran pappaꞌ kalapaꞌ-sawit ni kagāk da.