Matiyu 9:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Pag takale siga guru saraꞌ agama ndooy, honaꞌ-honaꞌ da, “Uy, pangka bina la bitsala na pa Tuhan! Isu-isu Tuhan bina luu kapatut na muwasan dusa!”

Matiyu 9:3 Iomraidhean Croise

Matiyu 26:65

Pag takale jaꞌ meꞌ panghuluꞌ imam bitsala si Isa, magti ya nganggeret juba na mismu ni kalasu na sambayan na halling, “Uy, hantak bitsala na bilay siꞌ, saliꞌ du ya ka Tuhan. San bitu yaꞌ na tabi miha jama bay kasakup ni bitsala na pangka pa Tuhan. Ndang-ndang lai na du takale tabi pōꞌ man jawom behe na mismu.

Matiyu 7:29

Batan iya siꞌ nōꞌ, tumatandaꞌ luu kapatut na man Tuhan. Mehe pagbiddaan tōꞌ na ka tōꞌ siga guru saraꞌ agama.

Malkus 14:64

Ndang-ndang lai na du takale tabi pōꞌ man behe na mismu! Hantak bitsala na, saliꞌ du ya ka Tuhan! Bong ningkaam, pooy bandingan bi?” Dari ilooy na siꞌ bay pinagtaayunan meꞌ da sikamimon subay du ya pinapatoy.

Malkus 3:28

Na sabap sila bay māꞌ luu seytan na muwanan iya kawasa, yuk na ninsila, “Baan ta kam banahan, san gi sina oy dusa manusiyaꞌ sampay bitsala da pangka pa Tuhan, dari gi pinuwasan. Sugaꞌ soysoy ina māꞌ pabuwatan Rū Sutsiꞌ yana pabuwatan seytan, mastiꞌ yaꞌ na ya koleꞌ kaampunan labba man junyaꞌ sampay pa ahirat. Inaa na sina dusa ma yaꞌ tapuwasan saumu.”

Malkus 7:21

Batan man jawom atay, luu pōꞌ jinisan pamiki maat meꞌ sapantun buwat kasabuhan danda-lalla, nangkaw, mapatoy,

Lukas 5:21

Pag lay jaꞌ takale bitsala na meꞌ siga guru saraꞌ agama ka ga Parisi, tud bay dugahan sila. Honaꞌ-honaꞌ da, “Uy, lalla naa la, tatammu na ga mitsala pangka pa Tuhan! Isu-isu Tuhan bina luu kapatut na muwasan dusa!”