Pilipi 1:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Pataꞌ du baw situ ku mamiki meꞌ looy siꞌ pasal kaam sabap yaꞌ kam kuhi lakka man jawom atay ku. Batan man maruhuꞌ lagi ngabut sampay batnaa, yaꞌ kam bay jamu nabangan aku. Njawom jīl ku atawa ni poan masaplag sampay nampungan jama ma nual pasal umanat mahap, basta mehe du bay tabang bi niyaku.

Pilipi 1:7 Iomraidhean Croise

Salsila siga Rasul 20:23

Ilooy du katoonan ku, ni mimon daira ma bay lingkaan ku, bay pinalahil meꞌ Rū Sutsiꞌ niyaku, mastiꞌ luu jaꞌ katuwaꞌ aku kabinsanaan bong saꞌ jīl.

Salsila siga Rasul 21:33

Pag-anu siꞌ, lay na pasōng komandel looy pa mman si Pol nungkuban iya sampay lay gi sohoꞌ na si Pol pinusas ka karina duwa. Pag lupus, tilaw komandel looy ni baanan Yahudi ndooy, “Soy tu jama tuu? Oy tu dusa na?”

1 Korin 13:7

Bong jama maaseꞌ, tatasan na jaꞌ sina salla arat pagkahi na manusiyaꞌ. Maka tattap jaꞌ pangando na ka holat na. San gi oy katuwaꞌ niiya, natas na jaꞌ ya.

1 Korin 9:23

Dari aku ilay siꞌ buwat meꞌ looy supaya pasōng na pin eka pagkahi ku pitsayaꞌ ni umanat mahap maka supaya ku hampit ni siga supaat njataꞌ da ma pitsayaꞌ.

2 Korin 3:2

Batan kaam na sina mismu bilang suwat ma nanglit sampay makila kami. Batan tumatandaꞌ na sina ehe pagbiddaan arat-tabiat bi batnaa ka maruhuꞌ sabap meꞌ bi bay pitsayaꞌ ni umanat kami. Sangkon sibuꞌ du sina kam ka suwat ma moo kabantugan ningkami binatsa meꞌ sikamimon. Boꞌ yaꞌ na sina kam kuhi lakka man jawom atay kami.

2 Korin 7:3

Aku tu mitsala meꞌ tuu, saꞌ ga tu man ku malaat kaam, batan meꞌ halling sambat ku na nsiniꞌ, maaseꞌ kami ningkaam. Kaallum-kapatoy kami, tattap kam njawom atay kami.

Galatiya 5:6

Dari meꞌ kitabi itu tibuuk na ka si Isa Almasi, katoonan tabi na yaꞌ luu pagbiddaan pa Tuhan bong jama bay inislam atawa niyaꞌ. Ilooy du puntukan banahan yana pangando tabi niiya ma takita ni aseꞌ tabi ni pagkahi tabi manusiyaꞌ.

Epesus 3:1

Dari kalnaꞌ kaam siga bangsa saꞌ Yahudi, itu na ga ku lay tajīl sabap meꞌ ku bay masaplagan kaam kabanahan pasal si Isa Almasi.

Epesus 4:1

Na meꞌ aku itu disu sosohoan Papuꞌ njawom jīl sabap meꞌ ku masaplag, junjung ku na ningkaam, bogbogan bi kawul-piil ma tawop ni jama ma bay lliyun meꞌ Tuhan binuwat sukuꞌ na.

Epesus 6:20

Ituu tu man ku halling meꞌ tuu batan luu situ ku ntuu tatalungkuꞌ njawom jīl sabap meꞌ ku masaplag. Pakuhan bi na pin ku duwaa mari ku nawakka mitsala batan ndang inaa pataꞌ subay pabuwat ku.

Pilipi 1:12

Siga danganakan, bong yaꞌ katoonan bi, minsan situ ku tatalungkuꞌ njawom jīl, yaꞌ du kasanggalang niyaku. Gam pin ilooy gi poonan man umanat mahap magsasōng na pin meꞌ na patanyag.

Pilipi 1:13

Batan sikamimon ntuu sampay siga sundalu ma nganjagahan astanaꞌ sultan, katoonan da na danan ku bay tajīl isu-isu sabap meꞌ ku masaplag pasal Almasi.

Pilipi 1:14

Sarī gi, sabap meꞌ ku masaplag san ku njawom jīl, kuwan kaekahan danganakan tabi ni lahat tuu, lay gi pasōng pangando da ni Papuꞌ Isa. Dari nawakka na ga sila masampay umanat mahap pasal iya.

Pilipi 1:5

Batan yaꞌ takupan ku mimon bay tulung bi niyaku masaplag umanat mahap labba man bi bohoꞌ bay pitsayaꞌ ni Almasi ngabut sampay batnaa.

Pilipi 2:22

Boꞌ si Timuti itu, katoonan bi na du, ndang kanaalla ya man maruhuꞌ lagi. Ndang tigiꞌ ya nabangan aku masaplag umanat mahap meꞌ karuha anak-anak nabangan mmaꞌ na.

Pilipi 4:14

Kamasaꞌ, mahap du baw lay gi ku tatulung bi sasang ku bay njawom tiksaꞌ.

Pilipi 4:15

Sibuwa ku masaplag umanat mahap nnaa ni Masidunya, taintom bi du silay, pag lakka ku, yaꞌ luu baanan sukuꞌ si Isa bay nulung aku sarī man kaam nnaa ni Pilipi.

Pilipi 4:3

Maka Susugus, meꞌ kau disu pagkahi ku magkanaalla mmeꞌ ni kahandak Tuhan, subay ko nabang nalassay supaya sikatuwaꞌ na ga danda naa sikaduwa. Sila ina bay magtuyuꞌ-tuyuꞌ nabangan aku masaplag umanat mahap. Maka bay du sila nabangan si Kelemen ka siga limbang ku kasohean maghulas-sangsāꞌ kalnaꞌ Almasi. Sila ilay sikamimon, lay na tabeꞌ awon da njawom Būk Kaallum man ngalista awon sagannap ma luu kasampulnaan nyawa da saumu-umu.

Kolossa 4:18

Na ni katapusan suwat tuu, aku na situ si Pol nuwat salam duwaa ku ningkaam ka tangan ku na mismu. Meꞌ aku disu danganakan bi ma tiksaꞌ ntuu njawom jīl, intomun bi sa ku. Dambuli man naa, barakat man Tuhan ningkaam. Wassalam

Kolossa 4:3

Maka pakuhan bi du kami duwaa. Kamura-murahan binuwanan na pin kami meꞌ Tuhan lawang masaplag garaꞌ na pasal Almasi. Garaꞌ Tuhan ilay yaꞌ gi bay tumampak maruhuꞌ, sugaꞌ ni timpu batnaa pinalahil na. Sangkon ituu na situ man ku lay tajīl.

1 Tesaloneka 5:5

Meꞌ kaam ina sukuꞌ si Isa, lay na pinadantaan pamiki bi. Sangkon pataꞌ kam ginalla siga sukuꞌ dantaꞌ atawa siga sukuꞌ llaw. Yaꞌ na kam meꞌ sagannap ma yaꞌ toon Tuhan ma pataꞌ ginalla sukuꞌ lindom atawa sukuꞌ sangom.

2 Timuti 1:8

Sangkon daa na ko tawu maan jama pasal Papuꞌ ta. Damikiyan, daa na du ko tawu mangaku ga aku soheꞌ nu sukat ku njawom jīl. Gam pin, magpalapay na ko niyaku natasan oy-oy kamalasahiyan kalnaꞌ umanat mahap pasal Papuꞌ ta. Ndang-ndang luu du kawasa Tuhan nganggaosan kita.

2 Timuti 2:9

Salla na, sabap meꞌ ku masaplag, daran na ga ku bininsanaꞌ. Sampay lay na ga taabut man ku tatalungkuꞌ njawom jīl binuwat subay ga jama tukang ngalangga saraꞌ. Sugaꞌ san itu ku pinusas ka karina, bong inawnan umanat Tuhan, basta yaꞌ baw sina takoleꞌ kinarinahan.

Pilimun 1:13

Gāk situ ku bong siꞌ ya bay dari tattog ntuu supaya ya katabang niyaku bilang gantiꞌ nu sasang ku masi njawom jīl sabapan umanat mahap pasal si Isa.

Hibrani 3:1

Na siga danganakan ku, yana sukuꞌ Tuhan, kaam ina, meꞌ aku na du, lay na lliyun meꞌ Tuhan pa jawom okoman na. Sangkon kannahun bi na si Isa ma pinagbāꞌ meꞌ tabi ni manusiyaꞌ iya rasul Tuhan ka panghuluꞌ imam ma asahan tabi.

1 Pitel 4:13

Gam na kam gāk sabap meꞌ bi bay tabeꞌ ni kabinsanaan bay lingkaan Almasi. Batan pag beleng na ina mintu sampay pinalahil na ehe kabantugan na, magdaruhun gi sina kagakan bi.

1 Pitel 5:1

Na kaam, siga pa-mmean baanan sukuꞌ si Isa, luu situ halap ku ningkaam batan aku pun disu pa-mmean meꞌ kaam du. Boꞌ bay gi ku kasakup ka mata ku ma duwa kabinsanaan njataꞌ Almasi. Maka meꞌ aku pun disu ma tabeꞌ ni kabantugan Almasi ni sinōng, junjung ku na ningkaam,

2 Pitel 1:13

Kon meꞌ looy batan tasayu ku yaꞌ na ku humallom ni junyaꞌ tuu. Man ku kasayu meꞌ looy batan bay pinalahil meꞌ Papuꞌ tabi si Isa Almasi niyaku. Dari padpad yaꞌ lagi ku bay limbu, sapatut na, paintoman ta na pin kam tōꞌ sabanna man ku mangun pamiki bi.

1 Yahiya 3:14

Kitabi itu, katoonan tabi na lay na kitabi pinaddusan man katiksaan nyawa, sampay lay na tabi koleꞌ kaallum bahau sabap maaseꞌ na kitabi ni siga pagkahi tabi. Sugaꞌ soysoy ina yaꞌ maaseꞌ, tumatandaꞌ masi tiksaꞌ nyawa na.