Pilipi 2:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Siga danganakan, saꞌ ba, gāk kam sabap tibuuk na kam ka Almasi maka kagamgaman na kam sabapan aseꞌ na ningkaam? Maka saꞌ ba, lungbid na kam ka Rū Sutsiꞌ sampay luuy na kam ni jama? Pagka meꞌ naa,

Pilipi 2:1 Iomraidhean Croise

Lukas 2:25

Na ndooy ni Jerusalem, luu disu lalla inawnan si Simiyun. Iya ilay intong maka tud ngisbat Tuhan. Ndang hallom na ya magdautan katakka tukang nalamat bangsa Israil. Maka luu na pin Rū Sutsiꞌ ngunungan iya.

Yahiya 14:18

“Na san ku ina lakka, yaꞌ du sina kam mbanan ku meꞌ saparati siga anak iluꞌ-iluꞌ iyatin. Basta beleng ta du kam sina.

Yahiya 14:27

“Sangkon daa susa atay bi maka daa kam tawu. Mbanan ta sa kam kasannangan njawom atay bi, yana kasannangan ku ma yaꞌ sibuꞌ ka ilooy ma pinag-awnan kasannangan meꞌ sagannap ma saꞌ sukuꞌ ku.

Yahiya 17:13

“Batnaa tu Maꞌ, song moleꞌ na ku pa mman nu. Sugaꞌ pakalehan ku doꞌ siga mulit ku bitsala ku meꞌ tuu padpad ku masi ni junyaꞌ tuu. Kon meꞌ looy supaya meꞌ aku na du sila pannoꞌ na atay da leꞌ kagakan.

Salsila siga Rasul 2:46

Llaw-llaw kumpo sila numba ni langga mehe. Ni kahilas atay da, gāk sila sipahampit-pahampit kinakan da maka tigiꞌ sila siharung-harung mangan ni siga lumaꞌ da.

Salsila siga Rasul 4:32

Na mimon ilay siꞌ ma pitsayaꞌ ni si Isa ndooy ni Jerusalem dambuwaꞌ atay ka dambuwaꞌ maksud. Yaꞌ luu ninsila mista altaꞌ da para ni dī da sadjaꞌ. Saliꞌ-saliꞌ sila mahampitan soysoy sila kabus.

Suwat si Pol pa mman Baanan Sukuꞌ si Isa ndooy ni Rom 5:5

Maka tiyap-tiyap ina tattap holat tabi ni siga janjiꞌ Tuhan, mastiꞌ yaꞌ kitabi kaap-apan. Batan tinuman du sina meꞌ Tuhan mimon janjiꞌ na ningkitabi. Man tabi katantu sabap takissa tabi na aseꞌ Tuhan njawom atay tabi sabapan Rū Sutsiꞌ lay na pinaasok meꞌ na ningkitabi.

Suwat si Pol pa mman Baanan Sukuꞌ si Isa ndooy ni Rom 8:26

Na tamūd ina luu pabuwatan yaꞌ takaya tabi. Kahapan, luu na pin sina Rū Sutsiꞌ nabangan kitabi. Nnaꞌ ta na pa maku duwaa pa Tuhan. Tamūd yaꞌ san katoonan tabi bong oy pataꞌ subay paku tabi mman Tuhan. Lipara, luu du Rū Sutsiꞌ makuhan kitabi duwaa pasal pakaradjaan njawom atay tabi ma yaꞌ luu bitsala tatammu bong pooy meꞌ halling.

1 Korin 12:13

Lay na kitabi tinibuuk meꞌ Tuhan pa disu baran sa batan lay na kitabi saliꞌ-saliꞌ pinaasokan disu Rū, yana Rū Sutsiꞌ. Kasohean kitabi bangsa Yahudi, kasohean ssaꞌ, kasohean ata, kasohean ssaꞌ, sugaꞌ saliꞌ-saliꞌ kitabi bay pinaasokan Rū Sutsiꞌ.

1 Korin 15:31

Baan ta kam banahan, llaw-llaw situ ku nontongan kapatoy. Kanaalla situ bitsala ku. Subay yaꞌ bana kagakan ku ni pagkatibuuk ku ka Papuꞌ tabi si Isa Almasi, boꞌ yaꞌ bana bay bitsala ku.

1 Korin 3:16

Na kaam, sukuꞌ si Isa, subay katoonan bi kaam lumaꞌ Tuhan batan luu na Rū na maglumaꞌ njawom atay bi.

2 Korin 2:14

Sugaꞌ san meꞌ looy, magsuku ku pa Tuhan sabap luu na pin ya magmundaan kami supaya wā kami tumanjataꞌ san gi oy katuwaꞌ ningkami. Kon meꞌ looy sabap tibuuk na kami ka Almasi. Batnaa pinakoy na pin situ kami meꞌ Tuhan ngalataan kalahat-lahatan masampay umanat mahap pasal Almasi. Umanat mahap ina meꞌ sapantun bawu insallan hamut ma muhag-muhag ni sikaliput lahat.

Galatiya 4:6

Dari pagka anak Tuhan na kitabi, lay na kitabi pinaasokan leꞌ Tuhan Rū Anak na pa jawom atay tabi. Maka ilooy na poonan tabi dari na ngawnan Tuhan Mmaꞌ tabi.

Galatiya 5:22

Boꞌ jama ma pinagbayaan meꞌ Rū Sutsiꞌ ina, sibuꞌ karuha da ka poon kayu ayad jaꞌ buwaꞌ na. Batan jinisan kahapan takita ni kawul-piil da, yana aseꞌ, kagakan, sannang atay, pasensiya, bbuwatan ayad ni pagkahi da ka arat mahap. Tapangandohan sila

Epesus 4:4

Batan mimon itu kitabi ma tibuuk ka si Isa binilang disu baran sa. Maka disu du Rū magmundaan kitabi saliꞌ-saliꞌ, yana Rū Sutsiꞌ. Maka sibuꞌ du kasongan ayad hinolat meꞌ tabi sabap meꞌ tabi saliꞌ-saliꞌ lay na lliyun pa jawom okoman Tuhan.

Pilipi 1:8

Ilu na Tuhan pakale-kale, tud mehe sina meꞌ ku ngintom ningkaam sikamimon, batan ssob ku meꞌ aseꞌ si Isa Almasi ningkaam.

Pilipi 3:3

Sugaꞌ daa kam hidjab. Kitabi ya situ sabana-bana sukuꞌ Tuhan. Batan kitabi na situ pinagmundaan meꞌ Rū Sutsiꞌ numba Tuhan. Maka kitabi itu gāk sabapan pagkatibuuk tabi ka si Isa Almasi. Boꞌ na, poonan tabi salamat sabap meꞌ tabi mangando niiya, saꞌ ga sabapan pabuwatan tabi mogbogan jinisan saraꞌ meꞌ sapantun ngislam.

Kolossa 2:2

Kon ku magtuyuꞌ supaya pataggu na pin iman bi maka supaya kam wā dambuwaꞌ atay ka tattap sikaaseꞌ-kaaseꞌ. Kainagon ku sukup na pangahati bi ni garaꞌ Tuhan ma yaꞌ gi bay tumampak ni siga angkat-angkatan maruhuꞌ, yana garaꞌ na pasal Almasi.

Kolossa 3:12

Sangkon meꞌ kaam ina kakasi Tuhan maka sutsiꞌ na sampay lay na kam bay pineneꞌ binuwat sukuꞌ na, subay kam manimbang ni jama ka buwat mahap ninsila. Subay diyoꞌ ka lammaꞌ pangatayan bi. Maka subay tahaꞌ pasensiya bi.

Hibrani 6:18

Dari luu duwa pakaradjaan ma yaꞌ tabaluba saumu, yana janjiꞌ Tuhan ka sapa na. Batan tunmanūn meꞌ Tuhan karapatan. Sangkon kitabi ma lay na paasok pa jawom okoman Tuhan, yaꞌ na maglumba meꞌ tabi ngaholat koleꞌ mimon ma bay janjiꞌ Tuhan ningkitabi.

1 Pitel 1:2

Halloman tabi yaꞌ gi bay lahil pa junyaꞌ, ndang katoonan Tuhan na pitsayaꞌ kitabi ni si Isa bbos-bbos. Dari man gantaan Tuhan, lay na kitabi sinutsiꞌ meꞌ Rū na. Maksud na supaya kitabi ngasip ni si Isa Almasi, maka supaya puwas na dusa tabi sabapan lahaꞌ si Isa bay pinaduwai kalnaꞌ kitabi. Kamura-murahan lipat man lipat na pin kasannangan ningkaam ka barakat man Tuhan.

1 Yahiya 3:24

Soysoy ngasip ni siga panohoan Tuhan, tattog ya ni Tuhan maka Tuhan pun tattog du niiya. Man tabi toon tattog Tuhan ningkitabi man sabapan Rū na ma bay patannaꞌ na njawom atay tabi.

1 Yahiya 4:12

Man awwal tagnaꞌ lagi yaꞌ luu manusiyaꞌ bay ngita Tuhan. Sugaꞌ bong ina kitabi sikaaseꞌ-kaaseꞌ, tumatandaꞌ tattog Tuhan njawom baran tabi. Maka njataꞌ tabi pasampay na na aseꞌ na ni manusiyaꞌ.

1 Yahiya 4:16

Kitabi itu, katoonan tabi maka manganna kitabi tud kinaasean kitabi meꞌ Tuhan. Na meꞌ halling sambat ku na siꞌ, tabiat Tuhan ina yana maaseꞌ. Sangkon soysoy ina tattap maaseꞌ, mastiꞌ tattog Tuhan niiya, maka iya pun tattog du ni Tuhan.