Pilimun 1:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Tud gāk ku danganakan, maka hayang na situ pamiki ku sabapan aseꞌ nu ni siga pagkahi nu sukuꞌ Tuhan nnaa. Dari man sabapan aseꞌ nu ina, mehe na meꞌ da gāk.

Pilimun 1:7 Iomraidhean Croise

1 Korin 16:18

Tud bay sila magāk atay ku. Nnaa pun ni lahat bi, katoonan ku du lay du sila magāk atay bi. Jama meꞌ sila itu pataꞌ pinakale.

2 Korin 7:13

Dari pagka lay na halin kadarihan bi, mehe meꞌ kami kagamgaman pasal kaam. Ilooy gi man magsasōng kagakan kami, pag ndaꞌ kami tud bay gāk si Taytus sabapan bi. Batan lay konoꞌ lungay susa atay na pag ndaꞌ na mahap meꞌ bi bay ngahasi suwat looy.

2 Korin 7:4

Tud kasulutan ku ningkaam sampay daran gi kam pinagbantug meꞌ ku. San yaꞌ taambat kabinsanaan njataꞌ kami, mehe meꞌ ku kagamgaman sabapan bi. Kaam ina poonan kagakan mehe niyaku.

1 Tesaloneka 2:13

Tud yaꞌ na situ bakkat meꞌ kami magsuku pa Tuhan pasal meꞌ bi bay ngahasi umanat na ma bay pinasampay meꞌ kami ningkaam. Ndaꞌ kami, pag lay takale bi, magti bay tabista bi ilooy na palman Tuhan, saꞌ ga umanat bay jaꞌ tinulun-tulun meꞌ manusiyaꞌ. Boꞌ palman Tuhan ina, yaꞌ luu hantiꞌ na ngahalin pangatayan bi, sagannap ma pitsayaꞌ.

1 Tesaloneka 2:19

Kainagon kami sitammu na kitabi pabalik batan pangando bi ni Papuꞌ tabi si Isa poonan kagakan mehe ningkami. Maka sabapan pangando bi, tatantu kami magsasōng na pin meꞌ bi nulut kahandak Tuhan ngabut sampay pa katapusan. Meꞌ kami ngingat, kaam ina meꞌ sapantun karuna dorogan ma bay sinangon taꞌ kōk kami man kami koleꞌ kabantugan pag beleng Papuꞌ Isa.

1 Tesaloneka 3:9

Tud mehe meꞌ kami magsuku pa Tuhan sabapan bi. Ilu na Tuhan pakale-kale, biddaꞌ na situ ehe kagakan kami ni kadarihan bi.

2 Timuti 1:16

Sugaꞌ kuwan si Onesiporus ka ga paglūng na, kamura-murahan pinanimbangan du sila meꞌ Papuꞌ. Batan takdang na ilay bay takka pitu pa Rom, yaꞌ bay luu katagong na miha ngkod-ngkoran ku yaꞌ gi bay tatammu na. Yaꞌ san ya bay iyaꞌ takita magpangandaꞌ aku san ku bay taingkot ka karina. Daran ya bay magamgaman aku.

Pilimun 1:20

Sangkon danganakan, meꞌ kita dambuwaꞌ atay njawman Almasi, pagakun na atay ku. Duwanun na paku ku pasal si Onesimas. Pakitahan nu na ku kaayaran sabap meꞌ nu mmeꞌ ni Papuꞌ.

2 Yahiya 1:4

Tud bay gāk ku sitammu ka kasohean anak nu batan ndaꞌ ku mmeꞌ du sila ni kabanahan ma bay sohoꞌ Mmaꞌ tabi Tuhan ningkitabi.