Siga Pakaradjaan bay Pinalahil 11:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ yana dalibu duwa hatus nnompūꞌ ngallaw. Sugaꞌ ni waktu looy du ilay mintu, luu duwa sosohoan ku sohoꞌ ku masaplag umanat ku. Pamakoy da karut kasap tandaꞌ tud mehe meꞌ da susa.”

Siga Pakaradjaan bay Pinalahil 11:3 Iomraidhean Croise

Panagnaan 37:34

Dari ni kaehe dukka si Yaꞌkub, lay magti nganggeret badjuꞌ na, boꞌ na matuk pamakoy kasap. Boꞌ tud bay hallom ya maglindu.

Matiyu 11:21

yuk na, “Kaam, jama man Korasin ka Betsayda, tud siya-siya kam. San meka na sipat kawasa Tuhan bay pakitahan ku kaam, yaꞌ du kam bay kuhi nawbat. Bong siꞌ ilay ndang bay na pinakitahan ni jama Tayil ka Saydon mattoꞌ, hallom na sila bay nawbat. Ndang lay na silay sila matuk karut kasap sampay ngannaan kōk da abu tandaꞌ da sasso ni bay dusa da.

Matiyu 18:16

Sugaꞌ bong ina tuwak na bitsala nu, subay ko moo disu duwa pagkahi nu ma pitsayaꞌ niyaku pa mman na. Batan talpaksaꞌ subay luu duwa tallu saksiꞌ ni bay pagsaggaan bi.

Lukas 10:13

Pus meꞌ looy, yuk si Isa lagi, “Kaam, jama man Korasin ka Betsayda, tud siya-siya kam. San meka na sipat kawasa Tuhan bay pakitahan ku kaam, yaꞌ du kam bay kuhi nawbat. Bong siꞌ ilay ndang bay na pinakitahan ni jama Tayil ka Saydon mattoꞌ, mastiꞌ lay na silay sila matuk karut kasap sampay ngannaan kōk da abu tandaꞌ da sasso ni bay dusa da.

Lukas 24:48

“Na kaam ina, lay na bay tasakup bi mimon bay kadarihan ku. Sangkon pasaplagun bi na ni manusiyaꞌ.

Yahiya 15:27

Kaam pun, subay du kam mahati kabanahan pasal aku sabap kaam bay dambuwaꞌ ka aku labba man sibuwa.”

Yahiya 3:27

Tampung si Yahiya ninsila, “Yaꞌ bilay luu jama ngantanan kawasa-kapatut buwat meꞌ looy bong yaꞌ bay kabuwanan leꞌ Tuhan.

Salsila siga Rasul 1:8

Sugaꞌ subay katoonan bi, binuwanan du sina kam kawasa pag mintu kam pinatannaan na Rū Sutsiꞌ. Dari masaplag na sina kam mintu pasal aku ni Jerusalem sampay ni sikaliput Yahudiya ka Samariya, maka sampay pa sika-mpat pidju alam.”

Salsila siga Rasul 13:31

Lay jaꞌ siꞌ ya llum pabalik, meka gi llaw man na bay patammu ni siga jama ma bay ngahaboyan iya lakka man Jalil luꞌ pilay pa Jerusalem. Dari sila na silay masampayan jama ni batnaa umanat mahap pasal iya.

Salsila siga Rasul 2:32

Na Almasi ilay siꞌ yana si Isa. Kon itu ku kabāꞌ meꞌ tuu batan kami mismu sikamimon ma luntuu bay kasakup lay na ya pinakallum meꞌ Tuhan.

Salsila siga Rasul 3:15

Boꞌ ilooy ma poonan kaallum ma yaꞌ luu katapusan na, iya ya bay papatoy bi. Lipara luu du Tuhan bay makallum iya. Kami itu, kon kami kabāꞌ mattan llum na ya pabalik batan kami mismu bay kasakup.

1 Korin 12:28

Na meꞌ kitabi itu njawom sakup Almasi na, luu jinisan pabuwatan bay sinukuꞌ ningkitabi. Duhuꞌ, luu bay kawakilan leꞌ Tuhan binuwat siga rasul si Isa. Kaduwa na, kasohean bay kawakilan masampay siga umanat ma bay pinalahil meꞌ Rū Sutsiꞌ ninsila. Ni katallu na, kasohean bay kawakilan binuwat siga guru. Sarī man inaa, luu gi sina bay kaladjikian mōꞌ pabuwatan kahaylan-haylan man kawasa Tuhan. Kuwan kasohean, kaladjikian ngulian jama. Kasohean kaladjikian basag nabang, kasohean tukang magmalim maka luu gi kasohean kaladjikian mitsala ni jinisan pallun ma yaꞌ san bay pingkaꞌ kapandoyan da.

2 Korin 13:1

Na bong itu yaꞌ du luu baya-baya, kamintallu tuu na ku mintu pilu pa mman bi. Kuwan kaam, bong luu nnaa pinalkalaꞌ, intomun bi, subay sina luu duwa-tallu jama bay kasakup ni kalaatan na meꞌ ndang bay sinuwatan njawom kitab.

Epesus 4:11

Na ni kapasal jinisan kapandoyan bilang ladjikiꞌ ma ndean meꞌ Almasi, kasohean jama pineneꞌ binuwat rasul na. Kasohean binuwat tukang masampay siga umanat bay pinalahil meꞌ Rū Sutsiꞌ ninsila. Kasohean binuwat tukang masaplag umanat mahap. Kasohean pineneꞌ binuwat pa-mmean ngayaran siga baanan sukuꞌ si Isa. Maka kasohean binuwat guru.

Siga Pakaradjaan bay Pinalahil 1:5

Maka kamura-murahan binuwanan na pin kam kasannangan ka barakat meꞌ si Isa Almasi, ilooy ma kanaalla masampay kabanahan pasal Tuhan. Iya ilay bay duhuꞌ pinakallum pabalik ka baran ma yaꞌ na kuhi matoy. Maka iya du marintahan mimon panghuluꞌ ni sikaliput junyaꞌ. Ni kaehe aseꞌ na ningkitabi, atas na man lahaꞌ na bay tumpa supaya tapaddusan na kitabi man hisab ni dusa tabi.

Siga Pakaradjaan bay Pinalahil 11:2

Sugaꞌ haman ni poan lumaꞌ looy, daa na sukurun batan lay na sinukuꞌ meꞌ Tuhan ni siga manusiyaꞌ ma kapil. Giniok-giok sina mintu meꞌ da daira Tuhan, yana Jerusalem. Pakaat da daira sutsiꞌ looy njawom mpatpuꞌ-duwam buwan,

Siga Pakaradjaan bay Pinalahil 11:6

Luu gi sina kapatut ga sosohoan looy nambo langit supaya yaꞌ uwan samasakali ni siga buwan timpu man da masampay umanat Tuhan. Maka luu du sina kapatut da madari siga poon boheꞌ pa lahaꞌ. Sarī gi, takaya da du mōꞌ jinisan balaꞌ taꞌ junyaꞌ sumilan-sumilan jaꞌ karomanan da.

Siga Pakaradjaan bay Pinalahil 12:6

Kuwan danda looy siꞌ, lay na lahi pa lahat lau-lau yaꞌ maglumaꞌ ndooy ni lahat ma ndang bay hinalliꞌ meꞌ Tuhan niiya. Maka ndooy na ya bay inayaran njawom dalibu duwa hatus nnompūꞌ ngallaw.

Siga Pakaradjaan bay Pinalahil 13:5

Na sattuwa looy siꞌ tu lay jaꞌ pinabiya meꞌ Tuhan ngabbu ka malaat iya. Boꞌ lay gi ya nduwan marinta njawom mpatpuꞌ-duwam buwan.

Siga Pakaradjaan bay Pinalahil 19:10

Pag takale ku meꞌ looy, ilooy ma lay na ku sujud ni battis na numba iya. Sugaꞌ yuk na, “Daa ko ba buwat meꞌ naa. Tuhan jaꞌ sumbahun. Aku bitu ata Tuhan sadjaꞌ meꞌ kaam du ka siga danganakan nu ma ngantanan umanat Papuꞌ Isa. Boꞌ umanat looy ilay ma bay pinasampay meꞌ Papuꞌ Isa yana kabanahan ma bay tinunaꞌ meꞌ kanabi-nabihan mattoꞌ.”

Siga Pakaradjaan bay Pinalahil 20:4

Pag-anu siꞌ, ngita na baw ku siga paningkoan ga sultan. Kuwan siga jama ma ningkōꞌ ndooy, lay kabuwanan kapatut ngahukum. Maka luu gi bay takita ku tabeꞌ ninsila siga nyawa sagannap ma bay pinonggolan kallong da sabap meꞌ da bay masaplag pasal si Isa Almasi ka palman Tuhan. Yaꞌ sila bay pingkaꞌ numba sattuwa looy atawa jama-jama bay pinabuwat ni limbagan na. Damikiyan, yaꞌ du sila bay kuhi sinapan ka sāp sattuwa looy ni tundun da atawa ni tangan da. Dari llum na sila pabalik sampay lay na tumabeꞌ ni Almasi magsultan njawom dalibu taun.