Siga Pakaradjaan bay Pinalahil 11:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Sugaꞌ haman ni poan lumaꞌ looy, daa na sukurun batan lay na sinukuꞌ meꞌ Tuhan ni siga manusiyaꞌ ma kapil. Giniok-giok sina mintu meꞌ da daira Tuhan, yana Jerusalem. Pakaat da daira sutsiꞌ looy njawom mpatpuꞌ-duwam buwan,

Siga Pakaradjaan bay Pinalahil 11:2 Iomraidhean Croise

Matiyu 27:53

Sampay lay na sila pōꞌ man jawom kubu da. Pag-anu, paddus si Isa bay pinakallum pabalik, lay na baw sila pilay pa Jerusalem, boꞌ meka du jama bay ngita sila ndooy.

Matiyu 4:5

Pag-anu siꞌ, lay na baw si Isa binoo meꞌ Ibilis pa Jerusalem. Ndooy siꞌ, lay ya pinatangge meꞌ Ibilis taꞌ buhungan langga mehe.

Matiyu 5:13

Yuk si Isa lagi, “Kaam ina ma mmeꞌ niyaku meꞌ sapantun timus ma muwan hāp lassa ni lawuk, batan kaam moo kaayaran ni manusiyaꞌ. Sugaꞌ bong kam ina meꞌ sapantun timus ma lay lungay maasin na, yaꞌ du luu pūs bi. Timus meꞌ looy ilay, gam na tinimanan sadjaꞌ pa poan pinabiya giniok-giok meꞌ jama.

Lukas 21:24

Meka sina mintu Yahudi pinapatoy meꞌ sundalu. Kuwan kasohean, sinungkuban boꞌ binoo gi pa kalahat-lahatan. Labba mandooy ilay mintu, tinabbaꞌ-tabbaꞌ na Jerusalem meꞌ siga bangsa kapil. Sampay sila na marinta ntuu ngkod-ngkoran yaꞌ gi ngabut waktu bay ginantaꞌ meꞌ Tuhan katapusan pamarinta da.”

Hibrani 10:29

Na bong meꞌ naa bohat pidjalaꞌ ni jama ma bay nuwak saraꞌ, labi na saꞌ bohat pidjalaꞌ ni sagannap ma nikutan Anak Tuhan saula-ula puus boboꞌ sadjaꞌ ya. Sat da saꞌ māꞌ yaꞌ na luu kapansahaliyan lahaꞌ si Isa bay pinaduwai. Padahal, lahaꞌ na ilay bay man da pingkaꞌ sinutsiꞌ sampay muwan kasāhan ni pagsulutan bahau antaraꞌ Tuhan ka manusiyaꞌ. Ga jama meꞌ looy ilay, sibuꞌ du sila ka bay mahinaꞌ Rū Sutsiꞌ ma bay masampayan sila aseꞌ.

Siga Pakaradjaan bay Pinalahil 11:11

Sugaꞌ pag paddus jaꞌ ilay mintu tallu ngallaw looy ka tongaꞌ, pinabalik du meꞌ Tuhan napas ga sosohoan looy sampay bangun na sila. Dari sagannap ma ngita sila mintu meꞌ looy, tud takkahan sawan na silay.

Siga Pakaradjaan bay Pinalahil 11:3

yana dalibu duwa hatus nnompūꞌ ngallaw. Sugaꞌ ni waktu looy du ilay mintu, luu duwa sosohoan ku sohoꞌ ku masaplag umanat ku. Pamakoy da karut kasap tandaꞌ tud mehe meꞌ da susa.”

Siga Pakaradjaan bay Pinalahil 12:6

Kuwan danda looy siꞌ, lay na lahi pa lahat lau-lau yaꞌ maglumaꞌ ndooy ni lahat ma ndang bay hinalliꞌ meꞌ Tuhan niiya. Maka ndooy na ya bay inayaran njawom dalibu duwa hatus nnompūꞌ ngallaw.

Siga Pakaradjaan bay Pinalahil 21:10

Dari lay ku pinakitahan pandapat meꞌ Rū Tuhan. Njawom pandapat ku, lay na ku binoo meꞌ malaikat looy pa taꞌ punsak punu mehe-langkaw. Ndooy siꞌ, lay na ku pakitahan na daira sutsiꞌ looy, yana Jerusalem bahau duwai man sulgaꞌ lakka man Tuhan.

Siga Pakaradjaan bay Pinalahil 21:2

Maka luu gi takita ku duwai man sulgaꞌ daira sutsiꞌ, yana Jerusalem bahau lakka man Tuhan. Daira looy siꞌ tud dorogan. Bong nnaꞌ ta pa danda, subay ga disu pangantin danda ayad gamis na. Maka lakkop na ya meꞌ mmas man na magpalingkat banahan pag taabut na kinawin ka pangantin ma lalla.

Siga Pakaradjaan bay Pinalahil 22:19

Damikiyan, bong luu bay ngulangan siga bitsala atawa ga tunaꞌ ni kitab tuu, mastiꞌ kinaddoan jaꞌ sina meꞌ Tuhan sukuꞌ na ni poon kayu looy ma muwan kaallum. Maka kinaddoan du sukuꞌ na ni daira sutsiꞌ looy.