Matiyu 8:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Maka yuk si Isa, “Bbos-bbos, meka sina jama pōꞌ man sika-mpat pidju alam siharung-harung mangan ka ga Nabi Ibrahim, Nabi Isahak ka Nabi Yaꞌkub ni pamarinta Tuhan.

Matiyu 8:11 Iomraidhean Croise

Epesus 3:6

Na garaꞌ ma bay awnan ku ilay siꞌ yana ituu: Mimon ma bay hinalliꞌ meꞌ Tuhan ni sukuꞌ na, saꞌ du silay sat para ni bangsa Yahudi, arapun sampay ni mimon kabangsa-bangsahan. Batan sikamimon ma pitsayaꞌ ni umanat mahap tabilang na dambuwaꞌ baran sabap meꞌ da tibuuk ka si Isa Almasi. Maka saliꞌ-saliꞌ na sila hampit ni mimon bay njanjiꞌ meꞌ Tuhan.

Lukas 12:37

Bong ina siga ata ndang saddiya na ni katakka papuꞌ da, mastiꞌ sinupaatan jaꞌ sila. Tandaꞌ papuꞌ da kasulutan ninsila, saynan na na sina badjuꞌ na, boꞌ na matingkōꞌ ga ata na ni lamisahan na. Pag-anu, boꞌ iya na ya motangan sila.

Kolossa 3:11

Dari pagka tibuuk na kitabi ka Almasi saliꞌ-saliꞌ, yaꞌ na situ kitabi minig jama. Yaꞌ na kitabi magsibiddaꞌ bong jama bangsa Yahudi atawa ssaꞌ, bong jama bay inislam atawa niyaꞌ, iskulan atawa niyaꞌ, bong ata atawa ssaꞌ. Isu-isu Almasi pandang tabi. Boꞌ iya ina luu na patannaꞌ njawom atay tabi sikamimon ma pitsayaꞌ niiya.

Salsila siga Rasul 11:18

Pag bay takale meꞌ siga Yahudi looy tuntut si Pitel, bohoꞌ da lay na patagong nahawi. Pag-anu, boꞌ da mudji Tuhan. Maka yuk da, “Bong bilay meꞌ looy, lay na du hati buwanan Tuhan ga bangsa saꞌ Yahudi lawang man da nawbatan dusa da supaya sila koleꞌ na du kasampulnaan nyawa saumu-umu.”

Salsila siga Rasul 10:45

Dari kuwan siga Yahudi sukuꞌ si Isa ma bay mmeꞌ ni si Pitel, tud bay jayip sila pag ndaꞌ da sampay bangsa saꞌ Yahudi lay na du kaladjikian pinatannaan Rū Sutsiꞌ.

Matiyu 24:31

Ni waktu ilooy du ilay mintu, luu pōꞌ halling tabuliꞌ tiniyup pahaddo. Ilooy ilay mintu sinyal para siga malaikat Anak Manusiyaꞌ pōꞌ na ngumpo mimon manusiyaꞌ ma sukuꞌ na. Pag-anu, boꞌ da ngalataan sika-mpat pidju alam ngumpo sila.”

Siga Pakaradjaan bay Pinalahil 7:6

sapu-duwa libu yana panubuꞌ si Asel, sapu-duwa libu yana panubuꞌ si Naptali, sapu-duwa libu yana panubuꞌ si Manasse,

2 Tesaloneka 1:5

Na tatas bi ina ni jinisan laug ka kabinsanaan kalnaꞌ pamarinta Tuhan, yana sipat intong du bandingan Tuhan njataꞌ bi. Batan ni bandingan na, mastiꞌ tawop jaꞌ kam tabeꞌ ni pamarinta na.

1 Korin 15:20

Sugaꞌ ni sabana na, lai na silay Almasi pinakallum pabalik. Na pagka iya bay duhuꞌ-duhuꞌ pinakallum pabalik, inaa na buktiꞌ mimon sukuꞌ na ma lay na matoy pinakallum du pabalik bbos-bbos.

1 Korin 6:9

Yaꞌ kina katoonan bi, kinawnan jama buwat maat, yaꞌ luu kabigiꞌ-bigian da ni pamarinta Tuhan? Daa kam ngandupang dī bi. Intomun bi, basta ina sagannap ma buwat maat meꞌ sapantun kalalamaan yaꞌ halal kawin, atawa ma numba kajinisan sarī man Tuhan, ma magjina, ma sikameek-kameek lalla ka pagkahi da lalla, atawa danda ka pagkahi da danda, mastiꞌ yaꞌ sina luu sukuꞌ da ni pamarinta Tuhan.

Salsila siga Rasul 14:27

Luu jaꞌ siꞌ sila takka ni Antiyok, lay tawag da sagannap sukuꞌ si Isa ndooy. Kumpo jaꞌ siꞌ sila, lay na ga si Pol nuntut mimon bay pabuwat da man tabang Tuhan ni jataꞌ da. Maka lay gi sila nuntut bong pooy meꞌ Tuhan bay mukaꞌ puad siga bangsa saꞌ Yahudi pitsayaꞌ na ni si Isa.

Salsila siga Rasul 14:22

Ni siga daira looy siꞌ, bbuwatan da mataggu iman siga sukuꞌ si Isa sampay muwansangan sila yaꞌ nohoꞌ ngalabbahan pangando da ni Papuꞌ Isa. Maka lay gi sila maintoman sila ndooy, yuk da, “Mastiꞌ luu jaꞌ sina jinisan katiksaan talingkaꞌ tabi boꞌ tabi nakka pa jawom pamarinta Tuhan ni sulgaꞌ.”

Lukas 16:22

“Na song hallom, lay na matoy si Lasarus sampay lay na ya binoo meꞌ siga malaikat magdambuwaꞌ ka Nabi Ibrahim ndooy ni ahirat. Yaꞌ hallom, lay na du matoy sawraga looy sampay lay na kinubu.

Matiyu 3:2

Pamakoy na bay pinabuwat ka bū untaꞌ maka kambot na kuwit sapiꞌ. Makanan na tompang ka gowaꞌ buwani. Ndooy siꞌ, wā ya masaplag ni siga jama ma bay pilay pa mman na, yuk na, “Nawbat na kam sabap tapit na katakka pamarinta Tuhan.” Na sabapan pabuwatan si Yahiya ilay siꞌ, lay na binakbul bay tunaꞌ Nabi Isaya, ilooy ma yuk na, “Luu sina mintu jama takale ngahowap ni lahat lau-lau, yuk na, ‘Saddiyahun bi na lān ni katakka Papuꞌ. Paintongun bi na mari tahan na patiluꞌ pa mman bi.’ ”

Panagnaan 49:10

Maka Juda, luu sina mintu siga panubuꞌ nu magsunuꞌ-sunuꞌ magsultan ni lahat tabi. Boꞌ luu gi sina mintu lahil panubuꞌ nu ilooy ma yaꞌ na kuhi labbos pagkasultan na saumu. Iya ina mintu yana sultan ma inasip meꞌ mimon kabangsa-bangsahan.

Panagnaan 28:14

Ga panubuꞌ nu ina mintu, mas mura gi initung momok tanaꞌ man sila tandaꞌ ni kaeka da. Maka ngalelet na pin sina mintu sila pa sikaliput pidju alam. Bbos-bbos ina mimon kabangsa-bangsahan sinupaatan na man sabapan nu ka panubuꞌ nu.

Panagnaan 22:18

Maka bbos-bbos ina mimon kabangsa-bangsahan sinupaatan man sabapan panubuꞌ nu sabap meꞌ nu bay ngasip niyaku.’ ”

Panagnaan 12:3

Sagannap ma mitsala kau pa kaayaran, supaatan ku du sina. Sugaꞌ soysoy baw ina numpaan kau, sumpaan ku du. Bbos-bbos kau ina poonan man mimon kabangsa-bangsahan taꞌ babaw junyaꞌ koleꞌ supaat.”

Matiyu 8:10

Pag takale si Isa halling na, kapajayip ya sampay yuk na ni siga jama ma ngahaboyan iya, “Baan ta kam banahan, minsan ni bangsa Israil, yaꞌ gi ku bay ngita san disu meꞌ ehe pangando kapitan tuu.”

Matiyu 21:41

Tampung da, “Mastiꞌ pinapatoy jaꞌ silay meꞌ na ga jama jahat looy siꞌ, boꞌ pina-ntan na meꞌ na kabbun na ni jama sarī ma kuhi ngandean bahagiꞌ na.”