Pilipi 1:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Aseꞌ bi ina yana buktiꞌ tud hinalin na pin meꞌ Tuhan pangatayan bi pa kaayaran. Maka tatantu ku pagka Tuhan lay na nagnaꞌ ngahalin pangatayan bi, mastiꞌ ndarahan na pin sina meꞌ na ngabut sampay magjatu na garaꞌ na ningkaam ni llaw Almasi pabeleng.

Pilipi 1:6 Iomraidhean Croise

Yahiya 6:29

Pag tampung si Isa, “Pabuwatan ma numan ni kahandak Tuhan yana pitsayaꞌ ni ilooy ma bay papitu na, yana aku.”

Salsila siga Rasul 11:18

Pag bay takale meꞌ siga Yahudi looy tuntut si Pitel, bohoꞌ da lay na patagong nahawi. Pag-anu, boꞌ da mudji Tuhan. Maka yuk da, “Bong bilay meꞌ looy, lay na du hati buwanan Tuhan ga bangsa saꞌ Yahudi lawang man da nawbatan dusa da supaya sila koleꞌ na du kasampulnaan nyawa saumu-umu.”

Salsila siga Rasul 16:14

Yaꞌ gi siꞌ hallom, lay na si Pol masampayan sila umanat mahap pasal si Isa. Kuwan ilooy siꞌ disu ma pakale niiya, yana si Lidiya, danda man daira Tatira. Iya ilay tukang dagang kakanaꞌ tawuk ma hagaan. Ndang lay na silay ya mmeꞌ ni agama Yahudi sampay ngisbat Tuhan. Pag-anu, sasang na pakale ni si Pol, lay na bukaꞌ Tuhan puad na sampay lay na ya pitsayaꞌ ni si Isa.

1 Korin 1:8

Maka ginaosan na pin sina kam meꞌ Tuhan mmeꞌ ni kahandak na ngabut sampay pa katapusan supaya yaꞌ luu susunan njataꞌ bi pag beleng Papuꞌ tabi si Isa Almasi.

2 Korin 1:15

Na pagka ndang tatantu ku gāk kam sitammu ka aku, min duwa na ku bay bagaraꞌ pahās pilu pa mman bi. Sibuwa, niyat ku pahās lān ku pa Masidunya, pag balik ni lān ku pabeleng mandooy. Bong siꞌ ilay bay tabawus, min duwa na kam bay tabuwanan ku supaat. Pag lupus, boꞌ ku tatulung bi lān ku palanja pa Yahudiya.

2 Korin 2:3

Sangkon lay na doꞌ bay paruhuꞌ ku suwat ku man mitsalahan kaam, taggahaꞌ pag pilu ku, susa na baw ku leꞌ bi. Boꞌ kainagon ku ilay siꞌ, tuktuk ku pilu, subay ku koleꞌ jaꞌ kagakan njataꞌ bi. Batan katoonan ku, tiyap-tiyap ku gāk sabapan kadarihan bi, malaingkan gāk du kam.

2 Korin 7:16

Sangkon aku pun, gāk na du ku ningkaam sabap katoonan ku na taasahan ta kam buwat kahandak Tuhan.

2 Korin 9:4

Batan bong ina mintu luu bay mmeꞌ niyaku siga danganakan mantuu ni Masidunya ngahās tulung bi, boꞌ yaꞌ gi kam bay sakap, labba man aku sampay kaam, hinaꞌ sina kitabi.

Galatiya 5:10

Kamasaꞌ, pagka ina kam ndang luu na njawman Papuꞌ Isa, tatantu ku mastiꞌ pabeleng du sina kam pa kabanahan ma bay tōꞌ ku ningkaam. Boꞌ ga jama looy ilay ma ngalingog pamiki bi ka tōꞌ palsu, soy maka soy na, basta kalabuan jaꞌ sina sila hukuman meꞌ Tuhan.

Epesus 4:12

Sila ilay bay binuwanan ladjikiꞌ meꞌ looy man da malangkapan siga sukuꞌ Tuhan majatu oy-oy sinukuꞌ meꞌ Tuhan ninsila, maka supaya pasōng na pin hāp sambuhan nyawa sikamimon ma binilang baran Almasi.

Pilipi 1:10

mari kam pandoy meneꞌ bong oy pataꞌ subay pabuwat bi llaw pa dangallaw. Batan bong ina mahap pabuwatan bi, mastiꞌ sutsiꞌ jaꞌ kawul-piil bi sampay yaꞌ na luu sutsutan njataꞌ bi pag taabut llaw Almasi pabeleng.

Pilipi 1:29

Daa kam tawu batan lay na sina kam sinupaatan meꞌ Tuhan. Boꞌ supaat ma awnan ku ina saꞌ sat pangando bi ni Almasi, arapun sampay hāl meꞌ bi bay pineneꞌ meꞌ Tuhan natasan kabinsanaan kalnaꞌ Almasi.

Pilipi 2:12

Sangkon siga kakasi ku, yana meꞌ bi bay adil ngasip ni Papuꞌ bay jaman ku nnaa man bi, labihan bi lagi likutan ku ntuu. Subay kam tawu pa Tuhan ka ngisbat iya. Subay kam mmeꞌ ni kahandak na sampay maglillaꞌ niiya sigi-sigi ngahalin pangatayan bi. Meꞌ naa ina, tapajatu na na maksud na bay nalamat kaam.

Pilipi 2:13

Yaꞌ sina luu danan na saꞌ takaya bi batan luu na pin Tuhan muwanan kaam dawom ka gaos buwat mimon ma kasulut niiya.

Pilipi 2:16

Labi na bong pasampay bi lagi umanat ma kabuwan kaallum bahau ninsila. Dari pag ina mintu taabut llaw Almasi pabeleng, tud mehe na meꞌ ku gāk, batan kaam na sina buktiꞌ yaꞌ bay lopas hulas-sangsāꞌ ku noan jama kabanahan.

Kolossa 2:12

Batan takdang bi ilay bay llobloban pinandi, meꞌ bi ngingat, lay na kam tabeꞌ ni Almasi kinubu. Pag tunga bi man jawom boheꞌ, damikiyan, meꞌ bi ngingat, lay na du kam tabeꞌ ni Almasi pinakallum pabalik. Dari sabap meꞌ bi pitsayaꞌ Tuhan bay makallum Almasi pabalik, kaam pun ina lay na du bay binuwanan kaallum bahau.

2 Tesaloneka 1:11

Dari wā situ kami makuhan kaam duwaa. Pakuhan kami kam tabang man Tuhan supaya wā nulut ni kahandak na kawul-piil bi. Meꞌ looy ilay, initung na kam meꞌ Tuhan tawop bay lliyun meꞌ na pa jawom pamarinta na. Kamura-murahan man kawasa Tuhan njataꞌ bi, tapajatu bi na mimon kaayaran ma karomanan bi pinabuwat man sabapan pangando bi ni si Isa Almasi.

2 Tesaloneka 3:4

Maka pagka tibuuk na kam ka Papuꞌ Isa, tatantu kami bean bi na sina mimon bay tugun kami ningkaam ngabut sampay ni sinōng.

Pilimun 1:21

Kamasaꞌ, sasang ku itu nuwat suwat tuu, ndang tatantu ku du pag lay mintu tasambut nu, mastiꞌ duwan nu jaꞌ sina paku ku. Maka bistahan ku san labi gi man naa.

Hibrani 10:35

Sangkon daa na labbahan bi pangando bi ni Papuꞌ, batan pangando bi ina, inaa na poonan man bi koleꞌ tungbas ayad saꞌ alang-alang.

Hibrani 12:2

Maka subay kitabi tattap magpadduman njataꞌ si Isa. Batan iya suntuan numbul satu man tabi ngita pangando sukup pa Tuhan. Maka sabapan na, patakkoꞌ na pin pangando tabi. Bistahun bi doꞌ, atas na bay natasan kabinsanaan nilansang taꞌ tehang kalnaꞌ kitabi. Maka san kaiyaan niiya binuwat meꞌ looy, yaꞌ du bay paruli na. Batan pinandang meꞌ na kagakan ma takoleꞌ na ni sinōng pag taabut na ngita jama sakiyan salamat. Pag batnaa, lay na ya ningkōꞌ ni bihing Tuhan huwin pa kawnan ndooy ni sulgaꞌ.

1 Pitel 5:10

Sugaꞌ pus bi bay natas samantalaꞌ njawom kabinsanaan, tinabang du sina kam meꞌ Tuhan. Pahallotan na sina pangando bi maka pinataggu meꞌ na iman bi supaya kam meꞌ karuha poon kayu ma yaꞌ kuhi habbaꞌ sabap lawom gamut na. Bistahun bi doꞌ, ni kaehe aseꞌ-tabang Tuhan, lay na kam liyun na pa jawom okoman na. Maksud na supaya kam tumabeꞌ ni kabantugan na man sabapan pagkatibuuk bi ka si Isa Almasi. Boꞌ kabantugan na ina yaꞌ luu katapusan na.

2 Pitel 3:10

Sugaꞌ lantan yaꞌ lantan, mastiꞌ luu jaꞌ sina mintu llaw Papuꞌ pabeleng. Boꞌ kakuratan jaꞌ sina mintu jama ni katakka na meꞌ karuha jama kakuratan meꞌ sugaru. Ni llaw looy ilay mintu, luu gi ngallub boꞌ magti ampud mimon-mimon taꞌ langit sampay lanyap na du langit. Damikiyan gumi pun sampay na mimon-mimon taꞌ babaw junyaꞌ ampud na du sina leꞌ api.