Siga Pakaradjaan bay Pinalahil 10:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Pag-anu, pus malaikat looy siꞌ ma nangge taꞌ gumi ka dilawut bay ngahowap meꞌ looy, lay ya matangge kawnan na

Siga Pakaradjaan bay Pinalahil 10:5 Iomraidhean Croise

Panagnaan 14:22

Iya tampung si Ibram, “Sapahan ku baw pa Papuꞌ ku, yana Tuhan Mahatinggi ma bay mapayak gumi ka langit,

Salsila siga Rasul 14:15

“Kaam sikamimon, ongoy kam magtuhan ningkami? Kami itu manusiyaꞌ jaꞌ meꞌ kaam du. Kami itu pitu masaplagan kaam jaꞌ umanat mahap pasal Tuhan sabanna ma llum saumu-umu. Iya na silay bay mapayak gumi ka langit sampay dilawut ka mimon-mimon isi da. Kahandak na ina, tikutan bi na siga tuhan bi. Ndang-ndang yaꞌ du silay luu kawasa da nabang kaam.

Salsila siga Rasul 17:23

Batan sasang ku bay maglanan ni daira bi, lay ku ngita jinisan jama-jama ma sinumba meꞌ bi. Maka lay gi ku bay pingkaꞌ ngita disu batu mehe, yana pangulbanan. Njataꞌ na, luu kabtangan bay llukisan, yuk na, ‘Para Tuhan Ma Yaꞌ Kinatoonan.’ Na Tuhan looy ilay siꞌ ma sinumba meꞌ bi san yaꞌ katoonan bi, iya na situ pinasaplag meꞌ ku ningkaam.

Suwat si Pol pa mman Baanan Sukuꞌ si Isa ndooy ni Rom 1:20

Bana na, Tuhan yaꞌ takita, sugaꞌ lay baw ya mōꞌ buktiꞌ ni pagkaTuhan na ka ehe kawasa na ma yaꞌ luu katapusan na. Buktiꞌ na ilay, yana mimon-mimon ma bay papayak na. Sangkon yaꞌ luu daawa man manusiyaꞌ yaꞌ ngisbat iya.

Hibrani 6:13

Intomun bi bay jaman Tuhan nganjanjiꞌ ni Nabi Ibrahim. Taabut Tuhan napa, pagka yaꞌ luu awon langkaw labi man niiya, lay na jaꞌ ya napa makoy awon na mismu.

Siga Pakaradjaan bay Pinalahil 1:18

Aku na situ ginalla ‘Ilooy ma Llum.’ Bay baw ku situ pingkaꞌ matoy, sugaꞌ ndaun na, itu na ku llum pabalik, boꞌ saumu-umu na situ kaallum ku. Aku na situ ngantanan kawasa-kapatut maddusan manusiyaꞌ man kapatoy sampay man tahanan jama matoy.

Siga Pakaradjaan bay Pinalahil 10:2

Maka luu ni tangan na logoran suwat dikiꞌ ndang lay na binallat. Pag-anu, lay nindak battis na huwin pa kawnan taꞌ dilawut. Kuwan kayli na, lay nindak taꞌ gumi.

Siga Pakaradjaan bay Pinalahil 14:7

Dari lay ya ngahowap, yuk na, “Isbatun bi Tuhan maka pudjihun bi ya, batan taabut na situ waktu man na ngahukum mimon manusiyaꞌ. Meꞌ iya bay mapayak gumi ka langit, dilawut ka mimon poon boheꞌ langngin, sumbahun bi ya.”

Siga Pakaradjaan bay Pinalahil 16:17

Na pag tumpahan malaikat looy ni kapituꞌ na isi pinggan na, lay tuwaꞌ pa taꞌ baliyu. Pag lupus, luu na baw pōꞌ suwara haddo man tagan paningkoan looy ni langga looy ni sulgaꞌ, yuk na, “Lupus na.”

Siga Pakaradjaan bay Pinalahil 4:11

“Kau ina Papuꞌ kami maka Tuhan kami. Tawop ko binuwanan pudji ka kabantugan mehe. Kau Sangat Kawasa batan kau bay mapayak mimon-mimon. Yaꞌ luu oy maka oy na bong saꞌ man kahandak nu.”

Siga Pakaradjaan bay Pinalahil 4:9

Wā sila mudji ka mantug sampay muwan pagsukuhan pa ilooy ma llum saumu-umu, yana Tuhan, ilooy ma ningkōꞌ taꞌ paningkoan looy marinta. Na sasang da meꞌ looy,