Siga Pakaradjaan bay Pinalahil 1:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Dari suwatan ku na mimon ma bay tasakup ku sampay umanat Tuhan ma bay pinalahil meꞌ si Isa Almasi niyaku.

Siga Pakaradjaan bay Pinalahil 1:2 Iomraidhean Croise

Yahiya 1:32

Sibuwa ilay, yaꞌ gi katoonan ku bong soy mintu Almasi. Sugaꞌ jaman ku bay sohoꞌ Tuhan mandi jama ka boheꞌ, ndang bay na palahil na niyaku bong pooy meꞌ ku ngila Almasi. Yuk Tuhan, ‘Bong ko mintu ngita lalla tinampihan meꞌ Rū Sutsiꞌ, boꞌ yaꞌ na lakka man baran na, ilooy na silay Almasi ma mandi jama ka Rū Sutsiꞌ.’ Dari pag taabut ku bay mandi iya, lay du bana takita ku Rū Sutsiꞌ duwai man taꞌ langit meꞌ dagbos atsang, boꞌ na nampi taꞌ baran na sampay yaꞌ na bay palakka.

Yahiya 12:17

Na kon sakiyan jama bay bahuklud pilay nampang si Isa sabap bay sila kaakahan bay bbuwatan na makallum si Lasarus. Batan sagannap ma bay ngita si Isa nohoꞌ si Lasarus pōꞌ man jawom kubu, yaꞌ na luu hantiꞌ da nuntutan jama.

Yahiya 19:35

Na mimon pakaradjaan tuu siꞌ, makibana ku batan aku mismu bay kasakup. Sampay itu na tuntut ku ningkaam supaya pitsayaꞌ na du kam.

Yahiya 21:24

Na mulit looy siꞌ ma bay pinagbitsalahan, yana aku na situ ma nuntut mimon salsila tuu ma bay suwatan ku. Na kami itu sukuꞌ si Isa, katoonan kami bana sadjaꞌ mimon ituu ma bay tuntut ku siꞌ.

Yahiya 3:11

Baan ta ko banahan, kami itu, yaꞌ kami mitsala hāl ma yaꞌ katoonan kami atawa pun ma yaꞌ bay tasakup kami. Salla na, yaꞌ kam pitsayaꞌ ni bitsala kami.

Salsila siga Rasul 22:15

Kau na sina mintu sosohoan Almasi masaplagan manusiyaꞌ nnoy-nnoy jaꞌ pasal ilooy ma bay takita nu sampay takale nu mman na.’

Salsila siga Rasul 26:16

Nangge na ko. Kon ku itu patammu ningkau batan peneꞌ ta na ko binuwat disu sosohoan ku. Subay ko masaplag pasal meꞌ ku siꞌ bay nammuhan kau sampay mimon ma palahil ku ningkau ni sinōng.

Salsila siga Rasul 4:20

Boꞌ kami baw tu, tunmanūn meꞌ kami patagong maan jama ilooy ma bay takita kami pinabuwat meꞌ si Isa ka bay takale kami man na.”

1 Korin 1:6

tandaꞌ pitsayaꞌ na kam ni umanat mahap pasal si Isa Almasi.

1 Korin 2:1

Siga danganakan, taintom bi du sina jaman ku bay pilu masaplag umanat Tuhan ma yaꞌ lagi bay binakka maruhuꞌ. Yaꞌ situ ku bay pingkaꞌ makoy bitsala lawom, batan yaꞌ luu maksud ku mailo-ilohan jama ni kaalistu ku mitsala. Damikiyan, yaꞌ du luu maksud ku muhung binilang halul-akka.

1 Yahiya 1:1

Itu suwat ku ningkaam pasal si Isa Almasi, yana Palman Tuhan ma nampulnaꞌ nyawa manusiyaꞌ saumu-umu. Yaꞌ gi luu oy maka oy na, ndang luu na ya mman Mmaꞌ na Tuhan. Pag-anu, lay ya dari manusiyaꞌ sampay bay maglahat ntuu ni junyaꞌ. Maka lay gi ya takita kami ka mata kami ma duwa. Damikiyan, lay du ya takale kami mitsala. Maka lay gi ya tapurut kami ka tangan kami mismu.

1 Yahiya 4:14

Kami situ mismu bay ngita Anak Tuhan. Sangkon kabāꞌ kami tud mawjud Mmaꞌ na bay mapitu iya nohoꞌ nalamat manusiyaꞌ.

3 Yahiya 1:12

Disu danganakan ma arat na mahap inakig, yana si Demetiri. Mimon danganakan ta nanglitan iya batan kawul-piil na magbēꞌ jaꞌ ka kabanahan. Kami pun ntuu kabāꞌ du mawjud iya jama mahap. Boꞌ bong itu kami māꞌ, katoonan nu na du, yaꞌ kami ngandustaꞌ.

Siga Pakaradjaan bay Pinalahil 1:11

Yuk na, “Suwatan nu mimon pakaradjaan ma song takita nu na. Pag-anu, boꞌ nu mokonan siga akigan na pa mman siga baanan sukuꞌ ku ni pituꞌ daira; disu akigan pa mman siga sukuꞌ ku ndooy ni daira Epesus, disu pa daira Ismirna, disu pa daira Pergamam, disu pa daira Tayatira, disu pa daira Saldis, disu pa daira Piladelpiya, maka disu pa daira Leyodisiya.”

Siga Pakaradjaan bay Pinalahil 1:19

Batnaa, tugun ku ningkau, suwatan nu sa njawom būk ilooy ma bay takita nu siꞌ. Maka suwatan nu mimon hāl ma song pakitahan ku kau labba man hāl ma binakbul batnaa sampay hāl ma yaꞌ na hallom pasunuꞌ.

Siga Pakaradjaan bay Pinalahil 1:9

Na ni kapasal aku itu ma nuwat, meꞌ halling sambat ku na siꞌ, aku itu si Yahiya, disu danganakan bi meꞌ kaam du tibuuk ka Papuꞌ Isa. Aku itu sibuꞌ du ka kaam bininsanaꞌ. Saliꞌ-saliꞌ du kitabi natasan laug ma tuwaꞌ ni sagannap ma tabeꞌ ni pamarinta Tuhan. Lay situ ku tasungkub sampay luu na ku bay binoo pitu tinahan ni nusa Patmos. Kon ku bay tasungkub sabap meꞌ ku bay masaplag palman Tuhan ka umanat pasal si Isa.

Siga Pakaradjaan bay Pinalahil 12:11

Lipara lay na tumanjataꞌ siga pagkahi tabi man Ibilis man sabapan lahaꞌ Bili-bili looy bay tumpa man muwasan dusa da. Maka disu gi danan man da bay tumanjataꞌ sabap meꞌ da bay masaplag umanat Tuhan. Yaꞌ na sila bay sēngan umu da san gi man da matoy kalnaꞌ Bili-bili looy.”

Siga Pakaradjaan bay Pinalahil 12:17

Pag ndaꞌ naga looy yaꞌ luu dapat na, tud bay dugahan ya ni danda looy. Dari lay ya lakka mandooy ngalān siga anak danda looy ilooy kasohean. Siga anak na ilay, yana sagannap manusiyaꞌ ma mean panohoan Tuhan ka magkanaalla ngantanan tōꞌ si Isa.

Siga Pakaradjaan bay Pinalahil 20:4

Pag-anu siꞌ, ngita na baw ku siga paningkoan ga sultan. Kuwan siga jama ma ningkōꞌ ndooy, lay kabuwanan kapatut ngahukum. Maka luu gi bay takita ku tabeꞌ ninsila siga nyawa sagannap ma bay pinonggolan kallong da sabap meꞌ da bay masaplag pasal si Isa Almasi ka palman Tuhan. Yaꞌ sila bay pingkaꞌ numba sattuwa looy atawa jama-jama bay pinabuwat ni limbagan na. Damikiyan, yaꞌ du sila bay kuhi sinapan ka sāp sattuwa looy ni tundun da atawa ni tangan da. Dari llum na sila pabalik sampay lay na tumabeꞌ ni Almasi magsultan njawom dalibu taun.

Siga Pakaradjaan bay Pinalahil 22:21

Dambuli man inaa, barakat man Papuꞌ Isa ningkaam sikamimon. Wassalam

Siga Pakaradjaan bay Pinalahil 6:9

Pag lukap Bili-bili looy kanjiꞌ ni kalima na, ngita na baw ku pangulbanan. Ndiyoꞌ na luu ndooy siga nyawa sagannap ma bay pinapatoy sabap meꞌ da bay masaplag palman Tuhan ka meꞌ da kanaalla masampay kabanahan pasal Almasi.