Pilipi 2:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Tandaꞌ na magpadiyoꞌ, lay gi ya maglillaꞌ pinapatoy llansang taꞌ tehang man na ngasip ni mimon kahandak Mmaꞌ na.

Pilipi 2:8 Iomraidhean Croise

Matiyu 17:2

Lay jaꞌ siꞌ sila ndooy, ilooy ma halin na bantuk si Isa ni awpan da. Sahayaꞌ luwa na meꞌ mataallaw na sampay pakayan na lay na ga papoteꞌ malaas na maka nahayaꞌ na.

Matiyu 26:39

Pag-anu siꞌ, lay na ya palawak-lawak dangkitiꞌ man bihing da boꞌ na pahangkop taꞌ tanaꞌ maku duwaa, yuk na, “Maꞌ, bong siꞌ luu dapat, hawasan nu na kabinsanaan ma bay gantaꞌ nu njataꞌ ku. Sugaꞌ subay kahandak nu binean, saꞌ ga niyaku.”

Matiyu 26:42

Pag-anu siꞌ, lakka na baw si Isa pabalik, boꞌ na maku duwaa ni kaminduwa na, yuk na, “Maꞌ, bong yaꞌ na luu dapat man ngalakkahan kamalasahiyan mehe ma song tuwaꞌ njataꞌ ku, mastiꞌ subay kahandak nu binean.”

Lukas 9:29

Sasang si Isa maku duwaa, halin na bantuk luwa na sampay pamakoy na lay na ga papoteꞌ malaas na maka nahayaꞌ na.

Yahiya 10:18

Yaꞌ luu kalakkahan umu ku, sugaꞌ aku ya sina mintu maggasad bayaꞌ nongan umu ku. Luu kapatut ku nongan umu ku maka luu du situ kapatut ku mawiꞌ. Batan ndang ituu bay sinohoꞌ meꞌ Mmaꞌ ku niyaku.”

Yahiya 14:31

Ilooy ya asip ku, mimon ma sohoꞌ Mmaꞌ ku pinabuwat niyaku mari katoonan mimon manusiyaꞌ bong pooy basag aseꞌ ku ni Mmaꞌ ku. Sūng bi na, pilay na kitabi.”

Yahiya 15:10

Bong ina bean bi jaꞌ siga panohoan ku, kasengan bi sina aseꞌ ku. Aku pun, wā du bean ku siga panohoan Mmaꞌ ku sabap kasengan ku aseꞌ na.

Yahiya 4:34

Sugaꞌ yuk si Isa ninsila, “Kinakan ku bitu yana mean kahandak ilooy ma bay nohoꞌ aku pitu maka mupus pabuwatan ma bay sinukuꞌ meꞌ na niyaku.

Salsila siga Rasul 8:33

Pinabuwat ya kalabbiyan. Subay siꞌ yaꞌ bay luu hukuman bay labuꞌ pa jataꞌ na. Yaꞌ luu panubuꞌ na tasabbut sabap yaꞌ na bay pinatahaꞌ umu na taꞌ junyaꞌ tuu.”

Suwat si Pol pa mman Baanan Sukuꞌ si Isa ndooy ni Rom 5:19

Bong pasiglaꞌ ta bitsala, poonan disu jama yaꞌ bay ngasip, sikamimon manusiyaꞌ bay dari baldusa. Sugaꞌ poonan disu jama bay ngasip ni panohoan Tuhan, meka na manusiyaꞌ bay initung intong.

2 Korin 8:9

Ngaddoꞌ jaꞌ kam pamintangan ni Papuꞌ tabi si Isa Almasi. Katoonan bi na du ehe aseꞌ na ningkitabi. San ya dayahan ni sulgaꞌ, lay na ga ya pitu pa junyaꞌ niksaꞌ dī na njawom miskin supaya luu na lawang man tabi koleꞌ ladjikiꞌ ma natas saumu-umu.

Galatiya 3:13

Boꞌ kitabi itu, ndang katoonan tabi na mimon manusiyaꞌ ngalangga saraꞌ Tuhan. Sangkon pataꞌ kitabi minulkaan bbos-bbos. Lipara, luu na Almasi bay nongan umu na llansang taꞌ tehang supaya tapaddusan na na kitabi man mulkaꞌ Tuhan. Iya ilay gantiꞌ tabi minulkaan. Boꞌ magbēꞌ du silay ka suwat njawom kitab, ilooy ma yuk na, “Soysoy pinapatoy siniitan taꞌ tehang, tumatandaꞌ lay minulkaan meꞌ Tuhan.”

Taytus 2:14

Iya ilay, lay na ga bay nongan umu na kalnaꞌ kitabi supaya tapaddusan na na kitabi man tabiat tabi buwat dusa, maka supaya tapasutsiꞌ na kitabi. Batan kahandak na ina, luu na sukuꞌ na ma tinagi buwat mahap, ma pabiddaꞌ man kasohean manusiyaꞌ.

Hibrani 12:2

Maka subay kitabi tattap magpadduman njataꞌ si Isa. Batan iya suntuan numbul satu man tabi ngita pangando sukup pa Tuhan. Maka sabapan na, patakkoꞌ na pin pangando tabi. Bistahun bi doꞌ, atas na bay natasan kabinsanaan nilansang taꞌ tehang kalnaꞌ kitabi. Maka san kaiyaan niiya binuwat meꞌ looy, yaꞌ du bay paruli na. Batan pinandang meꞌ na kagakan ma takoleꞌ na ni sinōng pag taabut na ngita jama sakiyan salamat. Pag batnaa, lay na ya ningkōꞌ ni bihing Tuhan huwin pa kawnan ndooy ni sulgaꞌ.

Hibrani 12:4

San ina kam malasahi hangat naggaꞌ kalaatan, masi du yaꞌ luu pangabut-ngabut bi ni bay kamalasahiyan si Isa. Intong na, kamalasahiyan bi yaꞌ du man lahaꞌ bi tumpa.

1 Pitel 2:24

Boꞌ lay gi paglillaꞌ na baran na llansang taꞌ tehang bong pin tatanggung na jaꞌ dusa tabi. Kon na buwat meꞌ looy supaya patagong na kitabi buwat dusa boꞌ tabi makutuꞌ meꞌ buwat kaintongan. Dari meꞌ halling njawom kitab, “Man sabapan siga bakat bisa ni baran na, kaulian na kitabi.”

1 Pitel 3:18

Mamintang jaꞌ kam ni Almasi. San ya intong gi man intong, lay du ya bininsanaꞌ. Sampay lay na ga ya matoy sakayi labba du kalnaꞌ mimon baldusa pangkat-mamangkat. Lay na tanggung na mimon dusa tabi supaya kitabi mahap na pa Tuhan. Dari siꞌ, bay na pinapatoy jasad na, sugaꞌ lay na baw ya pinakallum ka jasad bahau ma yaꞌ na kuhi matoy.