Pilipi 1:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ mari kam pandoy meneꞌ bong oy pataꞌ subay pabuwat bi llaw pa dangallaw. Batan bong ina mahap pabuwatan bi, mastiꞌ sutsiꞌ jaꞌ kawul-piil bi sampay yaꞌ na luu sutsutan njataꞌ bi pag taabut llaw Almasi pabeleng.

Pilipi 1:10 Iomraidhean Croise

Panagnaan 20:5

Ilooy baw bilay man ku yaꞌ bay hawal-hawalan ngaddoꞌ iya sabap si Ibrahim na mismu bay māꞌ ariꞌ na ya. Maka danda looy pun, meꞌ looy du bay bāꞌ na. Sangkon aku bay ngaddoꞌ iya ni kaawam ku jaꞌ. Yaꞌ bay tasayu ku ga llahan na ya. Sarī gi, yaꞌ du luu bay pabuwat ku oy maka oy na maat.”

Matiyu 16:23

Pag-anu, ilooy ma paawop si Isa ni si Pitel sambayan na halling, “Lakka na ko man bihing ku Ibilis! Pamiki nu ina kahandak manusiyaꞌ, saꞌ ga kahandak Tuhan.”

Matiyu 26:33

Pag-anu, yuk si Pitel niiya, “Minsan sikamimon ngambanan kau Tuwan, bong aku, basta yaꞌ baw ku kuhi ngamban.”

Yahiya 1:47

Pag ndaꞌ si Isa luu na si Natanyel pasōng pa mman na, yuk na, “Atu na disu lalla tud pulnaꞌ bangsa Israil, yaꞌ pandoy ngandustaꞌ.”

Yahiya 3:20

Manusiyaꞌ ina, sagannap ma buwat maat, ndang sinukang meꞌ da dantaꞌ. Yaꞌ sila doman pa jawom dantaꞌ taggahaꞌ tumampak kalaatan da.

Salsila siga Rasul 24:16

Sangkon sabuli-buli ku situ buwat mahap supaya tallak njawom honaꞌ-honaꞌ ku yaꞌ luu sutsutan njataꞌ ku pa Tuhan sampay ni pagkahi ku manusiyaꞌ.

Suwat si Pol pa mman Baanan Sukuꞌ si Isa ndooy ni Rom 12:2

Daa na kam mmeꞌ meꞌ uwahan jama ma yaꞌ pitsayaꞌ ni Almasi. Halinun bi na pamiki bi mari sikatuwaꞌ na ka pamiki Almasi. Meꞌ looy ilay, tapabahauwan na leꞌ Tuhan pangatayan bi supaya katoonan bi na kahandak na sampay tapabuwat bi na. Boꞌ inawnan kahandak Tuhan ina, mastiꞌ mahap jaꞌ, boꞌ kagak-gāk lagi maka yaꞌ luu salla na.

Suwat si Pol pa mman Baanan Sukuꞌ si Isa ndooy ni Rom 12:9

Na meꞌ kitabi itu sikaaseꞌ-kaaseꞌ, subay hilas aseꞌ tabi. Subay kitabi wā lammis ni kalaatan. Maka subay kitabi wā makutuꞌ kaayaran.

Suwat si Pol pa mman Baanan Sukuꞌ si Isa ndooy ni Rom 16:17

Siga danganakan, junjung ku na ningkaam, iyakin kam ni siga jama ma moo pagsaggaan ni baanan bi sabap meꞌ da nulang kabanahan ma bay tinōꞌ ningkaam. Ilagan bi sila

Suwat si Pol pa mman Baanan Sukuꞌ si Isa ndooy ni Rom 2:18

Katoonan bi kahandak Tuhan maka lān mahap banahan tinūs sabap bay adjian bi saraꞌ.

Suwat si Pol pa mman Baanan Sukuꞌ si Isa ndooy ni Rom 7:16

Na pagka ku gigitan ni dī ku sabap meꞌ ku bay ngalangga saraꞌ, tumatandaꞌ na manganna ku mahap saraꞌ.

Suwat si Pol pa mman Baanan Sukuꞌ si Isa ndooy ni Rom 7:22

San njawom atay ku tud doman ku mean saraꞌ Tuhan,

Suwat si Pol pa mman Baanan Sukuꞌ si Isa ndooy ni Rom 8:7

Boꞌ sagannap ma maabak meꞌ da nganduwan napsu da ina, manta Tuhan sabap yaꞌ sila kuhi ngasip ni siga panohoan na. Boꞌ ni sabana na, jama meꞌ sila ina, yaꞌ takaya da ngasip Tuhan.

1 Korin 1:8

Maka ginaosan na pin sina kam meꞌ Tuhan mmeꞌ ni kahandak na ngabut sampay pa katapusan supaya yaꞌ luu susunan njataꞌ bi pag beleng Papuꞌ tabi si Isa Almasi.

1 Korin 10:32

Sangkon, iyakinan bi dī bi mari kam yaꞌ kapabuwat oy maka oy na ma kaboo jama yaꞌ doman pitsayaꞌ ni si Isa. Bangsa Yahudi atawa ssaꞌ, sukuꞌ si Isa atawa ssaꞌ, daa kam buwat man da nuwak si Isa.

1 Korin 8:13

Sangkon bong niyaku, bong baw man danganakan ku ndusa sabap meꞌ ku bay mangan sumbalian meꞌ looy, yaꞌ na ku mangan meꞌ looy pabalik.

2 Korin 1:12

Siga danganakan, ituu itu kagakan kami: Tatantu kami sutsiꞌ jaꞌ niyat atay kami ni mata Tuhan. Maka katoonan kami yaꞌ luu pabuwat kami man kami taawnan yaꞌ bonto ni mimon jama, awla na ningkaam. Ni mimon pabuwatan kami, yaꞌ kami mangasa ni akka kami dī kami. Ilooy ya asahan kami yana aseꞌ-tabang Tuhan.

2 Korin 2:17

Kahapan, man tabang Tuhan, takaya kami na. Salla na, meka na batnaa yaꞌ kanaalla masaplag umanat Tuhan. Ilooy du puhung da sīn. Boꞌ ningkami itu, yaꞌ baw tapiki kami meꞌ naa. Ilu na Tuhan pakale-kale, tud hilas situ meꞌ kami masaplag. Meꞌ kami itu sosohoan Tuhan sampay tibuuk ka Almasi, mastiꞌ kanaalla sadjaꞌ umanat kami.

2 Korin 6:3

Sangkon kami itu, sabuli-buli kami ngilagan oy-oy kawul-piil gantaꞌ man kami tasahawi. Ilooy ilagan kami taggahaꞌ luu gi sabapan man jama nuwak umanat kasalamatan ma pinasaplag meꞌ kami.

2 Korin 8:8

Sugaꞌ san ku tu siꞌ bay mitsala meꞌ tuu, yaꞌ du ku tu ngalogos kaam. Arapun doman jaꞌ ku toon bong kam bana-bana du maaseꞌ ni pagkahi bi. Inaa sina kon ku bay nabbut pasal pagkahi bi ntuu ni Masidunya magkainagon nulung, kawu-kawu kam ngakig sila.

Galatiya 5:11

Siga danganakan, bong luu nnaa māꞌ aku magnasihat talpaksaꞌ subay binogbogan hāl meꞌ ngislam man ta initung intong, daa kam hidjab. Bong ina bana bitsala da, ongoy taggahaꞌ masi ku llaugan meꞌ siga pagkahi ku Yahudi? Maka bong ina bana ninsila, yaꞌ na lammis siga Yahudi niyaku san ku masaplag pasal kapatoy si Isa taꞌ tehang.

Epesus 4:15

Gam pin mmeꞌ jaꞌ kitabi ni tōꞌ sabanna ka maaseꞌ ni jama ngabut sampay sumibuꞌ na du mimon arat-tabiat tabi ka Almasi. Iya ina takōk tabi.

Epesus 5:10

Sangkon, wā paliksaun bi niyat atay bi bong sikatuwaꞌ ka kahandak Papuꞌ atawa niyaꞌ. Bong ina tud ayad du niyat atay bi, mastiꞌ kasulutan jaꞌ sina Papuꞌ ni tangge-tingkōꞌ bi.

Epesus 5:27

Kon na nongan umu na supaya tahasi na kitabi bilang pangantin ma danda lingkatan saꞌ na tapandang, ma sutsiꞌ sampay yaꞌ luu salla na atawa tamak na.

Epesus 6:24

Maka kamura-murahan luu na pin barakat man Tuhan ni jataꞌ sagannap ma yaꞌ kuhi maglumba aseꞌ da saumu-umu ni Papuꞌ tabi si Isa Almasi. Wassalam

Pilipi 1:16

Sila itu masaplag ni kaaseꞌ da ni Almasi. Maka katoonan da na, aku bay katakdilan njawom jīl supaya luu lawang man ku masaplag sampay nampungan sagannap ma nual pasal umanat mahap.

Pilipi 1:6

Aseꞌ bi ina yana buktiꞌ tud hinalin na pin meꞌ Tuhan pangatayan bi pa kaayaran. Maka tatantu ku pagka Tuhan lay na nagnaꞌ ngahalin pangatayan bi, mastiꞌ ndarahan na pin sina meꞌ na ngabut sampay magjatu na garaꞌ na ningkaam ni llaw Almasi pabeleng.

Pilipi 2:16

Labi na bong pasampay bi lagi umanat ma kabuwan kaallum bahau ninsila. Dari pag ina mintu taabut llaw Almasi pabeleng, tud mehe na meꞌ ku gāk, batan kaam na sina buktiꞌ yaꞌ bay lopas hulas-sangsāꞌ ku noan jama kabanahan.

1 Tesaloneka 3:13

Meꞌ looy ilay, tattap na pin kasutsian bi maka yaꞌ luu sutsutan njataꞌ bi ni pag-awpan Mmaꞌ tabi Tuhan pag beleng Papuꞌ tabi si Isa ka siga malaikat na.

1 Tesaloneka 5:21

Sugaꞌ pus na masampay, pindogahan bi doꞌ bong pataꞌ hinasi umanat na atawa niyaꞌ. Bong hati bistahan bi tud mattan lakka man Rū Sutsiꞌ, malaingkan kannahun bi; bong niyaꞌ, san daa na.

1 Tesaloneka 5:23

Kamura-murahan tinabangan du kam meꞌ Tuhan, yana poonan kasannangan, supaya sutsiꞌ na banahan mimon kawul-piil bi. Kamura-murahan inayaran na pin meꞌ na nyawa bi, pamiki bi, sampay baran bi supaya yaꞌ luu sutsutan njataꞌ bi pag beleng Papuꞌ tabi si Isa Almasi.

1 Yahiya 4:1

Siga kakasi ku, daa kam os-os pitsayaꞌ sukat jama mangaku bahasa tōꞌ na lakka man Rū Tuhan. Arapun pindogahan bi doꞌ duhuꞌ tōꞌ na mari katoonan bi bong mattan ya sosohoan Tuhan atawa niyaꞌ. Batan meka na sina guru palsu njawom junyaꞌ.

Siga Pakaradjaan bay Pinalahil 2:2

“Kaam ina, katoonan ku du kadarihan bi nnaa. Ndaꞌ ku, basag kam maghulas-sangsāꞌ kalnaꞌ awon ku sampay basag kam natasan jinisan kamalasahiyan. Maka katoonan ku du nulang kam jama maat. Sampay lay na tatongkad bi niyat atay siga jama nnaa ma buwat dī da rasul ku, maka tabistu bi na ngandustaꞌ jaꞌ sila.