Matiyu 8:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Pag-anu, luu na baw disu lalla inipu pasōng pa mman na, boꞌ na sujud ni awpan na sambayan na halling, “Tuwan, bong siꞌ ko la kuhi, mastiꞌ kaulian jaꞌ ku meꞌ nu.”

Matiyu 8:2 Iomraidhean Croise

Matiyu 10:8

Kuwan sagannap ma saki, ulian bi, ma lay na matoy, pakallumun bi, ma inipu, pangannoun bi na kuwit da, ma sineytan, papoun bi na seytan da. Maka intomun bi, kawasa bay dean ku kaam libre jaꞌ. Sangkon subay du libre tabang bi ni jama.

Matiyu 13:58

Dari yaꞌ na meka pakaradjaan kahaylan-haylan bay pabuwat na ndooy sabap yaꞌ sila pitsayaꞌ niiya.

Matiyu 14:33

Pag-anu, ilooy ma lay si Isa sinumba meꞌ siga mulit na, yuk da, “Tud bana-bana du kau Anak Tuhan.”

Matiyu 15:25

Sugaꞌ gam pin lay gi pasōng danda looy pa mman si Isa, boꞌ na sujud ni awpan na sambayan na halling, “Ndūꞌ Tuwan, tulungun doꞌ ku ba!”

Matiyu 18:26

Sugaꞌ bbuwatan tindog looy, lay nangge ka tuut na maku aseꞌ niiya, yuk na, ‘Ampun Sultan, panimbangan doꞌ ku maka tangguhan doꞌ ku, boꞌ sa bayaran ku utang ku sikamimon.’

Matiyu 2:11

Pag-anu, lay na sila paasok pa jawom lumaꞌ looy. Pag takita da jaꞌ siꞌ anak-anak looy maka nneꞌ na si Mariyam, lay na sila sujud sampay numba anak-anak looy. Pag lupus, inungkad na meꞌ da bay boonan da barang hagaan, boꞌ lay pinamuwan anak-anak looy. Ga barang looy siꞌ yana mmas, bbūg ka insallan hamut inawnan mira.

Matiyu 20:20

Pag-anu siꞌ, pasōng na baw nda si Sibidi ka ga anak na si Yaꞌkub ka si Yahiya pa mman si Isa. Luu jaꞌ siꞌ sila ni awpan na, kuwan danda looy lay pakokoꞌ maka yuk na, “Tuwan, bong siꞌ kadarihan ningkau, luu la paku ku ningkau.”

Matiyu 26:6

Na sasang ga si Isa ndooy ni Betani, lay sila pa lumaꞌ disu lalla bay pingkaꞌ inipu inawnan si Saymon.

Matiyu 28:17

Luu jaꞌ siꞌ si Isa takita meꞌ siga mulit na, magti du ya sinumba meꞌ da. Sugaꞌ kasohean sila hawal-hawalan lagi taggahaꞌ saꞌ iya si Isa.

Matiyu 28:9

Sasang ga danda looy siꞌ ni tangngaꞌ lān, luu na baw si Isa patammu sambayan na nagina sila. Dari ilooy ma pasōng sila pa mman na, boꞌ da nguwangkutan battis na sampay numba iya.

Matiyu 4:9

Pag-anu, yuk Ibilis niiya, “Mimon inaa dean ku na kau bong ko sujud numba aku.”

Matiyu 8:1

Pag lūd si Isa man taꞌ buntuꞌ looy, sakiyan jama patuhut niiya.

Matiyu 8:25

Dari lay binatiꞌ meꞌ siga mulit na, yuk da, “Tuwan, tabangun kami! Matoy limbo na situ kitabi!”

Matiyu 9:18

Sasang si Isa mitsala, luu na baw takka pa mman na disu pa-mmean bangsa Yahudi. Bbuwatan na siꞌ sujud ni awpan si Isa, boꞌ na halling, “Tuwan, luu la anak ku batnaa jaꞌ siꞌ lay matoy, boꞌ isu-isu anak ku danda. Sugaꞌ bong siꞌ ilay mintu bay tappak nu baran na, mastiꞌ llum jaꞌ ya pabalik. Junjung ku na ningkau, mmeꞌ doꞌ ko la pa lumaꞌ kami.”

Lukas 4:27

Damikiyan, bay jaman Nabi Elisa, san meka pagkahi na bangsa Israil inipu, saꞌ du sila bay inulian meꞌ na. Ilooy ya bay ulian na disu lalla bangsa Siriya, yana si Nayman.”

Yahiya 9:38

Yuk lalla looy, “Pitsayaꞌ ku ningkau Papuꞌ.” Maka lay gi ya sujud numba si Isa.

Salsila siga Rasul 10:14

Sugaꞌ iya tampung si Pitel, “Uy Papuꞌ, tud yaꞌ bina la tasogsog ku! Halloman ku llum, yaꞌ gi ku bay pingkaꞌ mangan lamaꞌ-lamaꞌ atawa haram.”

Salsila siga Rasul 10:25

Pag takka si Pitel, magti du si Kolniliyus nampang iya, boꞌ na sujud ni battis na numba iya.

1 Korin 14:25

Lagiꞌ na, tabista da na katoonan Tuhan mimon ma bay sinipuk njawom atay da. Dari pahangkop na sina sila numba Tuhan maka yuk da ina ningkaam, “Tumatandaꞌ na la ningkami tud inunungan du kam meꞌ Tuhan.”

Siga Pakaradjaan bay Pinalahil 19:10

Pag takale ku meꞌ looy, ilooy ma lay na ku sujud ni battis na numba iya. Sugaꞌ yuk na, “Daa ko ba buwat meꞌ naa. Tuhan jaꞌ sumbahun. Aku bitu ata Tuhan sadjaꞌ meꞌ kaam du ka siga danganakan nu ma ngantanan umanat Papuꞌ Isa. Boꞌ umanat looy ilay ma bay pinasampay meꞌ Papuꞌ Isa yana kabanahan ma bay tinunaꞌ meꞌ kanabi-nabihan mattoꞌ.”