Matiyu 8:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ yuk na, “Tuwan, tulungun doꞌ ku. Luu la ndooy ni lumaꞌ kami tindog ku matoy baran na. Tud malasahi ya.”

Matiyu 8:6 Iomraidhean Croise

Matiyu 4:24

Dari siꞌ habal pasal si Isa lay na magkanatan ni sikaliput lahat ngabut sampay pa Siriya. Sangkon, meka na jama bay moo soheꞌ da ma sakihan pa mman na. San gi oy saki da, minsan jama sineytan, jama binilaw-bawi, jama matoy baran da, lay jaꞌ du kaulian meꞌ na sikamimon.

Matiyu 8:7

Tampung si Isa, “Ohoꞌ ba, pilay sa ku ngulian iya.”

Matiyu 9:2

Pag-anu, luu na baw lalla matoy baran na lay llanggung ka patulihan na pa mman si Isa. Pag ndaꞌ si Isa meꞌ looy na basag pangando da niiya, yuk na ni lalla looy ma matoy baran na, “Daa ko susa Nges, puwas na sina dusa nu labbasakayi.”

Salsila siga Rasul 10:7

Lay jaꞌ siꞌ lakka malaikat looy, lay na si Kolniliyus nawag tindog na duwa ka disu sundalu ma tukang ngintu iya. Sundalu looy ilay siꞌ basag du ngisbat Tuhan.

Salsila siga Rasul 8:7

Meka na jama ma sineytan lay na kaulian meꞌ si Pilip. Kuwan siga seytan da, kakillahapan na ga sasang da pōꞌ. Maka meka jama matoy baran da ka ga jama tongkaꞌ lay na du kaulian leꞌ na.

Salsila siga Rasul 9:33

Sasang na ndooy, lay ya sitammu ka disu lalla matoy baran na inawnan si Aneyas. Iya siꞌ tu, luu na wawun taun halloman na yaꞌ na bay kapabangun man taꞌ tipo na.

Kolossa 3:11

Dari pagka tibuuk na kitabi ka Almasi saliꞌ-saliꞌ, yaꞌ na situ kitabi minig jama. Yaꞌ na kitabi magsibiddaꞌ bong jama bangsa Yahudi atawa ssaꞌ, bong jama bay inislam atawa niyaꞌ, iskulan atawa niyaꞌ, bong ata atawa ssaꞌ. Isu-isu Almasi pandang tabi. Boꞌ iya ina luu na patannaꞌ njawom atay tabi sikamimon ma pitsayaꞌ niiya.

Kolossa 4:1

Kuwan kaam baw siga papuꞌ, subay mahap du meꞌ bi buwat siga ata bi ni lanan ma pataꞌ ka intong. Intomun bi, kaam pun ina, luu du Papuꞌ bi ni sulgaꞌ.

1 Timuti 6:2

Kuwan siga ata ma luu papuꞌ da pitsayaꞌ du ni si Isa, daa subay na pin kulangan da meꞌ da magmaltabat ni papuꞌ da sukat sila magdanganakan na pantay-pantay njawman si Isa. Gam pin subay duhunan da lagi kanaalla da ngintu. Batan papuꞌ da ina ma tinabangan meꞌ da yana sibuꞌ pagkahi da sukuꞌ si Isa maka kakasi Tuhan na du sila. Na Timuti, pasampayun sa tugun ku ni siga sukuꞌ si Isa nnaa boꞌ sohoun inasip ninsila.

Pilimun 1:16

Maruhuꞌ ilay, ata nu jaꞌ ya. Pag batnaa, hagaan na ya man ata sabap lay na ya dari danganakan nu. Tud kinaasean sina ya meꞌ ku, sugaꞌ bistahan ku labi na kau saꞌ maaseꞌ niiya batan lay na halin arat-tabiat na. Batnaa ina, taasahan nu na ya. Boꞌ na, lay na ya dari danganakan nu tibuuk du ka Papuꞌ.