Pilimun 1:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Lay na silay taaka ku basag pangando nu ni Papuꞌ Isa maka ehe aseꞌ nu ni mimon pagkahi ta sukuꞌ Tuhan.

Pilimun 1:5 Iomraidhean Croise

Salsila siga Rasul 20:21

Tōꞌ ku ni bangsa ku Yahudi yaꞌ du luu bay pagtingkahan na ka tōꞌ ku ningkaam ma saꞌ Yahudi. Saliꞌ-saliꞌ du kam bay sohoꞌ ku nawbatan dusa bi ka lillaꞌ pa Tuhan sampay nohoꞌ pitsayaꞌ ni Papuꞌ tabi si Isa.

Suwat si Pol pa mman Baanan Sukuꞌ si Isa ndooy ni Rom 12:13

Maka bong pagkahi tabi sukuꞌ Tuhan kabus, subay tulung tabi. Maka daa kitabi paalang ngahulmat jama bong sila pa lumaꞌ tabi.

1 Korin 16:1

Na pasal meꞌ bi ngumpo sīn halliꞌ ni pagkahi tabi sukuꞌ Tuhan ma sigpit ndooy ni Yahudiya, akigun bi jaꞌ meꞌ ilooy ma bay sohoꞌ ku ni siga baanan ma mmeꞌ ni si Isa ndooy ni Galatiya.

Galatiya 5:6

Dari meꞌ kitabi itu tibuuk na ka si Isa Almasi, katoonan tabi na yaꞌ luu pagbiddaan pa Tuhan bong jama bay inislam atawa niyaꞌ. Ilooy du puntukan banahan yana pangando tabi niiya ma takita ni aseꞌ tabi ni pagkahi tabi manusiyaꞌ.

Epesus 1:15

Siga danganakan, lay du silay taaka ku habal pasal pangando bi ni Papuꞌ Isa ka aseꞌ bi ni mimon pagkahi bi sukuꞌ Tuhan.

Kolossa 1:4

Batan lay situ kami kaakahan pasal pangando bi ni si Isa Almasi ka aseꞌ bi ni mimon sukuꞌ Tuhan.

1 Tesaloneka 3:6

Pag batnaa, yaꞌ na luu kagampangan ku sabap bahau jaꞌ si Timuti bay takka moo habal mahap pasal kaam. Bāꞌ na, masi hallot pangando bi, maka masi kam basag sikaaseꞌ-kaaseꞌ. Maka bāꞌ na, tud gāk kam tuktuk kami tapanambung bi. Maka yuk na, meꞌ kami na du kam konoꞌ wā maglogtoꞌ doman sitammu ka kami pabalik.

Pilimun 1:7

Tud gāk ku danganakan, maka hayang na situ pamiki ku sabapan aseꞌ nu ni siga pagkahi nu sukuꞌ Tuhan nnaa. Dari man sabapan aseꞌ nu ina, mehe na meꞌ da gāk.

1 Yahiya 3:23

Ga panohoan na ina meꞌ tuu: Subay kitabi pitsayaꞌ ni Anak na si Isa Almasi. Maka subay kitabi sikaaseꞌ-kaaseꞌ batan ndang inaa bay sohoꞌ si Isa ningkitabi.