Siga Pakaradjaan bay Pinalahil 1:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Na ni kapasal aku itu ma nuwat, meꞌ halling sambat ku na siꞌ, aku itu si Yahiya, disu danganakan bi meꞌ kaam du tibuuk ka Papuꞌ Isa. Aku itu sibuꞌ du ka kaam bininsanaꞌ. Saliꞌ-saliꞌ du kitabi natasan laug ma tuwaꞌ ni sagannap ma tabeꞌ ni pamarinta Tuhan. Lay situ ku tasungkub sampay luu na ku bay binoo pitu tinahan ni nusa Patmos. Kon ku bay tasungkub sabap meꞌ ku bay masaplag palman Tuhan ka umanat pasal si Isa.

Siga Pakaradjaan bay Pinalahil 1:9 Iomraidhean Croise

Matiyu 20:23

Yuk si Isa, “Bana sina, takissa bi du mintu kabinsanaan meꞌ karuha ilooy mintu ma sinōng meꞌ ku. Sugaꞌ bong baw hāl meꞌ meneꞌ bong soy ningkōꞌ ni kawnan ku ka kayli ku marinta, saꞌ inaa sukuꞌ ku. Siga paningkoan looy ilay ndang lay na hinalliꞌ meꞌ Mmaꞌ ku para ni jama ma karomanan na pinatingkōꞌ ndooy.”

Malkus 10:39

Yuk ga si Yaꞌkub ka si Yahiya, “Takaya, Tuwan.” Yuk si Isa, “Bana sina, takissa bi du mintu katiksaan ka kabinsanaan meꞌ karuha ilooy ma sinōng meꞌ ku.

Yahiya 16:33

Ni junyaꞌ tuu tu, mastiꞌ lumingkaꞌ jaꞌ sina kam ni jinisan kamalasahiyan. Sugaꞌ pagakun bi jaꞌ atay bi batan lay na situ ku tumanjataꞌ man mimon kasusahan njawom junyaꞌ. Aku ilay bay maan kaam ilooy siꞌ labbasakayi supaya sannang na atay bi man sabapan pagkatibuuk bi ka aku.”

Salsila siga Rasul 1:15

Na luu jaꞌ siꞌ daka dangoy ngallaw bay pingkaꞌ, luu na ga dahatus duwampūꞌ jama ma pitsayaꞌ ni si Isa bay kumpo ndooy. Pag-anu, lay doꞌ si Pitel nangge ni tangngaan da mitsala, yuk na,

Salsila siga Rasul 14:22

Ni siga daira looy siꞌ, bbuwatan da mataggu iman siga sukuꞌ si Isa sampay muwansangan sila yaꞌ nohoꞌ ngalabbahan pangando da ni Papuꞌ Isa. Maka lay gi sila maintoman sila ndooy, yuk da, “Mastiꞌ luu jaꞌ sina jinisan katiksaan talingkaꞌ tabi boꞌ tabi nakka pa jawom pamarinta Tuhan ni sulgaꞌ.”

Suwat si Pol pa mman Baanan Sukuꞌ si Isa ndooy ni Rom 8:17

Maka pagka anak Tuhan na kitabi, mastiꞌ mimon supaat ma dean Tuhan ni Almasi, dean na du sina ningkitabi. Maka hampit na du sina mintu tabi ni kabantugan Almasi basta kitabi mangatas jaꞌ natasan jinisan kabinsanaan meꞌ niiya.

Suwat si Pol pa mman Baanan Sukuꞌ si Isa ndooy ni Rom 8:25

Sugaꞌ halloman yaꞌ gi luu takka, tatasan tabi na pin situ ngagad.

2 Korin 1:7

Sangkon yaꞌ kami gawa pasal kaam. Batan katoonan kami bila kam bininsanaꞌ meꞌ karuha kami, mastiꞌ meꞌ kami na du kam pinagamgaman meꞌ Tuhan.

Pilipi 1:7

Pataꞌ du baw situ ku mamiki meꞌ looy siꞌ pasal kaam sabap yaꞌ kam kuhi lakka man jawom atay ku. Batan man maruhuꞌ lagi ngabut sampay batnaa, yaꞌ kam bay jamu nabangan aku. Njawom jīl ku atawa ni poan masaplag sampay nampungan jama ma nual pasal umanat mahap, basta mehe du bay tabang bi niyaku.

Pilipi 4:14

Kamasaꞌ, mahap du baw lay gi ku tatulung bi sasang ku bay njawom tiksaꞌ.

2 Tesaloneka 3:5

Kamura-murahan tinabangan du kam meꞌ Papuꞌ mari pasōng pangahati bi pasal aseꞌ Tuhan ningkaam. Maka kamura-murahan natas na pin kam njawom kabinsanaan meꞌ bay karuha Almasi.

2 Timuti 1:8

Sangkon daa na ko tawu maan jama pasal Papuꞌ ta. Damikiyan, daa na du ko tawu mangaku ga aku soheꞌ nu sukat ku njawom jīl. Gam pin, magpalapay na ko niyaku natasan oy-oy kamalasahiyan kalnaꞌ umanat mahap pasal Papuꞌ ta. Ndang-ndang luu du kawasa Tuhan nganggaosan kita.

Hibrani 10:36

Subay kam natas njawom kabinsanaan supaya tapabuwat bi kahandak Tuhan sampay pa katapusan. Meꞌ looy ilay, takoleꞌ bi na sina mintu mimon ma bay njanjiꞌ meꞌ Tuhan ni sukuꞌ na.

1 Pitel 5:1

Na kaam, siga pa-mmean baanan sukuꞌ si Isa, luu situ halap ku ningkaam batan aku pun disu pa-mmean meꞌ kaam du. Boꞌ bay gi ku kasakup ka mata ku ma duwa kabinsanaan njataꞌ Almasi. Maka meꞌ aku pun disu ma tabeꞌ ni kabantugan Almasi ni sinōng, junjung ku na ningkaam,

Siga Pakaradjaan bay Pinalahil 1:1

Isi kitab tuu yana siga pakaradjaan ma bay pinalahil meꞌ si Isa Almasi, yana hāl ma yaꞌ na hallom talpaksaꞌ tinakdil. Labbasakayi lay na bay pinamāꞌ meꞌ Tuhan ni si Isa supaya tapalahil na meꞌ na ni siga sosohoan na. Meꞌ si Isa bay malahil, lay ya bay nohoꞌ malaikat na pa mman sosohoan na si Yahiya, yana aku.

Siga Pakaradjaan bay Pinalahil 1:2

Dari suwatan ku na mimon ma bay tasakup ku sampay umanat Tuhan ma bay pinalahil meꞌ si Isa Almasi niyaku.

Siga Pakaradjaan bay Pinalahil 1:4

Ituu tu si Yahiya nuwat pa mman siga baanan sukuꞌ si Isa ni pituꞌ daira nnaa ni Asiya. Kamura-murahan binuwanan na pin kam kasannangan maka barakat meꞌ Tuhan sabanna, ilooy ma ndang luu na man maruhuꞌ-ruhuꞌ ngabut batnaa sampay saumu ni sinōng. Maka kamura-murahan binuwanan na pin kam kasannangan ka barakat meꞌ ilooy ma ginalla Rū Sikapituꞌ, yana Rū Tuhan ma luu na pin ni awpan paningkoan man Tuhan ningkōꞌ marinta.

Siga Pakaradjaan bay Pinalahil 1:6

Boꞌ lay gi kitabi pinatabeꞌ meꞌ na ni pagkasultan na sampay lay gi kitabi binuwat siga imam njawman Mmaꞌ na Tuhan. Tud tawop ya binuwanan kabantugan mehe sampay kapatut magbayaan mimon-mimon saumu-umu. Amin.

Siga Pakaradjaan bay Pinalahil 11:7

Lupus jaꞌ ina mintu sila masaplag mimon ma bay hinalap meꞌ Tuhan ninsila, luu na baw disu sattuwa pōꞌ man jawom lowang tangob looy siꞌ ma yaꞌ mag-ngkoran lawom na. Pag-anu, boꞌ na monoꞌ ga sosohoan looy. Boꞌ yaꞌ sina mintu sila kaatu ni sattuwa looy, boꞌ pinapatoy gi sila.

Siga Pakaradjaan bay Pinalahil 12:11

Lipara lay na tumanjataꞌ siga pagkahi tabi man Ibilis man sabapan lahaꞌ Bili-bili looy bay tumpa man muwasan dusa da. Maka disu gi danan man da bay tumanjataꞌ sabap meꞌ da bay masaplag umanat Tuhan. Yaꞌ na sila bay sēngan umu da san gi man da matoy kalnaꞌ Bili-bili looy.”

Siga Pakaradjaan bay Pinalahil 12:17

Pag ndaꞌ naga looy yaꞌ luu dapat na, tud bay dugahan ya ni danda looy. Dari lay ya lakka mandooy ngalān siga anak danda looy ilooy kasohean. Siga anak na ilay, yana sagannap manusiyaꞌ ma mean panohoan Tuhan ka magkanaalla ngantanan tōꞌ si Isa.

Siga Pakaradjaan bay Pinalahil 13:10

Sagannap kam ma luu kadal bi tasungkub, mastiꞌ tasungkub jaꞌ sina kam. Damikiyan sagannap kam ma luu kadal bi pinapatoy, mastiꞌ pinapatoy jaꞌ sina kam. Sangkon meꞌ kaam siga sukuꞌ Tuhan, subay kam pandoy natas njawom kamalasahiyan sampay tattap mangando ni si Isa.

Siga Pakaradjaan bay Pinalahil 14:12

Sangkon sagannap sukuꞌ Tuhan, yana sagannap ma ngasip ni siga panohoan na, subay takkoꞌ pangando da ni si Isa maka subay pandoy natas njawom kabinsanaan.

Siga Pakaradjaan bay Pinalahil 19:10

Pag takale ku meꞌ looy, ilooy ma lay na ku sujud ni battis na numba iya. Sugaꞌ yuk na, “Daa ko ba buwat meꞌ naa. Tuhan jaꞌ sumbahun. Aku bitu ata Tuhan sadjaꞌ meꞌ kaam du ka siga danganakan nu ma ngantanan umanat Papuꞌ Isa. Boꞌ umanat looy ilay ma bay pinasampay meꞌ Papuꞌ Isa yana kabanahan ma bay tinunaꞌ meꞌ kanabi-nabihan mattoꞌ.”

Siga Pakaradjaan bay Pinalahil 20:4

Pag-anu siꞌ, ngita na baw ku siga paningkoan ga sultan. Kuwan siga jama ma ningkōꞌ ndooy, lay kabuwanan kapatut ngahukum. Maka luu gi bay takita ku tabeꞌ ninsila siga nyawa sagannap ma bay pinonggolan kallong da sabap meꞌ da bay masaplag pasal si Isa Almasi ka palman Tuhan. Yaꞌ sila bay pingkaꞌ numba sattuwa looy atawa jama-jama bay pinabuwat ni limbagan na. Damikiyan, yaꞌ du sila bay kuhi sinapan ka sāp sattuwa looy ni tundun da atawa ni tangan da. Dari llum na sila pabalik sampay lay na tumabeꞌ ni Almasi magsultan njawom dalibu taun.

Siga Pakaradjaan bay Pinalahil 3:10

Pagka kam tattap mean bitsala ku nohoꞌ natasan kabinsanaan kalnaꞌ awon ku, agpangan ta sa kam mintu pag taabut luu katiksaan ni mimon kalahat-lahatan. Batan song takka na sina katiksaan mehe ma nuwayan iman mimon manusiyaꞌ taꞌ babaw junyaꞌ.

Siga Pakaradjaan bay Pinalahil 6:9

Pag lukap Bili-bili looy kanjiꞌ ni kalima na, ngita na baw ku pangulbanan. Ndiyoꞌ na luu ndooy siga nyawa sagannap ma bay pinapatoy sabap meꞌ da bay masaplag palman Tuhan ka meꞌ da kanaalla masampay kabanahan pasal Almasi.

Siga Pakaradjaan bay Pinalahil 7:14

Pag tampung ku, “Tuwan, yaꞌ katoonan ku. Kau ya bina toon.” Dari yuk na niyaku, “Inaa na sina ga jama ma bay na lumingkaꞌ njawom kabinsanaan mehe. Labbasakayi sila bay mopoan juba da ka lahaꞌ Bili-bili looy supaya poteꞌ na, hati na, puwas na dusa da.