Siga Pakaradjaan bay Pinalahil 1:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Isi kitab tuu yana siga pakaradjaan ma bay pinalahil meꞌ si Isa Almasi, yana hāl ma yaꞌ na hallom talpaksaꞌ tinakdil. Labbasakayi lay na bay pinamāꞌ meꞌ Tuhan ni si Isa supaya tapalahil na meꞌ na ni siga sosohoan na. Meꞌ si Isa bay malahil, lay ya bay nohoꞌ malaikat na pa mman sosohoan na si Yahiya, yana aku.

Siga Pakaradjaan bay Pinalahil 1:1 Iomraidhean Croise

Yahiya 12:49

Batan tōꞌ ku tu, yaꞌ lakka man pamiki ku dī ku, arapun lakka man Mmaꞌ ku ma bay mapitu aku. Iya nohoꞌ aku bong oy subay tinōꞌ meꞌ ku.

Yahiya 15:15

Na meꞌ kaam ina ngawnan aku Papuꞌ bi, subay ga kam ata ku. Sugaꞌ bong inawnan ata ina, yaꞌ katoonan da bong oy garaꞌ papuꞌ da. Sangkon yaꞌ na kam awnan ku ata ku. Arapun awnan ta na kam bagay, batan lay na kam baan ku mimon ma bay takale ku man Mmaꞌ ku.

Yahiya 17:8

Mimon bay sohoꞌ nu pinamāꞌ niyaku, lay na pasampay ku ninsila, sampay lay na du bay kinapitsayaan meꞌ da. Katoonan da na bana aku lakka mman nu. Pitsayaꞌ na sila kau bay mapitu aku.

Yahiya 3:32

Maka ni kapasal umanat na, binitsala meꞌ na hāl ma bay takita na maka bay takale na ndooy ni sulgaꞌ. Salla na, agon yaꞌ luu pitsayaꞌ niiya.

Yahiya 8:26

Baan ta kam banahan, meka situ bitsala tapōꞌ ku man nusunan kaam, sugaꞌ daa na. Ituu jaꞌ pamāꞌ ku siga pakaradjaan ma bay takale ku man ilooy ma bay mapitu aku, ma sabana-bana bonto.”

Suwat si Pol pa mman Baanan Sukuꞌ si Isa ndooy ni Rom 16:25

Na katapusan bitsala ku, pudji tabi Tuhan. Iya ina nganggaosan kaam mari kam yaꞌ usik man umanat ma bay tinōꞌ ningkaam. Umanat ma awnan ku yana umanat mahap pasal si Isa Almasi ma pinasaplag meꞌ ku. Umanat mahap itu, ndang luu na njawom siga suwat kanabi-nabihan, sat na jaꞌ yaꞌ gi bay tumampak kamaatunan na.

Galatiya 1:12

Damikiyan, yaꞌ du bay takoleꞌ ku man manusiyaꞌ. Yaꞌ sina luu guru bay noan aku. Arapun umanat looy ilay bay pinalahil niyaku meꞌ si Isa Almasi mismu.

Epesus 3:3

Sarī gi, lay na pinalahil niyaku pakaradjaan pasal garaꞌ Tuhan ma yaꞌ gi bay pinalahil maruhuꞌ. Sabahagiꞌ lay na bay sabbut ku siꞌ ni panagnaan suwat tuu.

Taytus 1:1

Ituu itu aku, si Pol, disu ata Tuhan saltaꞌ na rasul si Isa Almasi. Itu suwat ku pa mman nu Taytus. Meꞌ ku ngingat, sibuꞌ du ko ka anak ku rahasiyaꞌ sabap meꞌ ta dambuwaꞌ atay pitsayaꞌ ni umanat mahap pasal si Isa. Kamura-murahan binuwanan na pin ko kasannangan ka barakat meꞌ Mmaꞌ tabi Tuhan ka tukang nalamat kitabi, yana si Isa Almasi. Ndang katoonan nu du, meꞌ aku disu rasul, bay ku kawakilan noan sagannap ma bay peneꞌ Tuhan supaya patakkoꞌ pangando da ni si Isa. Kamura-murahan man sabapan umanat mahap ma pasampay ku, pasōng du dawom da ngakig arat-tabiat Tuhan. Boꞌ na, bong siꞌ ina umanat mahap kinapitsayaan, tatantu jama luu na kasampulnaan nyawa da saumu-umu. Kasampulnaan nyawa ina, ndang lay na bay njanjiꞌ meꞌ Tuhan ni manusiyaꞌ maruhuꞌ-ruhuꞌ lagi. Boꞌ bila ina Tuhan, yana tukang nalamat kitabi, bay nganjanjiꞌ, mastiꞌ mmeꞌ jaꞌ ya ni lapa na. Dari pag taabut masa ma bay ginantaꞌ meꞌ Tuhan, lay na pinalahil meꞌ na si Isa yana lān man manusiyaꞌ koleꞌ kaallum bahau. Na umanat mahap pasal kaallum bahau ina, yana umanat ma bay sinohoꞌ pinasaplag niyaku.

Siga Pakaradjaan bay Pinalahil 1:19

Batnaa, tugun ku ningkau, suwatan nu sa njawom būk ilooy ma bay takita nu siꞌ. Maka suwatan nu mimon hāl ma song pakitahan ku kau labba man hāl ma binakbul batnaa sampay hāl ma yaꞌ na hallom pasunuꞌ.

Siga Pakaradjaan bay Pinalahil 1:9

Na ni kapasal aku itu ma nuwat, meꞌ halling sambat ku na siꞌ, aku itu si Yahiya, disu danganakan bi meꞌ kaam du tibuuk ka Papuꞌ Isa. Aku itu sibuꞌ du ka kaam bininsanaꞌ. Saliꞌ-saliꞌ du kitabi natasan laug ma tuwaꞌ ni sagannap ma tabeꞌ ni pamarinta Tuhan. Lay situ ku tasungkub sampay luu na ku bay binoo pitu tinahan ni nusa Patmos. Kon ku bay tasungkub sabap meꞌ ku bay masaplag palman Tuhan ka umanat pasal si Isa.

Siga Pakaradjaan bay Pinalahil 17:1

Pus meꞌ looy, luu na baw pasōng pa mman ku disu ni siga malaikat looy sikapituꞌ ma bay numpahan isi pinggan da, yuk na, “Tu ko, pakitahan ta ko bong pooy meꞌ induꞌ siga puta minulkaan, yana ilooy ma ningkōꞌ ni tagan sōng meka.

Siga Pakaradjaan bay Pinalahil 19:10

Pag takale ku meꞌ looy, ilooy ma lay na ku sujud ni battis na numba iya. Sugaꞌ yuk na, “Daa ko ba buwat meꞌ naa. Tuhan jaꞌ sumbahun. Aku bitu ata Tuhan sadjaꞌ meꞌ kaam du ka siga danganakan nu ma ngantanan umanat Papuꞌ Isa. Boꞌ umanat looy ilay ma bay pinasampay meꞌ Papuꞌ Isa yana kabanahan ma bay tinunaꞌ meꞌ kanabi-nabihan mattoꞌ.”

Siga Pakaradjaan bay Pinalahil 19:9

Pag-anu siꞌ, yuk disu malaikat niyaku, “Suwatan nu ituu: Njawom supaat sina soysoy bay kinaddoꞌ nohoꞌ ngaluruk pangawinan Bili-bili looy.” Maka yuk na lagi, “Bitsala tuu itu siꞌ, mastiꞌ bana jaꞌ batan lakka man Tuhan.”

Siga Pakaradjaan bay Pinalahil 21:2

Maka luu gi takita ku duwai man sulgaꞌ daira sutsiꞌ, yana Jerusalem bahau lakka man Tuhan. Daira looy siꞌ tud dorogan. Bong nnaꞌ ta pa danda, subay ga disu pangantin danda ayad gamis na. Maka lakkop na ya meꞌ mmas man na magpalingkat banahan pag taabut na kinawin ka pangantin ma lalla.

Siga Pakaradjaan bay Pinalahil 21:9

Pag-anu siꞌ, luu na baw pasōng disu ni siga malaikat looy sikapituꞌ ma bay numpahan isi pinggan da pannoꞌ leꞌ katapusan balaꞌ looy siꞌ sikapituꞌ, yuk na niyaku, “Tu ko, pakitahan ta doꞌ ko pangantin ma danda ma song kinawin ka Bili-bili looy.”

Siga Pakaradjaan bay Pinalahil 22:1

Pag-anu siꞌ, pinakitahan na baw ku meꞌ malaikat looy disu sōng ma muwan kaallum saumu boheꞌ na. Sōng looy siꞌ nginggat na maka tallak meꞌ sammin na, pōꞌ man paningkoan Tuhan ka Bili-bili looy.

Siga Pakaradjaan bay Pinalahil 22:16

Yuk si Isa lagi, “Aku na mismu bay nohoꞌ malaikat ku malahil siga pakaradjaan tuu siꞌ ningkaam siga baanan sukuꞌ ku. Aku na situ panubuꞌ Sultan Daud ma bay tinunaꞌ njawom kitab. Maka aku itu ginalla Kababbasan Dantaꞌ.”

Siga Pakaradjaan bay Pinalahil 22:6

Pag-anu, yuk malaikat looy siꞌ niyaku, “Na ilooy ilay siꞌ mimon ma bay bināꞌ ningkau, kanaalla jaꞌ silay maka taasahan. Maruhuꞌ ilay, siga kanabi-nabihan bay sohoꞌ Papuꞌ ta Tuhan malahil kabanahan. Pag batnaa, itu na baw ku, disu malaikat na, sohoꞌ na malahil ningkaam, siga sosohoan na, hāl ma deꞌ-dēꞌ na binakbul.”

Siga Pakaradjaan bay Pinalahil 22:8

Na ilooy ilay siꞌ mimon ma bay tuntut ku, aku na mismu, yana si Yahiya, bay kale sampay bay ngita. Pus ku bay pinakitahan mimon pakaradjaan looy siꞌ meꞌ malaikat looy, ilooy ma magti ku sujud numba ni battis na.

Siga Pakaradjaan bay Pinalahil 22:9

Sugaꞌ yuk na niyaku, “Uy, daa ba. Tuhan jaꞌ sumbahun. Aku bitu ata Tuhan sadjaꞌ meꞌ kau du ka siga danganakan nu sukuꞌ Tuhan. Saliꞌ du kitabi ata Tuhan sadjaꞌ meꞌ karuha kanabi-nabihan ka mimon ma mogbogan isi kitab tuu.”

Siga Pakaradjaan bay Pinalahil 4:1

Pus meꞌ looy, takita ku na baw lawang sulgaꞌ bukaꞌ. Maka takale ku na baw balik suwara looy siꞌ ma meꞌ haddo tabuliꞌ mitsala niyaku, yuk na, “Dutai ko pitu, boꞌ nu pakitahan ku ga pakaradjaan ma talpaksaꞌ tinakdil ni sinōng.”

Siga Pakaradjaan bay Pinalahil 5:7

Pag-anu siꞌ, lay na pasōng Bili-bili looy pa paningkoan looy ngaddoꞌ logoran suwat looy man kawnan ilooy ma ningkōꞌ ndooy.