Pilipi 4:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Maka ikutun bi na pin mimon ma bay takoleꞌ bi man ku, labba man siga tōꞌ ku sampay na kawul-piil ma bay tasakup bi njataꞌ ku. Bong siꞌ ina inaa pakutuꞌ bi, mastiꞌ inunungan jaꞌ sina kam meꞌ Tuhan ma muwan kasannangan njawom atay bi.

Pilipi 4:9 Iomraidhean Croise

Matiyu 1:23

“Bbos-bbos luu sina budjang battong yaꞌ san bay pingkaꞌ sitapit ka lalla. Pag pōꞌ anak na, lalla. Bbos-bbos inawnan ya si Emmanuwel.” (Hatiyan na, Tuhan luu na ntuu mman tabi.)

Matiyu 28:20

Pabadjahun bi na sila mmeꞌ ni mimon bay panohoan ku ningkaam. Intomun bi, luu na pin sina ku ngunungan kaam ngabut sampay llaw dambuli.”

Matiyu 7:21

Maka yuk si Isa, “San ina meka jama ngawnan aku ‘Papuꞌ,’ saꞌ du baw sina mintu mimon sila tabeꞌ ni pamarinta Tuhan. Ilooy du ilay mintu tabeꞌ yana sagannap ma mean kahandak Mmaꞌ ku ni sulgaꞌ.

Lukas 6:46

Pag-anu, yuk si Isa lagi, “Kannahun bi bitsala ku. Yaꞌ sina sikatuwaꞌ bong kam ngawnan aku ‘Papuꞌ,’ boꞌ yaꞌ baw kam mmeꞌ ni tōꞌ ku.

Lukas 8:21

Pag tampung si Isa, “Ohoꞌ, sugaꞌ meꞌ ku ngingat, saꞌ sat sila nneꞌ ku ka ga danganakan ku. Batan sagannap ma pakale sampay ngasip ni umanat Tuhan, sila pun ina bilang ku du nneꞌ ku ka ga danganakan ku.”

Yahiya 13:17

Na pagka tahati bi na pamintangan ma bay pakitahan ku siꞌ ningkaam, njawom supaat sina kam bong siꞌ ikut bi du.”

Yahiya 15:14

Boꞌ kaam na sina kabagayan ku bong bean bi jaꞌ siga panohoan ku.

Yahiya 2:5

Pag-anu siꞌ, yuk nneꞌ na ni siga tukang motang ndooy, “Bong ya nohoꞌ kaam, asipun bi jaꞌ, ha?”

Salsila siga Rasul 9:6

Nangge na ko, boꞌ nu pawus na pa daira looy. Ndooy sa mintu, boꞌ nu binaan bong oy subay pabuwat nu.”

Suwat si Pol pa mman Baanan Sukuꞌ si Isa ndooy ni Rom 15:33

Kamura-murahan inunungan na pin kam meꞌ Tuhan, yana poonan kasannangan. Amin.

Suwat si Pol pa mman Baanan Sukuꞌ si Isa ndooy ni Rom 16:20

Luu du sina Tuhan, yana poonan kasannangan, tattap nabangan kaam nalloban Ibilis. Dambuli man inaa, kamura-murahan luu na pin aseꞌ-tabang Papuꞌ tabi si Isa Almasi njataꞌ bi.

1 Korin 10:31

Sugaꞌ ituu baw meꞌ ku ka jama ma mitsala meꞌ looy: Oy-oy kakan bi ka inum bi atawa oy-oy pabuwat bi, subay kaboo kabantugan pa Tuhan maksud bi.

1 Korin 14:33

batan kahandak Tuhan ina, subay hatu meꞌ tabi numba iya. Yaꞌ ya doman hipos njawom baanan tabi. Na kuwan karandahan ma mmeꞌ numba, subay akig da tabiat inikut meꞌ mimon baanan sukuꞌ Papuꞌ Isa.

1 Korin 4:16

Sangkon, junjung ku na ningkaam, akigun bi jaꞌ kadarihan ku.

2 Korin 13:11

Katapusan bitsala ku, siga danganakan, pagakun bi atay bi. Pagbuli-bulihan bi mogbogan kawul-piil ayad. Kannahun bi banahan palbiatan ku maka tuyuan bi meꞌ bi dambuwaꞌ atay. Miha kam jalan man bi wā njawom kasalassayan ka pagkahi bi. Bong siꞌ ina bean bi jaꞌ, inunungan jaꞌ sina kam meꞌ Tuhan, yana poonan aseꞌ ka kasannangan.

Pilipi 3:17

Siga danganakan, akigun bi jaꞌ kawul-piil ku. Maka bong kam ngita jama ma sibuꞌ arat-tabiat da ka ningkami, akigun bi du.

Pilipi 4:7

Bong ina suhuran bi kasusahan bi pa Tuhan, binuwanan du sina kam meꞌ na kasannangan njawom atay bi ka njawom pamiki bi sabapan pagkatibuuk bi ka si Isa Almasi. Boꞌ kasannangan man Tuhan ina tud kainu-inu, yaꞌ takaya hinati meꞌ manusiyaꞌ.

1 Tesaloneka 1:6

Kaam ilay bay ngahasi umanat kami, tud gāk kam man sabapan Rū Sutsiꞌ san bay basag laug njataꞌ bi. Dari sabap meꞌ bi amu-amu natas ni laug ka kabinsanaan, tumatandaꞌ na lay na kam ngakig kadarihan kami ka Papuꞌ Isa.

1 Tesaloneka 2:14

Siga danganakan, sibuꞌ na du sina kadari bi ka siga baanan pagkahi bi sukuꞌ si Isa ndooy ni Yahudiya. Batan lay na du kam bay nilaugan leꞌ bangsa bi meꞌ bay karuha sila du bay nilaugan leꞌ pagkahi da bangsa Yahudi.

1 Tesaloneka 5:23

Kamura-murahan tinabangan du kam meꞌ Tuhan, yana poonan kasannangan, supaya sutsiꞌ na banahan mimon kawul-piil bi. Kamura-murahan inayaran na pin meꞌ na nyawa bi, pamiki bi, sampay baran bi supaya yaꞌ luu sutsutan njataꞌ bi pag beleng Papuꞌ tabi si Isa Almasi.

2 Tesaloneka 3:4

Maka pagka tibuuk na kam ka Papuꞌ Isa, tatantu kami bean bi na sina mimon bay tugun kami ningkaam ngabut sampay ni sinōng.

2 Timuti 4:22

Katapusan bitsala ku, kamura-murahan inunungan na pin ko meꞌ Papuꞌ sampay binuwanan barakat. Wassalam

Yaꞌkub 1:22

Daa sat pakale jaꞌ kam ni palman na, arapun bean bi du. Batan bong ina yaꞌ bean bi, ngandupang jaꞌ kam dī bi bong kam mista salamat kam.

2 Pitel 1:10

Sangkon siga danganakan, pagbuli-bulihan bi na meꞌ bi mean bay halap ku siꞌ mari luu buktiꞌ lay na kam lliyun sampay pineneꞌ meꞌ Tuhan binuwat sukuꞌ na. Meꞌ naa ina, yaꞌ na luu masa bi kapagdusa.

1 Yahiya 3:22

Boꞌ na, oy-oy paku tabi pa Tuhan, nduwan jaꞌ sina kitabi batan asip tabi jaꞌ siga panohoan na maka pabuwat tabi ilooy ma kasulut niiya.