Pilipi 4:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Oy-oy jaꞌ katuwaꞌ ningkaam, daa kam susa. Gam pin maku kam pa Tuhan oy-oy jaꞌ gunahan ningkaam maka daa takupan bi muwan pagsukuhan niiya.

Pilipi 4:6 Iomraidhean Croise

Matiyu 10:19

Bila kam mintu sinumariya na, daa na kam hanggaw bong oy tampung bi. Ndang-ndang luu du sina Rū Tuhan ngunungan kaam sampay muwanan kaam bitsala pataꞌ man nampung.

Matiyu 13:22

“Kuwan tanaꞌ looy ma meka lumput itingan na man bani looy bay tumiluꞌ, tuwaꞌ pa sagannap ma bay kale umanat Tuhan sampay pitsayaꞌ, sugaꞌ wā sila hanggaw ni hāl meꞌ da llum ni junyaꞌ. Taboo-boo sila magsiꞌ meꞌ napsu da ni sīn. Dari song hallom, umanat Tuhan njawom atay da, bong dalil ta pa tinanom, lay na limbo leꞌ lumput sampay yaꞌ du buwaꞌ.

Matiyu 6:34

Sangkon, daa na kam hanggaw ni hāl ma inabut meꞌ bi sumawung. Saddong na siga problema ma luu ni llaw tuu, san daa na sampunan bi.”

Matiyu 6:8

Daa na kam ngakig sila batan ndang tasayu du sina meꞌ Mmaꞌ bi bong oy gunahan ningkaam minsan kam yaꞌ gi bay maku niiya.

Lukas 10:41

Iya tampung si Isa, “Uy Malta, meka la kinagampangan meꞌ nu.

Lukas 12:22

Pag-anu, yuk si Isa ni siga mulit na, “Daa na kam hanggaw ni hāl meꞌ bi llum, meꞌ sapantun hāl kinakan ka pamakoy bi.

Lukas 12:29

“Sangkon daa na kam hanggaw ni kapasal pooy meꞌ bi koleꞌ kinakan atawa inuman.

Lukas 18:1

Pag-anu, lay na baw si Isa muwan pamintangan ni siga mulit na supaya tahati da subay sila wā maku duwaa pa Tuhan. Maka subay sila yaꞌ jamu ngaholat duwaa da kinabbul.

Lukas 18:7

Labi na bong Tuhan saꞌ nabangan siga sukuꞌ na ma maku duwaa pa mman na sangom-llaw. Mastiꞌ tanggehan na jaꞌ sina kaintongan da. Yaꞌ sina ya mabiya sila.

1 Korin 7:21

Bong kam ndang ata jaman bi bay lliyun mmeꞌ ni si Isa, saba jaꞌ kam. Sugaꞌ bong baw luu na dapat bi pinaddusan man pagkaata bi, pilayun bi.

1 Korin 7:32

Kon ku ilay siꞌ halling meꞌ looy mari kam sumunsayaꞌ makutuꞌ kahandak Papuꞌ. Bong nnaꞌ ta pa lalla yaꞌ ndahan, yaꞌ luu kasanggalang niiya maghulas-sangsāꞌ kalnaꞌ Papuꞌ ka nulut kahandak na.

2 Korin 1:11

Na kuwan kaam, bong ina kam makuhan kami na pin duwaa, tabang mehe sina ningkami. Boꞌ na, meka na du sina mintu jama muwan pagsukuhan pa Tuhan pag taaka da kinabbul na duwaa bi ningkami.

Epesus 5:20

Subay kam wā magsuku ni Mmaꞌ tabi Tuhan sabapan mimon supaat na njataꞌ tabi njawman Papuꞌ tabi si Isa Almasi.

Epesus 6:18

Maka njawom bi makoy siga kalangkapan ma bay sabbut ku siꞌ, maku na pin kam duwaa pa Tuhan. Maka bean bi jaꞌ Rū Sutsiꞌ magmundaan kaam njawom bi maku tabang pa Tuhan. Meꞌ kaam ina sundalu Almasi, iyakin kam. Maka daa kam jamu makuhan siga pagkahi bi sukuꞌ Almasi duwaa pa Tuhan.

Kolossa 3:15

Tuhan ina bay ngaliyun kitabi supaya kitabi tibuuk pa disu baran sa njawman Almasi maka supaya kitabi wā njawom kasalassayan. Sangkon daa kam buwat oy maka oy na ma kalangkat ni kasalassayan ma lakka man Almasi. Maka subay kam tattap magsuku pa Tuhan.

Kolossa 3:17

Meꞌ kaam ina wakil Papuꞌ Isa, mimon bitsala bi ka pabuwatan bi subay magbēꞌ ka ntan bi. Maka subay kam wā magsuku ni Mmaꞌ tabi Tuhan sabapan mimon bay pabuwat si Isa ningkaam.

Kolossa 4:2

Na kaam sikamimon, maku na pin kam duwaa pa Tuhan. Maka bila kam maku duwaa, jagahan bi niyat atay bi maka muwan kam pagsukuhan pa Tuhan.

1 Timuti 2:1

Na Timuti, luu situ tugun ku ma subay pasampay nu ni baanan sukuꞌ si Isa nnaa. Numbul satu, sohoun sila makuhan mimon manusiyaꞌ duwaa pa Tuhan supaya sila sinalamat. Maka sohoun du sila muwan pagsukuhan pa Tuhan sabap meꞌ na nalamat sila.

1 Timuti 5:5

Siga bawu danda ma talpaksaꞌ tinulung yana sagannap ma yaꞌ luu lūng-kampung da samasakali mangatas ninsila. Siga bawu meꞌ looy ilay, yaꞌ luu pag-asa da sarī man Tuhan. Sangkon iya sa man da maku tulung sangom-llaw.

1 Pitel 4:7

Na katapusan junyaꞌ ina, yaꞌ na hallom. Sangkon paayarun bi na pamiki bi maka ilagan bi dī bi supaya yaꞌ na luu kasanggalang ningkaam maku duwaa pa Tuhan.

1 Pitel 5:7

Suhuran bi na mimon kasusahan bi pa Tuhan sabap hagaan kam niiya.