Pilimun 1:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ junjung ku na ningkau, buwanan nu na si Onesimas kaampunan san ya bay patangkaw. Iya ina batnaa subay ga anak ku na rahasiyaꞌ sabap aku bay kaboo iya mmeꞌ ni Papuꞌ Isa sasang ku ntuu njawom jīl.

Pilimun 1:10 Iomraidhean Croise

Malkus 9:17

Na yaꞌ gi siꞌ bay tatampungan da si Isa, yuk disu lalla ni baanan looy, “Tuwan Guru, luu situ siꞌ la anak ku umaw meꞌ seytan bay boo ku pitu. Bong siꞌ dari, junjung ku na ningkau, ulian doꞌ ya.

Suwat si Pol pa mman Baanan Sukuꞌ si Isa ndooy ni Rom 12:1

Sangkon siga danganakan, sabapan ehe aseꞌ Tuhan ningkitabi, junjung ku na ningkaam, suhuran bi na dī bi pa Tuhan. Ingatun bi na Tuhan dapu baran bi halloman bi llum. Labbahan bi na oy-oy arat-tabiat ma yaꞌ nulut ni kahandak Tuhan mari kam sutsiꞌ. Batan subay silay meꞌ looy meꞌ bi makitahan iya bana-bana kam ngisbat iya.

1 Korin 4:14

Na aku lay siꞌ bay nuwat meꞌ looy, yaꞌ du silay ga man ku makiyaꞌ kaam, arapun man ku jaꞌ maintong kaam, batan sibuꞌ na kam ka anak ku, yana kakasi ku.

1 Korin 4:15

San ina meka bay pingkaꞌ ngayaran kaam mari kam yaꞌ magsiꞌ man Almasi, aku du tabilang mmaꞌ bi. Batan poonan bi bay pitsayaꞌ ni si Isa Almasi sabap aku bay masampay umanat mahap ningkaam.

Galatiya 4:19

Siga anak, halloman ku ilay bay ngagad kaam pitsayaꞌ ni Almasi, tud bay gampang ku ningkaam. Sibuꞌ du parasahan ku ka danda magkamaddi-maddi ngagad anak na pōꞌ. Pag batnaa, meꞌ ga pabalik na baw gampang ku ningkaam, batan kahalloman ku la ngagad kawul-piil Almasi tumatandaꞌ ni jataꞌ bi.

Kolossa 4:9

Maka luu gi situ ntuu si Onesimas, jama lahat bi du, sohoꞌ ku ngahongan si Tikikus. Iya pun itu disu danganakan tabi du kanaalla mmeꞌ ni Papuꞌ maka kinaasean du meꞌ sikamimon ntuu. Sila sa mintu nuntutan kaam habal mantuu.

1 Timuti 1:2

Itu suwat ku pa mman nu Timuti. Kau ina subay ga anak ku na rahasiyaꞌ sabap meꞌ ta dambuwaꞌ atay pitsayaꞌ ni Papuꞌ Isa. Kamura-murahan binuwanan na pin ko kasannangan ka timbang saltaꞌ na barakat meꞌ Mmaꞌ ta Tuhan ka Papuꞌ ta si Isa Almasi.

Pilimun 1:11

Bana na maruhuꞌ, agon yaꞌ luu kapansahaliyan na ningkau. Boꞌ batnaa, lay na halin arat-tabiat na. Dari mehe na situ kapansahaliyan na ningkita sikaduwa.

Pilimun 1:13

Gāk situ ku bong siꞌ ya bay dari tattog ntuu supaya ya katabang niyaku bilang gantiꞌ nu sasang ku masi njawom jīl sabapan umanat mahap pasal si Isa.

3 Yahiya 1:4

Gāk ku banahan tuktuk ku kale aka pasal siga anak ku njawman Almasi mmeꞌ ni kabanahan. Bong niyaku, yaꞌ luu kagakan labi gi man naa.