Siga Pakaradjaan bay Pinalahil 11:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Kuwan mayat da ina mintu, pinabiya jaꞌ palege ni tangngaꞌ lān daira tanyag looy, yana daira looy man Papuꞌ da si Isa bay pinapatoy llansang taꞌ tehang. Ni kajahat siga jama ndooy, daira looy ilay mintu subay ga daira Sodom atawa pun Ejip mattoꞌ.

Siga Pakaradjaan bay Pinalahil 11:8 Iomraidhean Croise

Panagnaan 13:13

Salla na, kuwan jama Sodom baw siꞌ tu, biddaꞌ na jahallis da. Dusa da pa Tuhan tud yaꞌ na taambat.

Panagnaan 19:24

Pag-anu, lay na Tuhan ngalabuꞌ manilang noleyab, subay ga uwan landos taꞌ Sodom ka Gomora,

Matiyu 10:15

Baan ta kam banahan, pag ina mintu taabut llaw hukuman Tuhan, bohat gi sina mintu mulkaꞌ njataꞌ da man ilooy ma bay katuwaꞌ ni siga jama Sodom ka Gomora.”

Salsila siga Rasul 9:4

sampay lay na ga ya humantak taꞌ tanaꞌ. Boꞌ lay gi ya kale suwara, yuk na, “Sol, ū Sol, ongoy ko ngalaugan aku?”

Hibrani 13:12

Damikiyan si Isa pun, lay du bay binoo pa poan daira. Maka ndooy na ya bay naggaan paddi sampay makkat. Maka sabapan lahaꞌ na bay pinaduwai, ilooy na man na nutsiꞌ atay siga sukuꞌ na.

2 Pitel 2:6

Damikiyan luu lagi silay siga jama ndooy ni Sodom ka Gomora lay du kalabuan hukuman Tuhan mattoꞌ. Saꞌ ba, lay jaꞌ sila ampud leꞌ Tuhan, sampay ga daira da pun, bay du dari abu sadjaꞌ. Dari njataꞌ da, ndooy na kitabi ngaddoꞌ matakaddam bong oy palas jama ma yaꞌ luu tawu da pa Tuhan.

Suwat Lakka man si Jūd 1:7

Damikiyan, pamintangan bi na palas ni siga daira Sodom ka Gomora ka ga daira ma ngaliput sila mattoꞌ. Sabapan kajinahan jama ndooy ka kasabuhan kalallahan ubay ka pagkahi da lalla, lay na ampud siga daira looy meꞌ api pinalabuꞌ meꞌ Tuhan man taꞌ langit. Dari labba mandooy, luu na matakaddam ningkitabi bong oy palas njataꞌ baldusa bbos-bbos. Ndang luu na silay hinalliꞌ ninsila api ma yaꞌ na kuhi pawom saumu.

Siga Pakaradjaan bay Pinalahil 11:13

Lay jaꞌ ilay mintu sila dutai, luu du linug mehe sampay binasa na daira looy sabahagiꞌ sapū. Maka luu sina mintu pituꞌ libu manusiyaꞌ matoy meꞌ linug looy. Kuwan sagannap ma masi llum, tud tawu na sina mintu sampay mudji na sila Tuhan sabanna ma magbayaꞌ ni sulgaꞌ.

Siga Pakaradjaan bay Pinalahil 11:9

Njawom tallu ngallaw ka tongaꞌ, maglegehan jaꞌ silay mintu mayat da ndooy pinaimanan meꞌ mimon kabangsa-bangsahan man mimon kalahat-lahatan, kaniya-kaniya ka jinisan pallun da. Boꞌ yaꞌ luu pinadari ngubu sila.

Siga Pakaradjaan bay Pinalahil 14:20

Dari siga manusiyaꞌ looy siꞌ ma yaꞌ ngisbat Tuhan lay na pinapatoy ndooy ni poan daira. Lahaꞌ da ilay bay tumpa, subay ga disu sōng paliyud. Tahaꞌ liyuran na luu ga tallu hatus batu. Lawom na, lay na ngabut ga sa ila ka tongaꞌ. Dari ko ngawon, liyuran lahaꞌ da meꞌ karuha liyuran boheꞌ lakka man buwaꞌ anggul sakiyan njawom tapaggaꞌ mehe.

Siga Pakaradjaan bay Pinalahil 14:8

Pag-anu siꞌ, luu na baw pasunuꞌ disu malaikat, yuk na, “Binasa na Babilon! Binasa na daira tanyag looy. Batan siga jama daira looy ilay bay kaboo-boo jama man mimon kabangsa-bangsahan nikutan Tuhan. Sibuꞌ du karuha daira looy ka disu puta ma bay mainum jama alak na supaya sila mmeꞌ meꞌ uwahan na magjina.”

Siga Pakaradjaan bay Pinalahil 16:19

Boꞌ lay na ga sobak tallu Babilon, daira tanyag looy. Sampay katis na ga lubu siga daira ni sikaliput junyaꞌ. Dari ilooy na silay siꞌ hisab njataꞌ jama Babilon sabapan kalaatan da. Tud yaꞌ du bay takupan Tuhan kajahatan da. Dari lay na pupusan Tuhan mulkaꞌ na njataꞌ ga jama Babilon sabap biddaꞌ na duga na ninsila. Ibaratan nginum, pinaggos na sila nginum inuman pait saꞌ alang-alang.

Siga Pakaradjaan bay Pinalahil 17:1

Pus meꞌ looy, luu na baw pasōng pa mman ku disu ni siga malaikat looy sikapituꞌ ma bay numpahan isi pinggan da, yuk na, “Tu ko, pakitahan ta ko bong pooy meꞌ induꞌ siga puta minulkaan, yana ilooy ma ningkōꞌ ni tagan sōng meka.

Siga Pakaradjaan bay Pinalahil 17:18

Kuwan danda looy ilay siꞌ ma bay takita nu, yana sipat ni daira tanyag looy ma magbayaan siga sultan ni sikaliput junyaꞌ.”

Siga Pakaradjaan bay Pinalahil 17:5

Taꞌ tundun danda looy siꞌ, luu bay sinuwatan awon lawom kamaatunan na. Batsahan na: “Aku itu Babilon, daira tanyag, induꞌ siga puta ka poonan mimon kasabuhan taꞌ junyaꞌ.”

Siga Pakaradjaan bay Pinalahil 18:10

Sugaꞌ maiman sa sina sila man katāhan batan tawu sila talapay ni mulkaꞌ njataꞌ na. Yuk da ina mintu saliꞌ-saliꞌ, ‘Allanēꞌ! Tud senseng la daira looy meꞌ looy na bay ehe tanyag na ka kawasa na! Njawom danjām du lay na ya magti timmos kalabuan balaꞌ.’

Siga Pakaradjaan bay Pinalahil 18:18

pag takita da humbu daira looy tutung na. Yuk da ina mintu, ‘Noy gi man tabi nammu gantiꞌ daira tanyag meꞌ looy?’

Siga Pakaradjaan bay Pinalahil 18:2

Bbuwatan na ngahowap, yuk na, “Binasa na Babilon! Binasa na daira tanyag looy! Lai na dari katattogan jinisan seytan ka siga sattuwa haram ma kasipin-sipin. Sampay pinagsangan na ga leꞌ mimon manuk-manuk ma haram.

Siga Pakaradjaan bay Pinalahil 18:21

Pag-anu siꞌ, luu na baw takita ku disu malaikat ma basag kawasa na ngangkat batu mehe banahan, boꞌ hiniyakan pa dilawut sambayan na halling, “Meꞌ naa du sina mintu meꞌ Tuhan mabinasa daira Babilon. Yaꞌ na luu masa na takita pabalik.

Siga Pakaradjaan bay Pinalahil 18:24

Maka ndooy na du silay ni Babilon man lahaꞌ kanabi-nabihan ka ga pagkahi da sukuꞌ Tuhan bay tumpa. Sarī man sila, mimon manusiyaꞌ ma bay pinapatoy taꞌ junyaꞌ, ndang man sabapan Babilon du.”