Pilipi 4:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Na siga danganakan, ni mimon kahalan bi, pagakun bi jaꞌ atay bi sabap sukuꞌ Papuꞌ Isa na kam. Sangkon, meꞌ halling ku na siꞌ, pagakun bi atay bi.

Pilipi 4:4 Iomraidhean Croise

Matiyu 5:12

Bila ina mintu kam lumangga na meꞌ naa, pagakun bi atay bi batan luu sina mintu tungbas bi mehe ni sulgaꞌ. Intomun bi, ngkon ilay siga kanabi-nabihan pinaehe banahan sabap meꞌ da bay kanaalla natasan jinisan kabinsanaan kalnaꞌ Tuhan.”

Salsila siga Rasul 16:25

Na pag taabut ga tangngaꞌ bahangi, bbuwatan ga si Pol ka si Saylas maku duwaa sampay ngalang kalangan pudji pa Tuhan. Kuwan ga pagkahi da pilisu, pakale jaꞌ ninsila.

Salsila siga Rasul 5:41

Pag lakka ga rasul looy man baanan Sanhidrin, tud bay gāk sila batan kabantugan mehe ninsila bay natas pinakiyaꞌ kalnaꞌ awon si Isa.

Suwat si Pol pa mman Baanan Sukuꞌ si Isa ndooy ni Rom 12:12

Maka pagka luu holat tabi ayad man Tuhan, subay kitabi gāk. Bila luu kasusahan tabi, tatasan tabi na sadjaꞌ. Maka bila luu paku tabi pa Tuhan, daa kitabi jamu maku.

2 Korin 6:10

San yaꞌ taambat kamalasahiyan talingkaan kami, yaꞌ du baw bay maglumba kagakan njawom atay kami. San kami miskin, meka na baw jama magkadayahan meꞌ kami ka altaꞌ ma natas saumu-umu. San yaꞌ luu oy maka oy na ni junyaꞌ tuu ma taawnan kami dapu, pagka kami tibuuk na ka Almasi, mimon ma luu niiya, ningkami na du.

Galatiya 1:8

Sugaꞌ baan ta kam banahan, san gi situ kami atawa malaikat man sulgaꞌ, bong masaplag umanat sarī man ilooy ma bay pasaplag kami ningkaam, minulkaan jaꞌ sina sila.

Pilipi 2:18

Damikiyan kaam pun, kamura-murahan gāk du kam maka gāk du kam niyaku.

Pilipi 3:1

Na siga danganakan ku, pagakun bi atay bi sabap sukuꞌ Papuꞌ Isa na sina kam. Yaꞌ situ ku jamu magsibalik-balik bitsala njawom suwat tuu batan palbiatan ku itu pa kaayaran ningkaam mari kam yaꞌ takoleꞌ pinagsian.

1 Pitel 4:13

Gam na kam gāk sabap meꞌ bi bay tabeꞌ ni kabinsanaan bay lingkaan Almasi. Batan pag beleng na ina mintu sampay pinalahil na ehe kabantugan na, magdaruhun gi sina kagakan bi.