Pilimun 1:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Salam duwaa ningkaam ka danganakan tabi si Apiya. Maka salam duwaa du ni si Alkipus, yana limbang tabi sundalu ndiyoan Almasi. Maka salam duwaa du ni mimon sukuꞌ si Isa nnaa ma magpakumpo-kumpo numba ni lumaꞌ bi.

Pilimun 1:2 Iomraidhean Croise

Suwat si Pol pa mman Baanan Sukuꞌ si Isa ndooy ni Rom 16:1

Dambuli man naa, pakila ku doꞌ ningkaam disu danda, yana danganakan tabi inawnan si Pibi. Iya ilay disu tukang nabangan baanan sukuꞌ si Isa ndooy ni Sengkariya.

Suwat si Pol pa mman Baanan Sukuꞌ si Isa ndooy ni Rom 16:5

Maka salam duwaa du ni baanan danganakan tabi ma mmeꞌ numba ni lumaꞌ si Prisila ka si Akila. Maka salam duwaa du ni disu kakasi ku si Epenetus ma bay duhuꞌ-duhuꞌ pitsayaꞌ ni si Isa ndooy ni Asiya.

1 Korin 16:19

Batnaa, pasampay ku doꞌ ningkaam salam duwaa siga baanan sukuꞌ si Isa ni kakawum-kawman ntuu ni Asiya. Si Akila ka si Prisila pun sampay mimon sukuꞌ si Isa ma mmeꞌ numba ni lumaꞌ da, lay du nohoꞌ masampay salam duwaa da ningkaam.

Pilipi 2:25

Batnaa, bistahan ku gam na sohoꞌ ku na danganakan tabi si Epaproditus pabeleng pa mman bi, ilooy ma bay sohoꞌ bi nuhiyan tulung bi niyaku. Tud mehe sina tabang na niyaku bilang limbang ku maghulas-sangsāꞌ kalnaꞌ Almasi. Meꞌ ku ngingat, iya disu pagkahi ku sundalu Almasi matangge kabanahan.

Kolossa 4:15

Maka pasampayun bi doꞌ salam duwaa ku ni siga danganakan tabi ndooy ni Leyodisiya, awla na ni si Nimpa maka ni mimon jamaa ma kumpo-kumpo numba ni lumaꞌ na.

Kolossa 4:17

Maka baan bi si Alkipus, meꞌ iya jama bay kawakilan nohoꞌ maghulas-sangsāꞌ kalnaꞌ Papuꞌ, subay pabuwat na ilooy ma bay sinukuꞌ niiya.